2020 ಮುಕ್ತಾಯ: ಮೊದಲ ಹಾಗೂ ಕೊನೆಯ ಕನ್ನಡ ಸಿನಿಮಾ ಯಾವುದು?

ಶಕೀಲಾ ಕೊನೆಯ ಚಿತ್ರ

ಇಂದ್ರಜಿತ್ ಲಂಕೇಶ್ ನಿರ್ದೇಶನದ ಶಕೀಲಾ ಸಿನಿಮಾ ಈ ವರ್ಷ ಬಿಡುಗಡೆಯಾದ ಕನ್ನಡದ ಕೊನೆಯ ಸಿನಿಮಾ. ಸೌತ್ ಇಂಡಸ್ಟ್ರಿಯ ನೀಲಿ ತಾರೆ ಶಕೀಲಾ ಅವರ ಬಯೋಪಿಕ್ ಚಿತ್ರ ಇದಾಗಿದ್ದು, ರಿಚಾ ಚಡ್ಡಾ ಶಕೀಲಾ ಅವರ ಪಾತ್ರದಲ್ಲಿ ನಟಿಸಿದ್ದರು. ಕ್ರಿಸ್‌ಮಸ್ ಹಬ್ಬದ ಪ್ರಯುಕ್ತ ಕನ್ನಡ, ತೆಲುಗು, ತಮಿಳು ಹಾಗೂ ಹಿಂದಿ ಭಾಷೆಗಳಲ್ಲಿ ಶಕೀಲಾ ತೆರೆಕಂಡಿದೆ.

2020; ಕೊರೊನಾ ವರ್ಷದಲ್ಲೂ ಗಮನ ಸೆಳೆದ ಕನ್ನಡದ ಸಿನಿಮಾಗಳಿವು

ರಾಜೀವ ಐಎಎಸ್ ಮೊದಲ ಸಿನಿಮಾ

2020ರ ಮೊದಲ ಸಿನಿಮಾ ರಾಜೀವ ಐಎಎಸ್. ಜನವರಿ 3 ರಂದು ಮೂರು ಕನ್ನಡ ಸಿನಿಮಾಗಳು ಬಿಡುಗಡೆಯಾಗಿದ್ದವು. ರಾಜೀವ ಐಎಎಸ್, ವೇಷಧಾರಿ, ಗುಡಮನ ಅವಾಂತರ ಸಿನಿಮಾಗಳು ತೆರೆಕಂಡಿದ್ದವು. ರಾಜೀವ ಐಎಎಸ್ ಚಿತ್ರದಲ್ಲಿ ಮಯೂರ್ ಪಾಟೀಲ್ ನಾಯಕನಟರಾಗಿದ್ದರು.

ವರ್ಷದಲ್ಲಿ ಗಮನ ಸೆಳೆದ ಚಿತ್ರಗಳು

ಇಂಡಿಯಾ vs ಇಂಗ್ಲೆಂಡ್, ಖಾಕಿ, ಕಾಣದಂತೆ ಮಾಯವಾದನು, ಮಾಲ್ಗುಡಿ ಡೇಸ್, ಲವ್ ಮಾಕ್ಟಲ್, ಜಂಟಲ್ ಮನ್, ದಿಯಾ, ಮಾಯಾ ಬಜಾರ್, ಪಾಪ್‌ಕಾರ್ನ್ ಮಂಕಿ ಟೈಗರ್, ಶಿವಾಜಿ ಸುರತ್ಕಲ್, ಫ್ರೆಂಚ್ ಬಿರಿಯಾನಿ, ಆಕ್ಟ್ 1978, ಅರಿಷಡ್ವರ್ಗ ಸೇರಿದಂತೆ ಹಲವು ಚಿತ್ರಗಳು ಈ ವರ್ಷ ಗಮನ ಸೆಳೆದವು.

2020: ಒಟಿಟಿಯಲ್ಲಿ ಅತೀ ಹೆಚ್ಚು ವೀಕ್ಷಣೆ ಪಡೆದ ಭಾರತದ 'ಟಾಪ್ 10' ಸಿನಿಮಾಗಳಿವು

ಒಟಿಟಿಯಲ್ಲಿ ತೆರೆಕಂಡ ಚಿತ್ರಗಳು

ಅಂದ್ಹಾಗೆ, ಈ ವರ್ಷ ಕೆಲವು ಸಿನಿಮಾ ಒಟಿಟಿಯಲ್ಲಿ ಬಿಡುಗಡೆಯಾಗಿದೆ. ಪ್ರಜ್ವಲ್ ದೇವರಾಜ್ ಪತ್ನಿ ರಾಗಿಣಿ ಚಂದ್ರನ್ ನಟನೆಯ 'ಲಾ', ದ್ಯಾನಿಶ್ ಸೇಠ್ ಅಭಿನಯದ ಫ್ರೆಂಚ್ ಬಿರಿಯಾನಿ, ಭೀಮಸೇನ ನಳಮಹಾರಾಜ ಸಿನಿಮಾಗಳು ಆನ್‌ಲೈನ್‌ನಲ್ಲಿ ಪ್ರದರ್ಶನ ಕಂಡಿತ್ತು.