»   » ಫೆ.15ಕ್ಕೆ ಗಿರೀಶ್ ಕಾಸರವಳ್ಳಿ 'ಕೂರ್ಮಾವತಾರ' ತೆರೆಗೆ

ಫೆ.15ಕ್ಕೆ ಗಿರೀಶ್ ಕಾಸರವಳ್ಳಿ 'ಕೂರ್ಮಾವತಾರ' ತೆರೆಗೆ

By Rajendra
Subscribe to Filmibeat Kannada
For Quick Alerts
ALLOW NOTIFICATIONS
For Daily Alerts

    ಆನಂದರಾಯರು ಒಬ್ಬ ನಿಸ್ಪೃಹ ಸರಳಜೀವಿ. ಇನ್ನೇನು ರಿಟೈರ್ ಆಗಲಿರುವ ಸರ್ಕಾರಿ ನೌಕರ. ಮಗ, ಸೊಸೆ ಮತ್ತು ಮೊಮ್ಮಗನ ಜೊತೆ ಮಧ್ಯಮ ವರ್ಗದ ಜೀವನ ನಡೆಸುತ್ತಿರುತ್ತಾರೆ. ಯಾರೊಂದಿಗೂ ಬೆರೆಯದ, ತನ್ನ ಪಾಡಿಗೆ ತಾನಿರುವ ಅವರ ಜೀವನಕ್ರಮ ಅಲ್ಲೋಲ ಕಲ್ಲೋಲವಾಗುವುದು ಟಿವಿ ಸೀರಿಯಲ್ ಒಂದರಲ್ಲಿ ಗಾಂಧೀಜಿಯವರ ಪಾತ್ರ ಮಾಡಲು ಆಹ್ವಾನ ಬಂದಾಗ.

    ಮಗ, ಸೊಸೆಯ ಒತ್ತಾಯಕ್ಕೆ ಮಣಿದು ನಟಿಸಲು ಒಪ್ಪಿಕೊಂಡ ರಾಯರಿಗೆ ಅದು ತಮ್ಮ ಜೀವನವನ್ನು ಮರು ವ್ಯಾಖ್ಯಾನಿಸಲು ಹಾದಿ ಮಾಡಿಕೊಡುತ್ತದೆ. ಗಾಂಧೀಜಿಯಾದ ರಾಯರ ಜನಪ್ರಿಯತೆ ಮಗ ಮತ್ತು ಸೊಸೆಗೆ ಉಪಭೋಗ ಜೀವನಕ್ರಮಕ್ಕೆ ಹೊಸ ಹಾದಿ ತೋರಿಸಿಕೊಡುವುದೆಂಬುದು ವಿಪರ್ಯಾಸ.


    ಮೊಮ್ಮಗ ಸಾಕುತ್ತಿರುವ ಆಮೆಗೆ ಸೂಕ್ತ ಆಹಾರ ಏನೆಂದು ತಿಳಿಯಲು ಹಕ್ಕಿ ಮಾರಾಟದ ಅಂಗಡಿಗೆ ಹೋದಾಗ ರಾಯರಿಗೆ ಇಕ್ಬಾಲನ ಪರಿಚಯವಾಗುತ್ತದೆ. ಕಸ್ತೂರ ಬಾ ಪಾತ್ರ ಮಾಡುತ್ತಿರುವ ಸುಶೀಲಾ ಬಾಯಿ, ರಾಯರಿಗೆ ಸಿಗುವ ಇನ್ನೊಬ್ಬ ಸ್ನೇಹಜೀವಿ.

    ಬದುಕಿಗೊಂದು ಅರ್ಥ ಸಿಗುತ್ತಿರುವ ಹೊತ್ತಿನಲ್ಲೇ ರಾಯರ ಜೀವನ ಪಥದಲ್ಲಿ ಹೊಸ ಅಡಚಣೆಗಳು ಎದುರಾಗುತ್ತವೆ. ಮಗ ಮೃತ್ಯುಂಜಯನ ಹಣದ ವಹಿವಾಟು ಬಿಗಡಾಯಿಸುತ್ತದೆ. ಅನ್ಯಾಯದ ಮಾರ್ಗ ಹಿಡಿದ ಆತ ಅರೆಸ್ಟ್ ಆಗುತ್ತಾನೆ. ರಾಯರು ಇಕ್ಬಾಲನ ಆಸೆಯಂತೆ ಸೀರಿಯಲ್ ನಲ್ಲಿ ಅವನಿಗೆ ಪಾತ್ರವೊಂದನ್ನು ಕೊಡಿಸುತ್ತಾರಾದರೂ ಅದು ಅನಿರೀಕ್ಷಿತವಾದ ಮತೀಯ ಛಾಯೆ ಪಡೆಯುತ್ತದೆ.

    ರಾಯರ ಮತ್ತು ಸುಶೀಲಾರ ಸಖ್ಯಕ್ಕೆ ರೆಕ್ಕೆ ಪುಕ್ಕ ಕಟ್ಟಿ ಕತೆ ಹರಡಿಸಲಾಗುತ್ತದೆ. ರಾಯರು ನಟರಾಗಿ ಜನಪ್ರಿಯರಾಗುತ್ತಾ ಹೋದಂತೆ, ಅವರ ವೈಯಕ್ತಿಕ ಬದುಕು ಅಯೋಮಯವಾಗುತ್ತಾ ಹೋಗುತ್ತದೆ.

    ಕನ್ನಡದ ಖ್ಯಾತ ಲೇಖಕ ಕುಂ.ವೀರಭದ್ರಪ್ಪ ಅವರ ಕಥೆ ಆಧರಿಸಿದ ಈ ಚಿತ್ರ 'ಕೂರ್ಮಾವತಾರ'. ಸಮುದ್ರ ಮಂಥನ ನೆಡೆಯುತ್ತಿರುವಾಗ ಮುಳುಗಲಾರಂಭಿಸಿದ ಜಗತ್ತನ್ನು ಎತ್ತಿ ಹಿಡಿಯಲು ವಿಷ್ಣು 'ಕೂರ್ಮಾವತಾರ' ತಾಳುತ್ತಾನೆ.

    ಪ್ರಸ್ತುತ ಸಂದರ್ಭದಲ್ಲಿ ಗಾಂಧೀವಾದಕ್ಕೆ ಆ ಶಕ್ತಿ ಇದೆಯೇ ಎಂದು ಸೂಚಿಸುತ್ತಲೇ, ಅದರಿಂದ ಹುಟ್ಟಿಕೊಳ್ಳಬಹುದಾದ ಎಲ್ಲಾ ವಿಪರ್ಯಾಸಗಳತ್ತ ಚಿತ್ರ ವಿಮರ್ಶಾತ್ಮಕ ನೋಟ ಬೀರುತ್ತದೆ. ಈ ವಾರ (ಫೆ.15) 'ಕೂರ್ಮಾವತಾರ' ರಾಜ್ಯದಾದ್ಯಂತ ತೆರೆಕಾಣುತ್ತಿದೆ. (ಒನ್ಇಂಡಿಯಾ ಕನ್ನಡ)

    English summary
    Noted Kannada film director Girish Kasaravalli's novel based film Koormavatara slated for release on 15th February, 2013. It is based on a Kannada novel written by Kum Veerabhadrappa with the same title name.

    Kannada Photos

    Go to : More Photos

    ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more