ಸಿಂಬು- ತ್ರಿಶಾ ಜೋಡಿ ಮ್ಯಾಜಿಕ್ ಮತ್ತೆ ತೆರೆಗೆ : ಗೌತಮ್ ಮೆನನ್

ಎರಡು ರಾಷ್ಟ್ರಪ್ರಶಸ್ತಿ ಗೆದ್ದಿರುವ ಗೌತಮ್ ಮೆನನ್

2008ರಲ್ಲಿ ವಾರನಂ ಆಯಿರಮ್ ಹಾಗೂ 2013ರಲ್ಲಿ ಥಾಂಗ ಮೀಂಗಲ್ ಚಿತ್ರಕ್ಕಾಗಿ ರಾಷ್ಟ್ರಪ್ರಶಸ್ತಿ ಗೆದ್ದಿದ್ದಾರೆ. ಇದಲ್ಲದೆ 4 ಫಿಲಂಫೇರ್ ಪ್ರಶಸ್ತಿ, ಮೂರು ಬಾರಿ ವಿಜಯ್ ಅವಾರ್ಡ್, ಒಂದು ಬಾರಿ ಸ್ಕ್ರಿಪ್ಟ್ ರೈಟರ್ ಆಗಿ ಆಂಧ್ರಪ್ರದೇಶದ ನಂದಿ ಪ್ರಶಸ್ತಿಗಳಿಸಿದ್ದಾರೆ.

ವೇಟೈಯಾಡು ವಿಲೈಯಾಡು

ವೇಟೈಯಾಡು ವಿಲೈಯಾಡು-ಗೌತಮ್ ಅವರ ಶ್ರೇಷ್ಠ ಚಿತ್ರಗಳಲ್ಲಿ ಒಂದು. ಕಮಲ್ ಹಾಸನ್, ಜ್ಯೋತಿಕಾ, ಪ್ರಕಾಶ್ ರಾಜ್, ಡೇನಿಯಲ್ ಬಾಲಾಜಿ ಇರುವ ಈ ಚಿತ್ರದಲ್ಲಿ ಸೀರಿಯಲ್ ಕಿಲ್ಲರ್ ಸೆರೆ ಹಿಡಿಯಲು ಪೊಲೀಸ್ ಅಧಿಕಾರಿ ಪಡುವ ಪಾಡು ಮನೋಜ್ಞವಾಗಿ ಮೂಡಿ ಬಂದಿದೆ.

ಪಚೈಕಿಳಿ ಮುತ್ತುಚರಂ

ಮೊದಲ ಬಾರಿಗೆ ಸಾಹಸ ನಟ ಶರತ್ ಕುಮಾರ್ ಅವರು ಸಾಫ್ಟ್ ಕ್ಯಾರೆಕ್ಟರ್ ನಲ್ಲಿ ಹಾಗೂ ಜ್ಯೋತಿಕಾ ನೆಗಟಿವ್ ಶೇಡ್ ಪಾತ್ರದಲ್ಲಿ ಕಾಣಿಸಿಕೊಂಡ ಚಿತ್ರ. 2005ರ ಬ್ರಿಟಿಷ್ ಅಮೆರಿಕನ್ ಥ್ರಿಲ್ಲರ್ ಡೀರೈಲ್ಡ್ ಕಾದಂಬರಿ ಹಾಗೂ ಚಿತ್ರ ಆಧಾರಿತವಾಗಿತ್ತು. ಈ ಚಿತ್ರ ಟೈಟಲ್ ಕಾರ್ಡ್ ನಲ್ಲಿ ಮೆನನ್ ಕೃಪೆ ಸಲ್ಲಿಸಿದ್ದರು. ರೊಮ್ಯಾಂಟಿಕ್ ಥ್ರಿಲ್ಲರ್ ಚಿತ್ರ ಮ್ಯೂಸಿಕಲ್ ಹಿಟ್ ಆಯಿತು.

ವಾರನಂ ಆರಿಯಂ

ಅಪ್ಪ ಮಗನ ಸಂಬಂಧದ ಕಥೆಯುಳ್ಳ ಈ ಚಿತ್ರ ಸೂರ್ಯ ಅವರ ವೃತ್ತಿ ಬದುಕಿನ ಮಹೋನ್ನತ ಚಿತ್ರ. ಫಿಲಂಫೇರ್ ಪ್ರಶಸ್ತಿಯನ್ನು ಬಾಚಿಕೊಂಡಿತು. ಕನ್ನಡ ತಾರೆ ರಮ್ಯಾ ಕೂಡಾ ಒಂದು ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

ಎನ್ನೈ ಅರಿಂಧಾಳ್

ಗೌತಮ್ ಮೆನನ್ ಅವರು ಪೊಲೀಸ್ ಅಧಿಕಾರಿ ಕಥೆಯ ಮೂರನೇ ಭಾಗವಾಗಿ ತೆರೆಗೆ ತಂದ ಕಥೆ ಇದು. ಅಜಿತ್ ಅವರ ಅಭಿನಯ, ತ್ರಿಶಾ, ಅನುಷ್ಕಾ ಶೆಟ್ಟಿ ನಟನೆ, ಸಂಗೀತ ಎಲ್ಲವೂ ಚಿತ್ರದ ಭರ್ಜರಿ ಯಶಸ್ಸಿಗೆ ಕಾರಣವಾಯಿತು.

ಮಿನ್ನಾಲೆ

ಗೌತಮ್ ಮೆನನ್ ಅವರು ಸ್ವಂತ ನಿರ್ದೇಶಕರಾಗಿ ತೆರೆಗೆ ತಂದ ಮೊದಲ ಪ್ರೇಮಕಾವ್ಯ. ಮಿನ್ನಾಲೆ ಹೆಸರಿನಂತೆ ಮಿಂಚಾಗಿ ಚಿತ್ರರಂಗದಲ್ಲಿ ಸಂಚಲನ ಮೂಡಿಸಿತು. ಮಾಧವನ್ ಹಾಗೂ ರೀಮಾ ಸೇನ್ ನಟನೆ ಈ ಚಿತ್ರವನ್ನು ಹಿಂದಿಯಲ್ಲೂ ನಿರ್ಮಾಣಕ್ಕೆ ಪ್ರೇರೇಪಿಸಿತು. ರೆಹನಾ ಹೈ ತೇರೇ ದಿಲ್ ಮೇ ಚಿತ್ರ ಕೂಡಾ ಮೆಚ್ಚುಗೆಗೆ ಪಾತ್ರವಾಯಿತು.

ಕಾಕಾ ಕಾಕಾ

ಪೊಲೀಸ್ ಅಧಿಕಾರಿಯ ಕಥೆಯುಳ್ಳ ಈ ಚಿತ್ರದ ಸೂರ್ಯ ಹಾಗೂ ಜ್ಯೋತಿಕಾ ನಟನೆ, ಹ್ಯಾರೀಸ್ ಜಯರಾಜ್ ಸಂಗೀತ ಇಂದಿಗೂ ಜನಪ್ರಿಯತೆ ಉಳಿಸಿಕೊಂಡಿದೆ. ತೆಲುಗು, ಹಿಂದಿ ಹಾಗೂ ಕನ್ನಡಕ್ಕೆ ಈ ಚಿತ್ರ ರಿಮೇಕ್ ಆಗಿದೆ.

ವಿನ್ನೈಥಾಂಡಿ ವರುವಾಯ

ವಿನ್ನೈಥಾಂಡಿ ವರುವಾಯ ಒಂದು ಸರಳ ಪ್ರೇಮಕಥೆಯಾದರೂ ಪ್ರೇಕ್ಷಕರನ್ನು ಹಿಡಿದಿಡುವಲ್ಲಿ ಯಶಸ್ವಿಯಾಯಿತು. ತೆಲುಗು ಹಿಂದಿಯಲ್ಲಿ ರಿಮೇಕ್ ಆಯಿತು. ಈಗ ಈ ಚಿತ್ರದ ಎರಡನೇ ಭಾಗಕ್ಕಾಗಿ ಪ್ರೇಕ್ಷಕರು ಕಾದಿದ್ದಾರೆ.