Don't Miss!
- Lifestyle ಗ್ರಹಣ ಕಾಲದಲ್ಲಿ ಆಹಾರ ಸೇವಿಸಬಾರದೇಕೆ.? ಹಿರಿಯರ ವಾದವೇನು..?
- Technology ಬಜೆಟ್ ದರದಲ್ಲಿ ಬೆಸ್ಟ್ 5G ಫೋನ್ ಬೇಕಿದ್ರೆ, ಈ ಲಿಸ್ಟ್ ಒಮ್ಮೆ ಗಮನಿಸಿ!
- Finance ಆದಾಯ ತೆರಿಗೆ ಇಲಾಖೆಯಿಂದ ಕಾಂಗ್ರೆಸ್ಗೆ 1,823 ಕೋಟಿ ರೂ. ನೋಟಿಸ್: ತೆರಿಗೆ ಭಯೋತ್ಪಾದನೆ ನಿಲ್ಲಲೇಬೇಕು ಎಂದ ಪಕ್ಷ
- News Namma Metro Purple Line: ದೈನಂದಿನ ಪ್ರಯಾಣಿಕರ ಸಂಖ್ಯೆಯಲ್ಲಿ ಭಾರೀ ಇಳಿಕೆ, ಕಾರಣಗಳೇನು?
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಎಂತಹ ಕಾಕತಾಳೀಯ : ಅಚ್ಚರಿಯ ಸಂಗತಿ ಹಂಚಿಕೊಂಡ ಗಣೇಶ್
Recommended Video
ಇದು ಕಾಕತಾಳೀಯ, ಆದರೂ ಸತ್ಯ ಈ ರೀತಿ ಹೇಳಿಯೇ ಒಂದು ಅಚ್ಚರಿಯ ಸಂಗತಿಯನ್ನು ಗೋಲ್ಡನ್ ಹುಡುಗ ಗಣೇಶ್ ಇದೀಗ ಹಂಚಿಕೊಂಡಿದ್ದಾರೆ.
ತಮ್ಮ ಟ್ವಿಟ್ಟರ್ ಖಾತೆಯ ಮೂಲಕ ಅವರ ಹೊಸ ಸಿನಿಮಾ '99' ಬಗ್ಗೆ ಅಚ್ಚರಿಯ ವಿಷಯವನ್ನು ಹೇಳಿಕೊಂಡಿದ್ದಾರೆ. ರಾಮು ಫಿಲ್ಮ್ಸ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದು, ಈಗ ಈ ಸಂಸ್ಥೆ ಮತ್ತೊಂದು ವಿಶೇಷಕ್ಕೆ ಕಾರಣವಾಗಿದೆ.
ಸೆಂಚುರಿ ಹೊಡೆದ ಅರ್ಜುನ್ ಜನ್ಯ : ಯಾವುದು 100ನೇ ಸಿನಿಮಾ?
ತಮಿಳಿನ ಈ ವರ್ಷದ ಸೂಪರ್ ಹಿಟ್ ಸಿನಿಮಾ '96'ನ ರಿಮೇಕ್ ಎನ್ನುವ ಕಾರಣಕ್ಕೆ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಜೊತೆಗೆ ಈ ಸಿನಿಮಾ ಈಗಲೇ ಅನೇಕ ವಿಶೇಷಗಳಿಗೆ ಸಾಕ್ಷಿ ಆಗುತ್ತಿದೆ.
ಇತ್ತೀಚಿಗಷ್ಟೆ ಈ ಸಿನಿಮಾ ಮುಹೂರ್ತ ನೆರವೇರಿದ್ದು, ಈಗ ಸಿನಿಮಾದ ಕುತೂಹಲಕಾರಿ ವಿಷಯವನ್ನು ನಟ ಗಣೇಶ್ ಟ್ವಿಟ್ಟರ್ ನ ಮೂಲಕ ಹಂಚಿಕೊಂಡಿದ್ದಾರೆ. ಮುಂದೆ ಓದಿ...
|
ಗಣೇಶ್ ಹಂಚಿಕೊಂಡ ಅಚ್ಚರಿ
''ಕಾಕತಾಳೀಯ, ಆದರೂ ಸತ್ಯ. 1999 ಡಾ. ಶಿವಣ್ಣ ಅಭಿನಯದ 50ನೇ ಚಿತ್ರ 'AK47' ಚಿತ್ರವನ್ನ ನಿರ್ಮಾಣ ಮಾಡಿದ್ದು ರಾಮು ಫಿಲಂಸ್. 2003 ನಾದ ಬ್ರಹ್ಮ ಡಾ.ಹಂಸಲೇಖ ಅವರ 200ನೇ ಸಂಗೀತ ನಿರ್ದೇಶನದ ಚಿತ್ರ 'ನಂಜುಂಡಿ' ಚಿತ್ರವನ್ನ ನಿರ್ಮಾಣ ರಾಮು ಫಿಲಂಸ್. ಇದೀಗ, ಅರ್ಜುನ್ ಜನ್ಯ ಸಂಗೀತದ 100ನೇ ಚಿತ್ರ ‘99' ಇದು ಕೂಡ ರಾಮು ಫಿಲಂಸ್ ಮೂಲಕ ನಿರ್ಮಾಣ ಆಗುತ್ತಿರುವ ಸಿನಿಮಾ. ಸಾಧಕರ ಸಾಧನೆಯ ಹೆಜ್ಜೆಗಳಿಗೆ ಗುರುತಾದ ರಾಮು ಸಂಸ್ಥೆ.'' ಎಂದು ಗಣೇಶ್ ಟ್ವೀಟ್ ಮಾಡಿದ್ದಾರೆ.
ರಾಮು ಫಿಲಂಸ್ ಖ್ಯಾತಿ
ಗಣೇಶ್ ಹೇಳಿರುವ ಹಾಗೆ, ಶಿವರಾಜ್ ಕುಮಾರ್ ಅವರ 50ನೇ ಸಿನಿಮಾವನ್ನು, ಹಂಸಲೇಖ ಅವರ 200ನೇ ಸಿನಿಮಾವನ್ನು ಹಾಗೂ ಅರ್ಜುನ್ ಜನ್ಯ ಅವರ 100ನೇ ಸಿನಿಮಾಗೆ ಬಂಡವಾಳ ಹಾಕಿದ್ದ ಖ್ಯಾತಿಯನ್ನು ರಾಮು ಫಿಲ್ಮ್ಸ್ ಪಡೆದಿದೆ. ಇವುಗಳಲ್ಲದೆ, ನಟಿ ಮಾಲಾಶ್ರೀ ಪತಿ ರಾಮು ತಮ್ಮ ಬ್ಯಾನರ್ ನಲ್ಲಿ ಸಾಕಷ್ಟು ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ.
'ಅರ್ಜುನ'ನಿಗೆ ಕೃಷ್ಣನ ದಾರಿ : ಜನ್ಯಗೆ ಜೀವ ನೀಡಿದ್ದ ಸುದೀಪ್
ಸೆಂಚುರಿ ಹೊಡೆದ ಜನ್ಯ
ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಇದೀಗ ಸೆಂಚುರಿ ಹೊಡೆಯಲು ತುದಿಗಾಲಿ ನಿಂತಿದ್ದಾರೆ. '99' ಸಿನಿಮಾ ಅವರ ಸಂಗೀತ ನಿರ್ದೇಶನದ ನೂರನೇ ಸಿನಿಮಾ ಆಗಲಿದೆ. ಕನ್ನಡದ ಸ್ಟಾರ್ ಗಳು ಹಾಗೂ ಹೊಸಬರು ಸೇರಿದಂತೆ ಸಾಕಷ್ಟು ಹಿಟ್ ಹಾಡುಗಳನ್ನು ಜನ್ಯ ನೀಡಿದ್ದಾರೆ. ಸದ್ಯ, ಅರ್ಜುನ್ ಜನ್ಯ ಕನ್ನಡದ ನಂಬರ್ 1 ಮ್ಯೂಸಿಕ್ ಡೈರೆಕ್ಟರ್.
'99' ಸಿನಿಮಾದ ಬಗ್ಗೆ
'99' ತಮಿಳಿನ '96' ಚಿತ್ರದ ರಿಮೇಕ್ ಆಗಿದೆ. ವಿಜಯ್ ಸೇತುಪತಿ ಪಾತ್ರದಲ್ಲಿ ಗಣೇಶ್, ತ್ರಿಷಾ ಪಾತ್ರದಲ್ಲಿ ಭಾವನ ನಟಿಸುತ್ತಿದ್ದಾರೆ. ಪ್ರೀತಮ್ ಗುಬ್ಬಿ ನಿರ್ದೇಶನದ ಜವಾಬ್ದಾರಿ ತೆಗೆದುಕೊಂಡಿದ್ದಾರೆ. ಅಲ್ಲಿ ಹಿಟ್ ಆದ ಈ ಸಿನಿಮಾ ಇಲ್ಲಿನ ಪ್ರೇಮಿಗಳಿಗೂ ತಂಪು ನೀಡುತ್ತದೆಯೇ ಕಾದು ನೋಡಬೇಕು.