ಅರ್ಥಪೂರ್ಣವಾಗಿ ಹುಟ್ಟುಹಬ್ಬ ಆಚರಿಸಿಕೊಂಡ ಗೋಲ್ಡನ್ ಸ್ಟಾರ್ ಗಣೇಶ್

ಅಭಿಮಾನಿಗಳ ದಿನ

ಗಣೇಶ್ ಹುಟ್ಟುಹಬ್ಬದ ಈ ದಿನವನ್ನು ಅಭಿಮಾನಿಗಳಿಗಾಗಿ ಮೀಸಲಿಟ್ಟಿದ್ದಾರೆ. ನಿನ್ನೆ ರಾತ್ರಿಯಿಂದ ಬಂದಿರುವ ಅಭಿಮಾನಿಗಳನ್ನು ಅಕ್ಕರೆಯಿಂದ ಮಾತನಾಡಿಸಿ ಫೋಟೋ ಕೊಟ್ಟು ಕಳುಹಿಸುತ್ತಿದ್ದಾರೆ.

ಶಿಲ್ಪಾ ಗಣೇಶ್ ಭಾಗಿ

ಗಣೇಶ್ ಹುಟ್ಟುಹಬ್ಬದಲ್ಲಿ ಪತ್ನಿ ಶಿಲ್ಪ ಗಣೇಶ್ ಕೂಡ ಭಾಗಿಯಾಗಿ ವಿಶ್ ಮಾಡಿದರು. ಜೊತೆಗೆ ಗಣೇಶ್ ಮತ್ತು ಶಿಲ್ಪ ಜೋಡಿಯ ಫೋಟೋ ಇರುವ ವಿಶೇಷ ಕೇಕ್ ವೊಂದನ್ನು ಅಭಿಮಾನಿಗಳು ತಯಾರು ಮಾಡಿಸಿದ್ದರು.

ಬಡ ಮಕ್ಕಳಿಗೆ ಬಟ್ಟೆ

ಗಣೇಶ್ ಹುಟ್ಟುಹಬ್ಬಕ್ಕೆ ಆಗಮಿಸಿದ ಎಲ್ಲ ಅಭಿಮಾನಿಗಳಿಗೆ ಊಟದ ವ್ಯವಸ್ಥೆ ಮಾಡಿಸಲಾಗಿತ್ತು. ಬಡ ಮಕ್ಕಳಿಗೆ ಬಟ್ಟೆ ಮತ್ತು ಬಡ ಹೆಂಗಸರಿಗೆ ಸೀರೆ ಕೊಟ್ಟು ಗಣೇಶ್ ಅರ್ಥಪೂರ್ಣವಾಗಿ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ.

ಹಬ್ಬದ ವಾತಾವರಣ

ಭಾನುವಾರ ಆಗಿರುವುದರಿಂದ ಬರ್ತ್ ಡೇ ಯಲ್ಲಿ ಅಭಿಮಾನಿಗಳ ಸಂಖ್ಯೆ ಅಧಿಕವಾಗಿದೆ. ಗಣೇಶ್ ಮನೆ ಮುಂದೆ ದೊಡ್ಡ ದೊಡ್ಡ ಕಟೌಟ್ ಗಳು ರಾರಾಜಿಸುತ್ತಿದೆ.

'ವೀಕೆಂಡ್ ವಿತ್ ರಮೇಶ್'

ಮುಖ್ಯವಾಗಿ 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮ ಗಣೇಶ್ ಹುಟ್ಟುಹಬ್ಬದ ಕ್ರೇಜ್ ಮತ್ತಷ್ಟು ಜೋರಾಗುವಂತೆ ಮಾಡಿದೆ. ಗಣೇಶ್ ಕಾರ್ಯಕ್ರಮದ ಸೆಟ್ ನಲ್ಲಿ ಕೇಕ್ ಕತ್ತರಿಸಿ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ.

ಸಿನಿಮಾಗಳ ಸಂಭ್ರಮ

ಗಣೇಶ್ ಹುಟ್ಟುಹಬ್ಬದ ವಿಶೇಷವಾಗಿ 'ಮುಗುಳು ನಗೆ' ಸಿನಿಮಾದ ಒಂದು ಹಾಡಿನ ಟೀಸರ್ ರಿಲೀಸ್ ಆಗಲಿದೆ. 'ಚಮಕ್' ಚಿತ್ರದ ಟೀಸರ್ ಮತ್ತು 'ಆರೆಂಜ್' ಸಿನಿಮಾದ ಫಸ್ಟ್ ಲುಕ್ ಪೋಸ್ಟರ್ ಈಗಾಗಲೇ ರಿಲೀಸ್ ಆಗಿ ಅಭಿಮಾನಿಗಳಿಗೆ ತುಂಬ ಇಷ್ಟ ಆಗಿದೆ.