ಮೊಟ್ಟ ಮೊದಲ ಸಲ ಆಂಧ್ರದ ಈ ಚಿತ್ರಮಂದಿರದಲ್ಲಿ ಕನ್ನಡ ಸಿನಿಮಾ ತೆರೆಕಾಣ್ತಿದೆ.!

ಆಂಧ್ರದ ಅನಂತಪುರದಲ್ಲಿ ಯಜಮಾನ

ಆಂಧ್ರ ಪ್ರದೇಶದ ಅನಂತಪುರದಲ್ಲಿರುವ ಎಸ್ ವಿ ಸಿನಿಮ್ಯಾಕ್ಸ್ (ಶ್ರೀ ವೆಂಕಟೇಶ್ವರ ಥಿಯೇಟರ್) ನಲ್ಲಿ ಇದೇ ಮೊದಲ ಸಲ ಕನ್ನಡ ಸಿನಿಮಾ ರಿಲೀಸ್ ಆಗ್ತಿದೆ. ಈ ವಿಷ್ಯವನ್ನ ಖುದ್ದು ಚಿತ್ರಮಂದಿರದವರೇ ತಮ್ಮ ಫೇಸ್ ಬುಕ್, ಟ್ವಿಟ್ಟರ್ ನಲ್ಲಿ ಪ್ರಕಟಿಸಿಕೊಂಡಿದ್ದಾರೆ.

ಫೆಬ್ರವರಿ 27ಕ್ಕೆ ಬುಕ್ಕಿಂಗ್.!

ಕರ್ನಾಟಕದಲ್ಲಿ ಈಗಾಗಲೇ ಆನ್ ಟಿಕೆಟ್ ಬುಕ್ಕಿಂಗ್ ಓಪನ್ ಆಗಿದೆ. ಆದ್ರೆ, ಅನಂತಪುರ ಎಸ್ ವಿ ಸಿನಿಮ್ಯಾಕ್ಸ್ ಚಿತ್ರಮಂದಿರದಲ್ಲಿ ಫೆಬ್ರವರಿ 27 ರಂದು ಯಜಮಾನ ಟಿಕೆಟ್ ಸಿಗಲಿದೆ. ಅನಂತಪುರದಲ್ಲಿ ಕನ್ನಡ ಸಿನಿಮಾ ಬಿಡುಗಡೆಯಾಗುತ್ತಿರುವುದಕ್ಕೆ ಸಹಜವಾಗಿ ಕನ್ನಡ ಸಿನಿಮಾ ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ.

ಕನ್ನಡ ಸಿನಿಮಾ ಎಂಬುದೇ ವಿಶೇಷ

ಆಂಧ್ರಪ್ರದೇಶದಲ್ಲಿ ಕನ್ನಡ ಸಿನಿಮಾ ರಿಲೀಸ್ ಆಗ್ತಿದೆ. ಇದು ಡಬ್ಬಿಂಗ್ ಚಿತ್ರವಲ್ಲ. ನೇರವಾಗಿ ಕನ್ನಡದಲ್ಲಿ ತಯಾರಾಗಿರುವ ಸಿನಿಮಾ ಎಂಬುದು ಗಮನಿಸಬೇಕಾದ ವಿಚಾರ. ಹೀಗಾಗಿ, ಕನ್ನಡ ಚಿತ್ರಗಳಿಗೆ ಹೊರರಾಜ್ಯಗಳಲ್ಲಿ ಪ್ರೇಕ್ಷಕರಿದ್ದಾರೆ ಎಂಬುದಕ್ಕೆ ಇದು ಕೂಡ ಉದಾಹರಣೆಯಾಗಿದೆ.

ಉತ್ತರ ಭಾರದಲ್ಲೂ ಕನ್ನಡದ ಯಜಮಾನ

ಅಂದ್ಹಾಗೆ, ಕರ್ನಾಟಕ, ತಮಿಳುನಾಡು, ಆಂಧ್ರಪ್ರದೇಶದಲ್ಲಿ ಮಾತ್ರವಲ್ಲ ಉತ್ತರ ಭಾರತದ ಹಲವು ಕಡೆ ಹಾಗೂ ವಿದೇಶದಲ್ಲೂ ಕೂಡ ಕನ್ನಡ ಭಾಷೆಯಲ್ಲೇ ಯಜಮಾನ ರಿಲೀಸ್ ಮಾಡುತ್ತೇವೆ ನಿರ್ಮಾಪಕಿ ಶೈಲಜಾ ನಾಗ್ ಹೇಳಿದ್ದರು. ಅದರಂತೆ ಕನ್ನಡ ಸಿನಿಮಾವೊಂದು ದೇಶಾದ್ಯಂತೆ ಸದ್ದು ಮಾಡ್ತಿದೆ.