ಕ್ರೇಜಿಸ್ಟಾರ್ ಪುತ್ರ ಮನೋರಂಜನ್ 2017ರ ಅತ್ಯುತ್ತಮ ಉದಯೋನ್ಮಖ ನಟ

ಅತ್ಯುತ್ತಮ ಉದಯೋನ್ಮುಖ ನಟ ಮನೋರಂಜನ್

'ಒನ್ ಇಂಡಿಯಾ/ಫಿಲ್ಮಿಬೀಟ್ ಕನ್ನಡ' ಓದುಗರ ಆಯ್ಕೆ ಪ್ರಕಾರ, 2017ರ 'ಅತ್ಯುತ್ತಮ ಉದಯೋನ್ಮುಖ ನಟ'ನಾಗಿ ಕ್ರೇಜಿಸ್ಟಾರ್ ಪುತ್ರ ಮನೋರಂಜನ್ ಆಯ್ಕೆಯಾಗಿದ್ದಾರೆ.

ಕ್ರೇಜಿಪುತ್ರನ 'ಸಾಹೇಬ'

ಪ್ರತಿಭಾನ್ವಿತ ಯುವ ನಟರ ಜೊತೆ ಸ್ಪರ್ಧೆಯಲ್ಲಿದ್ದ ಮನೋರಂಜನ್ 57% ರಷ್ಟು ಮತಗಳನ್ನು ಪಡೆಯುವುದರ ಮೂಲಕ ವಿಜಯಶಾಲಿ ಆಗಿದ್ದಾರೆ. ಕಳೆದ ವರ್ಷ 'ಸಾಹೇಬ' ಚಿತ್ರದ ಮೂಲಕ ಮನೋರಂಜನ್ ಗೆ ಇಂಡಸ್ಟ್ರಿಗೆ ಎಂಟ್ರಿಕೊಟ್ಟಿದ್ದರು.

ಸಾಹೇಬನಿಗೆ ಫೈಟ್ ನೀಡಿದ ರಿಷಿ

ಮನೋರಂಜನ್ ಅವರ 'ಸಾಹೇಬ' ಚಿತ್ರಕ್ಕೆ 'ಆಪರೇಷನ್ ಅಲಮೇಲಮ್ಮ' ಖ್ಯಾತಿಯ ರಿಷಿ ತೀವ್ರ ಪೈಪೋಟಿ ನೀಡಿದ್ದರು. ಅಂತಿಮವಾಗಿ, 24% ರಷ್ಟು ಮತಗಳನ್ನ ಪಡೆದು ರಿಷಿ ಎರಡನೇ ಸ್ಥಾನ ಪಡೆದುಕೊಂಡರು.

ನಂತರದ ಸ್ಥಾನದಲ್ಲಿ.....

ಮನೋರಂಜನ್, ರಿಷಿ ನಂತರ 'ಒಂದು ಮೊಟ್ಟೆಯ ಕಥೆ' ಖ್ಯಾತಿಯ ರಾಜ್ ಬಿ ಶೆಟ್ಟಿ, 'ಹುಲಿರಾಯ' ಖ್ಯಾತಿಯ ಬಾಲು ನಾಗೇಂದ್ರ, 'ರೋಗ್' ಚಿತ್ರದ ನಾಯಕ ಇಶಾನ್ ಮತ್ತು 'ಮನಸು ಮಲ್ಲಿಗೆ' ಚಿತ್ರದ ನಾಯಕ ನಿಶಾಂತ್ ಕ್ರಮವಾಗಿ ಸ್ಥಾನ ಪಡೆದುಕೊಂಡಿದ್ದಾರೆ.