ಕೊರೊನಾ ಮುಗಿದ ಮೇಲೆ ಮತ್ತೆ ಬರಲಿದ್ದಾನೆ 'ಜಂಟಲ್‌ಮನ್'

ಪ್ರಜ್ವಲ್ ದೇವರಾಜ್ ಅಭಿನಯಿಸಿರುವ ಜಂಟಲ್‌ಮನ್ ಸಿನಿಮಾ ಕೊರೊನಾ ಲಾಕ್‌ಡೌನ್‌ಗೆ ಮುನ್ನಾ ಬಿಡುಗಡೆ ಆಗಿತ್ತು. ಲಾಕ್‌ಡೌನ್ ಮುಗಿದ ನಂತರ ಈ ಸಿನಿಮಾ ಮತ್ತೆ ಬಿಡುಗಡೆ ಆಗಲಿದೆ.

Recommended Video

ಫೆಬ್ರವರಿ 7 ರಂದು ಜಂಟಲ್‌ಮನ್ ಸಿನಿಮಾ ಬಿಡುಗಡೆ ಆಗಿತ್ತು. ಸಾಧಾರಣ ಯಶಸ್ಸನ್ನೂ ಕಂಡಿತ್ತು. ಆ ನಂತರ ಬಿಡುಗಡೆ ಆದ ಪಾಪ್‌ಕಾರ್ನ್ ಮಂಕಿ ಟೈಗರ್, ಶಿವಾಜಿ ಸೂರತ್‌ಕಲ್ ಮುಂತಾದ ಸಿನಿಮಾಗಳಿಗೆ ದಾರಿ ಬಿಟ್ಟುಕೊಟ್ಟು ನೇಪತ್ಯಕ್ಕೆ ಸರಿದಿತ್ತು.

ಆದರೆ ನಂತರ ಕೊರೊನಾದಿಂದಾಗಿ ಎಲ್ಲಾ ಚಿತ್ರಮಂದಿರಗಳು ಬಂದ್ ಆದವು. ಜಂಟಲ್‌ಮನ್ ಪ್ರದರ್ಶನಗೊಳ್ಳುತ್ತಿದ್ದ ಕೆಲವು ಚಿತ್ರಮಂದಿರಗಳೂ ಬಂದ್ ಆದವು. ಆದರೆ ಈಗ ಕೊರೊನಾ ಲಾಕ್‌ಡೌನ್ ಮುಗಿದ ನಂತರ ಸಿನಿಮಾವನ್ನು ಮತ್ತೆ ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ನಿರ್ಧರಿಸಿದೆ.

ಕೊರೊನಾ ಕಾರಣಕ್ಕೆ ಜಂಟಲ್‌ಮನ್ ಸಿನಿಮಾ ಹೆಚ್ಚಿನ ಜನಕ್ಕೆ ತಲುಪಲಿಲ್ಲ. ಆದರೆ ಜಂಟಲ್‌ಮನ್ ಸಿನಿಮಾದ ಹಾಡುಗಳು ಯೂಟ್ಯೂಬ್‌ನಲ್ಲಿ ಹಾಗೂ ಟಿಕ್‌ಟಾಕ್‌ ನಲ್ಲಿ ಸೂಪರ್ ಹಿಟ್ ಆಗಿದೆ. ಹಾಗಾಗಿ ಕೊರೊನಾ ಮುಗಿದು ಚಿತ್ರಮಂದಿರಗಳು ಪುನರ್‌ ಪ್ರಾರಂಭ ಆದಾಗ ಸಿನಿಮಾ ವನ್ನು ಮರುಬಿಡುಗಡೆ ಮಾಡುತ್ತೇವೆ ಎಂದಿದೆ ಚಿತ್ರತಂಡ.

ಚಿತ್ರಮಂದಿರಗಳು ಪುನರ್ ಆರಂಭವಾದಾಗ ದೊಡ್ಡ ಸಿನಿಮಾಗಳು ಬಿಡುಗಡೆ ಆಗಲು ಸ್ವಲ್ಪ ಸಮಯ ಹಿಡಿಯುತ್ತದೆ ಆ ಸಮಯದಲ್ಲಿ ನಾವು ಜಂಟಲ್‌ಮನ್ ಸಿನಿಮಾ ಬಿಡುಗಡೆ ಮಾಡುತ್ತೇವೆ ಎಂದಿದ್ದಾರೆ.