ದರ್ಶನ್ ಜೊತೆ ನಾವಿದ್ದೇವೆ: ಸಾಮಾಜಿಕ ಜಾಲತಾಣದಲ್ಲಿ ಡಿ ಬಾಸ್ ಪರ ಅಭಿಯಾನ

ನಟ ಡ್ಯಾನಿಶ್ ಅಖ್ತರ್

ಕುರುಕ್ಷೇತ್ರ ಸಿನಿಮಾ ಮೂಲಕ ಚಂದನವನಕ್ಕೆ ಕಾಲಿಟ್ಟಿದ್ದ ಹಿಂದಿ ನಟ ಡ್ಯಾನಿಶ್ ಅಖ್ತಾರ್ ಟ್ವೀಟ್ ಮಾಡಿ ದರ್ಶನ್ ಗೆ ಬೆಂಬಲ ಸೂಚಿಸಿದ್ದಾರೆ. 'ನಾನು ಯಾವಾಗಲೂ ನನ್ನ ಬಾಸ್ ಪರ' ಎಂದು ಬರೆದು ಹಾರ್ಟ್ ಇಮೋಜಿ ಹಾಕಿದ್ದಾರೆ. ಲವ್ ಯು ಸರ್ ಎಂದು ಬರೆದು ದರ್ಶನ್ ಮೇಲಿನ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾರೆ.

ಪ್ರಜ್ವಲ್ ದೇವರಾಜ್ ಸಹೋದರರು

ಪ್ರಣಮ್ ದೇವರಾಜ್ ಸಹ ಪ್ರತಿಕ್ರಿಯೆ ನೀಡಿ ಅಣ್ಣನ ಪರ ಎಂದು ಹೇಳಿದ್ದಾರೆ. ಈ ಬಗ್ಗೆ ಟ್ವೀಟ್ ಮಾಡಿದ್ದು, 'ನಾನು ಯಾವಾಗಲು ನಿಮ್ಮ ಪರ ಅಣ್ಣ' ಎಂದಿದ್ದಾರೆ. ದರ್ಶನ್ ಜೊತೆ ಇರುವ ಸುಂದರ ಫೋಟೋವನ್ನು ಹಂಚಿಕೊಂಡಿದ್ದಾರೆ.

ನಟಿ ಅಮೂಲ್ಯ ಪತಿ ಜಗದೀಶ್

"ಉತ್ತಮ ಕಲಾವಿದರಾಗಿ, ರಾಜರಾಜೇಶ್ವರಿ ನಗರದ ನಿವಾಸಿಯಾಗಿ, ಕುಟುಂಬದ ಆತ್ಮೀಯರಾಗಿ ದರ್ಶನ್ ಅವರು ಚಿರಪರಿಚಿತರು. ಸಮಾಜದ ಕಷ್ಟಗಳಿಗೆ, ವನ್ಯಜೀವಿಗಳ ರಕ್ಷಣೆಗೆ ಸ್ಪಂದಿಸುವ ಉತ್ತಮ ಸ್ವಭಾವವುಳ್ಳವರು. ಯಾವುದೋ ವಿಚಾರವನ್ನು ಅನಗತ್ಯವಾಗಿ ಎಳೆದು, ದಾರಿ ತಪ್ಪಿಸಿ, ಅಪಪ್ರಚಾರ ನಡೆಸುವ ಪ್ರಯತ್ನ ನಡೆಯುತ್ತಿರುವುದು ವಿಪರ್ಯಾಸ" ಎಂದು ಟ್ವೀಟ್ ಮಾಡಿದ್ದಾರೆ.

ನಟ ರಾಜ್ ವರ್ಧನ್

ನಾನು ನಿಮ್ಮ ಪಯಣವನ್ನು ನೋಡಿದ್ದೇನೆ. ನೀವು ಇವತ್ತು ಏನು ಸಾಧನೆ ಮಾಡಿದ್ದೀರೋ ಅದರ ಹಿಂದೆ ಅದ್ಭುತ ಗುಣ, ಪಾಸಿಟಿವ್ ಎನರ್ಜಿ, ಸ್ಫೂರ್ತಿದಾಯಕ ವ್ಯಕ್ತಿತ್ವವಿದೆ. ನಿಮ್ಮ ಬಗ್ಗೆ ಏನೆ ಆರೋಪ ಕೇಳಿಬಂದರು ಅದು ಮುಖ್ಯವಲ್ಲ. ನೀವು ಯಾವಾಗಲು ನಿಮ್ಮದೆ ಶೈಲಿಯಲ್ಲಿ ಹೊಳೆಯುತ್ತಿರುತ್ತೀರಿ. ನಾನು ನಿಮ್ಮ ಪರ ನಿಲ್ಲುತ್ತೇನೆ ಅಣ್ಣ" ಎಂದು ಬರೆದುಕೊಂಡಿದ್ದಾರೆ.

ನಟ ಆದಿತ್ಯ

ಈ ಕಠಿಣ ಸಮಯದಲ್ಲಿ ಯಾರು ನಿಮ್ಮೊಂದಿಗೆ ನಿಲ್ಲುತ್ತಾರೋ ಇಲ್ವೋ ಆದರೆ ನಾನು ಯಾವಾಗಲೂ ನಿಮ್ಮ ಪಕ್ಕದಲ್ಲಿಯೇ ಇರುತ್ತೇನೆ. ಸೆಲೆಬ್ರಿಟಿಗಳಿಗೆ ನಿಮ್ಮ ಬೆಂಬಲವನ್ನು ನೆನಪಿಸಿಕೊಳ್ಳುತ್ತೇನೆ. ನಾವು ನಿಮ್ಮನ್ನು ಪ್ರೀತಿಸುತ್ತೇವೆ. ನಾವು ನಿಮ್ಮನ್ನು ಬೆಂಬಲಿಸುತ್ತೇವೆ. ಯಾವಾಗಲು ನಿಮ್ಮೊಂದಿಗೆ ನಿಲ್ಲುತ್ತೇವೆ" ಎಂದು ಟ್ವೀಟ್ ಮಾಡಿದ್ದಾರೆ.

Recommended Video

ಇಂದ್ರಜಿತ್ ಮೀಟರ್ ನ ಮೆಚ್ಚಲೇ ಬೇಕು

ನಟ ಧನ್ವೀರ್

"ನನ್ನ ಪ್ರೀತಿ, ನಂಬಿಕೆ, ಸ್ಫೂರ್ತಿಗೆ ಇನ್ನೊಂದು ಹೆಸರು ಡಿ ಬಾಸ್. ನಾನು ಚಿತ್ರೋದ್ಯಮಕ್ಕೆ ಬರುವ ಮೊದಲಿನಿಂದಲೂ ಡಿ ಬಾಸ್ ಅಭಿಮಾನಿ. ಅಭಿಮಾನ ಎನ್ನುವುದು ಚಿತ್ರ ನೋಡಿದಾಗ ಮಾತ್ರ ಬರುವುದಿಲ್ಲ. ಚಿತ್ರರಂಗಕ್ಕೆ ಬರುವ ಮೊದಲು ಅವರು ಪಟ್ಟಿರುವ ಕಷ್ಟ, ಚಿತ್ರರಂಗದಲ್ಲಿ ನಡೆದು ಬಂದ ಹಾದಿಯಿಂದ ಬರುವಂತದ್ದು. ಜೊತೆಗೆ ಯಾರಿಗೂ ಗೊತ್ತಾಗದಂತೆ ಮಾಡುವ ನಿಸ್ವಾರ್ಥ ಸಹಾಯ. ಇಂತಹ ನೂರಾರು ಗುಣಗಳಿರುವ ನನ್ನಂತ ಅಭಿಮಾನಿಗಳಿಗೆ ಸ್ಫೂರ್ತಿಯಾಗಿ ನಿಂತಿರುವ ಬೃಹತ್ ಶಿಖರ ಡಿ ಬಾಸ್'' ಎಂದು ನಟ ಧನ್ವೀರ್ ಪೋಸ್ಟ್ ಹಾಕಿದ್ದಾರೆ.