'ಫ್ಯಾಂಟಮ್' ಮೊದಲ ದೃಶ್ಯದಲ್ಲಿ ಕಿಚ್ಚ ಸುದೀಪ್ ಅಭಿನಯ ಹೇಗಿತ್ತು?

ಸುದೀಪ್ ಅಭಿನಯ ಅದ್ಭುತ

'ಸುದೀಪ್ ಸರ್ ಜತೆಗೆ ಮೊದಲ ದೃಶ್ಯ ಚಿತ್ರೀಕರಿಸಲು ಸಿದ್ಧತೆ ನಡೆಸುತ್ತಿದ್ದೇನೆ. 'ಫ್ಯಾಂಟಮ್' ಚಿತ್ರೀಕರಣ ಶುರುವಾಗಿದೆ' ಎಂದಿರುವ ಅನೂಪ್, ಸುದೀಪ್ ಅದ್ಭುತವಾಗಿ ಅಭಿನಯಿಸಿದ್ದಾರೆ ಎಂದು ಅನೂಪ್ ಭಂಡಾರಿ ಮಾಹಿತಿ ನೀಡಿದ್ದಾರೆ. ಸುದೀಪ್ ಅಭಿನಯವನ್ನು ಅವರು 'ಹಿ ನೈಲ್ಡ್ ಇಟ್' ಎಂದು ಒಂದೇ ಪದದಲ್ಲಿ ವರ್ಣಿಸಿದ್ದಾರೆ.

ಎಕ್ಸೈಟ್ ಆಗಿದ್ದೇನೆ ಎಂದ ಸುದೀಪ್

ಕಂಠೀರವ ಸ್ಟುಡಿಯೋದಲ್ಲಿ ಭಾನುವಾರ ಚಿತ್ರತಂಡ ಫೋಟೊ ಹಾಗೂ ಪ್ರೋಮೋ ಚಿತ್ರೀಕರಣ ನಡೆಸಿತ್ತು. ಇದರ ಬಗ್ಗೆ ಅಪ್‌ಡೇಟ್ ನೀಡಿದ್ದ ಸುದೀಪ್, 'ಕಂಠೀರವ ಸ್ಟುಡಿಯೋದಲ್ಲಿ ಫ್ಯಾಂಟಮ್‌ಗಾಗಿ ಅದ್ಭುತವಾದ ಫೋಟೊ ಮತ್ತು ಪ್ರೋಮೋ ಶೂಟ್ ನಡೆದಿದೆ. ನಾಳೆಯಿಂದ ಸಿನಿಮಾ ಚಿತ್ರೀಕರಣ ಪ್ರಾರಂಭವಾಗಲಿದೆ. ತಂಡ ಸಕತ್ ಎಕ್ಸೈಟ್ ಆಗಿದೆ. ನಾನೂ ಕೂಡ. ಎಲ್ಲ ಕಲಾವಿದರಿಗೂ, ತಾಂತ್ರಿಕ ತಂಡಕ್ಕೂ ಮತ್ತು ನಿರ್ಮಾಣ ಸಂಸ್ಥೆಗೂ ಶುಭಾಶಯ ಹೇಳುತ್ತೇನೆ' ಎಂದು ಟ್ವೀಟ್ ಮಾಡಿದ್ದರು.

ಸುದೀಪ್ 'ಫ್ಯಾಂಟಮ್' ಸಿನಿಮಾಗೆ ಎಂಟ್ರಿ ಕೊಟ್ಟ ಸ್ಯಾಂಡಲ್ ವುಡ್ ನ ಖ್ಯಾತ ನಟ

ವಿಭಿನ್ನ, ಆಕರ್ಷಕ ಪೋಸ್ಟರ್

ಫ್ಯಾಂಟಮ್‌ನ ಮೊದಲ ಆಕರ್ಷಕ ಪೋಸ್ಟರ್‌ಗೆ ಸುದೀಪ್ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಕೈಯಲ್ಲಿ ಗನ್ ಹಿಡಿದು ನಿಂತ ಸುದೀಪ್ ಅವರ ನೆರಳಿನ ಚಿತ್ರ, ಹಾಗೂ ಹಿನ್ನೆಲೆಯಲ್ಲಿ ಬೆಳಕು ಪ್ರಕಾಶಿಸುವ ವಿನ್ಯಾಸದ ಪೋಸ್ಟರ್‌ನಲ್ಲಿ, 'ಚಿತ್ರೀಕರಣ ಆರಂಭವಾಗಿದೆ' ಎಂದು ತಿಳಿಸಲಾಗಿತ್ತು. ಪೋಸ್ಟರ್ ತುಂಬಾ ಚೆನ್ನಾಗಿದೆ ಎಂಬ ಹೊಗಳಿಕೆಗಳು ವ್ಯಕ್ತವಾಗಿವೆ.

ಫ್ಯಾಂಟಮ್ ಹೊಸ ಅವತಾರ

'ಕೋಟಿಗೊಬ್ಬ 3' ಚಿತ್ರೀಕರಣ ಮುಗಿಸಿರುವ ಸುದೀಪ್, 'ಫ್ಯಾಂಟಮ್' ಚಿತ್ರಕ್ಕಾಗಿ ತಮ್ಮ ಅವತಾರ ಬದಲಿಸಿದ್ದಾರೆ. ಚಿತ್ರದಲ್ಲಿ ಅವರ ಹೇರ್‌ ಸ್ಟೈಲ್ ವಿಭಿನ್ನವಾಗಿರಲಿದೆಯಂತೆ. ಫ್ಯಾಂಟಮ್ ಮುಂಚೆಗೂ ಅನೂಪ್ ಮತ್ತ ಸುದೀಪ್ ಜೋಡಿಯಿಂದ 'ಬಿಲ್ಲ ರಂಗ ಬಾಷಾ' ಚಿತ್ರ ಬರಲಿದೆ ಎನ್ನಲಾಗಿತ್ತು. ಎರಡು 2018ರಲ್ಲಿಯೇ ಅನೂಪ್ ಭಂಡಾರಿ ಈ ಬಗ್ಗೆ ಮಾಹಿತಿ ನೀಡಿದ್ದರು. ಆದರೆ ಈಗ ಜಾಕ್ ಮಂಜು ನಿರ್ಮಾಣದಲ್ಲಿ 'ಫ್ಯಾಂಟಮ್' ಆರಂಭವಾಗಿದೆ.