ನಿಮಗೆ ಗೊತ್ತೇ: ಗಣೇಶ್-ನಾಗಣ್ಣ ಸೇರಿಕೊಂಡು 'ಗಿಮಿಕ್' ಮಾಡ್ತಿದ್ದಾರೆ.!

ಏನೇನೋ ಅಂದುಕೊಳ್ಳಬೇಡಿ.!

ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ನಾಗಣ್ಣ 'ಗಿಮಿಕ್' ಮಾಡ್ತಿದ್ದಾರೆ ಎಂದಕೂಡಲೆ ಏನೇನೋ ಅಂದುಕೊಳ್ಳಬೇಡಿ. ಚಿನ್ನದ ಹುಡುಗ ಗಣೇಶ್ ಗೆ ನಾಗಣ್ಣ ಆಕ್ಷನ್ ಕಟ್ ಹೇಳುತ್ತಿರುವ ಸುದ್ದಿ ನಿಮಗೆಲ್ಲಾ ಗೊತ್ತಿದೆ ತಾನೇ.? ಅದೇ ಚಿತ್ರಕ್ಕೆ ಇದೀಗ 'ಗಿಮಿಕ್' ಅಂತ ಶೀರ್ಷಿಕೆ ಫಿಕ್ಸ್ ಆಗಿದೆ.

ಹಾರರ್-ಕಾಮಿಡಿ ಸಿನಿಮಾ

'ಗಿಮಿಕ್' ಸಿನಿಮಾದಲ್ಲಿ ಹಾರರ್ ಹಾಗೂ ಕಾಮಿಡಿ ಅಂಶಗಳಿವೆ. ಇದೇ ಮೊದಲ ಬಾರಿಗೆ ಹಾರರ್ ಚಿತ್ರದಲ್ಲಿ ಮಳೆ ಹುಡುಗ ಗಣೇಶ್ ನಟಿಸುತ್ತಿದ್ದಾರೆ. ಇದಕ್ಕೆ 'ಗಿಮಿಕ್' ಅಂತ ಹೆಸರಿಟ್ಟಿರುವುದರಿಂದ ಹಲವರು ಕಣ್ಣರಳಿಸಿದ್ದಾರೆ. ಚಿತ್ರಕಥೆಗೆ 'ಗಿಮಿಕ್' ಶೀರ್ಷಿಕೆಗೆ ಪರ್ಫೆಕ್ಟ್ ಆಗಿ ಸೂಟ್ ಆಗುವ ಕಾರಣ, ಅದನ್ನೇ ಇಡಲಾಗಿದೆ.

ಶ್ರೀಲಂಕಾದಲ್ಲಿ ಚಿತ್ರೀಕರಣ.?

'ಗಿಮಿಕ್' ಮೂಲಕ ಇದೇ ಮೊದಲ ಬಾರಿಗೆ ನಾಗಣ್ಣ ಹಾಗೂ ಗಣೇಶ್ ಒಂದಾಗಿದ್ದಾರೆ. ಯಾರೂ ಚಿತ್ರೀಕರಣ ಮಾಡದ ಲೊಕೇಶನ್ ಗಳಲ್ಲಿ ಶೂಟ್ ಮಾಡಲು ಚಿತ್ರತಂಡ ನಿರ್ಧರಿಸಿದೆ. ಹೀಗಾಗಿ ಶ್ರೀಲಂಕಾದಲ್ಲಿ ಲೊಕೇಶನ್ ಹುಡುಕುತ್ತಿದ್ದಾರೆ ನಿರ್ದೇಶಕ ನಾಗಣ್ಣ.

ನಾಯಕಿ ಆಗಿ ಪಂಜಾಬಿ ಹುಡುಗಿ

ಪಂಜಾಬಿ ಚಿತ್ರಗಳಲ್ಲಿ ಅಭಿನಯಿಸಿರುವ ಪಂಜಾಬಿ ಹುಡುಗಿ ರೋನಿಕಾ ಸಿಂಗ್ 'ಗಿಮಿಕ್' ಮೂಲಕ ಕನ್ನಡ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ. ಇವರೊಂದಿಗೆ ಶೋಭರಾಜ್, ಸುಂದರ್ ರಾಜ್, ಸಾಧು ಕೋಕಿಲ ಕೂಡ ಇರಲಿದ್ದಾರೆ. ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ಇರಲಿದೆ.