''ದೇವರು ನನಗಾಗಿಯೇ ಕಳುಹಿಸಿದ ಹುಡುಗಿ ಅನೀಶಾ'' ಎಂದ ತಮಿಳು ನಟ ವಿಶಾಲ್.!

ವಿಶಾಲ್-ಅನೀಶಾ ಭೇಟಿ ಮಾಡಿದ್ದೆಲ್ಲಿ.?

''ಬೀದಿ ನಾಯಿಗಳ ಕುರಿತು ಚಿತ್ರ ಮಾಡಬೇಕೆಂದಿರುವೆ. ನನ್ನ ಕ್ರಿಯೇಟಿವ್ ಟೀಮ್ ನಲ್ಲಿ ಅನೀಶಾ ಕೂಡ ಇದ್ದರು. ಆಕೆಗೆ ನಾನು ಸ್ಕ್ರಿಪ್ಟ್ ನರೇಟ್ ಮಾಡಿದೆ. ಈ ಚರ್ಚೆ ವೇಳೆ ನಾವು ಕ್ಲೋಸ್ ಆದ್ವಿ. ಹಾಗೇ ಪ್ರೀತಿ ಹುಟ್ಟಿತು'' ಅಂತಾರೆ ನಟ ವಿಶಾಲ್.

'ಅರ್ಜುನ್ ರೆಡ್ಡಿ' ನಟಿ ಜೊತೆ ತಮಿಳು ನಟ ವಿಶಾಲ್ ಮದುವೆ

ಪ್ರಪೋಸ್ ಮಾಡಿದ್ದು ಯಾರು.?

''ನಾನೇ ಅನೀಶಾಗೆ ಪ್ರಪೋಸ್ ಮಾಡಿದ್ದು. ದೇವರೇ ಆಕೆಯನ್ನು ನನಗಾಗಿ ಕಳುಹಿಸಿದ್ದಾನೆ ಎಂದು ನಂಬಿರುವೆ'' ಎನ್ನುತ್ತಾರೆ ನಟ ವಿಶಾಲ್. ಅಂದ್ಹಾಗೆ, ಅನೀಶಾ ನ್ಯಾಷನಲ್ ಲೆವೆಲ್ ಫುಟ್ ಬಾಲ್ ಪ್ಲೇಯರ್ ಮತ್ತು ಸೋಷಿಯಲ್ ವರ್ಕರ್.

ಅಚ್ಚರಿ ಪಟ್ಟಿದ್ದ ವಿಶಾಲ್.!

''ಅನೀಶಾ ನಿಜಕ್ಕೂ ಪ್ರತಿಭಾವಂತೆ. ಹುಲಿಯನ್ನು ಆಕೆ ಟ್ರೇನ್ ಮಾಡಬಲ್ಲಳು. ಹತ್ತು ನಿಮಿಷ ಸಮಯ ಕೊಟ್ಟರೆ, ಹುಲಿಗೆ ನಿದ್ದೆ ಬರಿಸುತ್ತಾಳೆ. ಅದನ್ನ ನೋಡಿ ನನಗೆ ಆಶ್ಚರ್ಯ ಆಯಿತು'' - ವಿಶಾಲ್, ತಮಿಳು ನಟ.

ಎರಡು ಸಿನಿಮಾಗಳಲ್ಲಿ ನಟನೆ

ತೆಲುಗಿನ 'ಪೆಳ್ಳಿ ಚೂಪುಲು' ಮತ್ತು 'ಅರ್ಜುನ್ ರೆಡ್ಡಿ' ಚಿತ್ರಗಳಲ್ಲಿ ಅನೀಶಾ ನಟಿಸಿದ್ದಾರೆ. ''ಮದುವೆ ಆದ್ಮೇಲೂ ಆಕೆ ನಟನೆ ಮುಂದುವರೆಸಿದರೆ, ನನಗೆ ಅಭ್ಯಂತರ ಇಲ್ಲ'' ಎಂದಿದ್ದಾರೆ ನಟ ವಿಶಾಲ್. ಅಂದ್ಹಾಗೆ, ವಿಶಾಲ್-ಅನೀಶಾ ಮದುವೆ ದಿನಾಂಕ ಇನ್ನೂ ನಿಗದಿ ಆಗಿಲ್ಲ.