ಫಿಲ್ಮಿಬೀಟ್ ಓದುಗರ ತೀರ್ಪು: 2018ರ ಅತ್ಯುತ್ತಮ ನಟ ಅಂಬರೀಶ್

ಅಂಬಿ ನಿಂಗ್ ವಯಸ್ಸಾಯ್ತೋ ಸಿನಿಮಾ

ರೆಬೆಲ್ ಸ್ಟಾರ್ ಅಂಬರೀಶ್ ಮತ್ತು ಸುದೀಪ್ ಅಭಿನಯಿಸಿದ್ದ ಕೊನೆಯ ಸಿನಿಮಾ ಚಿತ್ರ 'ಅಂಬಿ ನಿಂಗ್ ವಯಸ್ಸಾಯ್ತೋ' ಚಿತ್ರದ ಅಭಿನಯಕ್ಕಾಗಿ ಅಂಬರೀಶ್ ನಾಮನಿರ್ದೇಶನವಾಗಿದ್ದರು. ಶೇಕಡಾ 34 ರಷ್ಟು ಮತ ಪಡೆದುಕೊಂಡಿರುವ ದಿವಂಗತ ನಟ ಅಂಬರೀಶ್ ಒಟ್ಟು 18863 ಮತಗಳನ್ನ ಪಡೆದು ಜಯಶೀಲರಾಗಿದ್ದಾರೆ.

ನಂತರದ ಸ್ಥಾನದಲ್ಲಿ ಶಿವಣ್ಣ

ಟಗರು ಚಿತ್ರದ ನಟನೆಗಾಗಿ ನಾಮಿನೇಟ್ ಆಗಿದ್ದ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ (11102 ಮತ) ಎರಡನೇ ಸ್ಥಾನ ಪಡೆದುಕೊಂಡಿದ್ದಾರೆ. ಮೂರನೇ ಸ್ಥಾನದಲ್ಲಿ ಕೆಜಿಎಫ್ ಸ್ಟಾರ್ ಯಶ್ (10489) ಸ್ಥಾನ ಪಡೆದುಕೊಂಡಿದ್ದಾರೆ.

ಸುದೀಪ್ ಮತ್ತು ಗಣೇಶ್

ನಾಲ್ಕನೇ ಸ್ಥಾನದಲ್ಲಿ ದಿ ವಿಲನ್ ಚಿತ್ರಕ್ಕಾಗಿ ನಾಮನಿರ್ದೇಶನವಾಗಿದ್ದ ಕಿಚ್ಚ ಸುದೀಪ್ (9162 ಮತ) ಹಾಗೂ ಐದನೇ ಸ್ಥಾನದಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್ ಅವರು (1377 ಮತ) ಇದ್ದಾರೆ.

ಉಳಿದವರು ಯಾರು?

ಟಾಪ್ ಐದರ ನಂತರ ಅಜಯ್ ರಾವ್, ಕಾರ್ತಿಕ್ ಜಯರಾಂ, ಸತೀಶ್ ನೀನಾಸಂ, ಶರಣ್, ದುನಿಯಾ ವಿಜಯ್, ಜಗ್ಗೇಶ್, ಚಿರಂಜೀವಿ ಸರ್ಜಾ ಹಾಗೂ ದಿಗಂತ್ ಕ್ರಮವಾಗಿ ಸ್ಥಾನ ಪಡೆದುಕೊಂಡಿದ್ದಾರೆ.