Don't Miss!
- News Big Offer for Bengaluru Voters: ಮತದಾರರಿಗೆ ಗುಡ್ ನ್ಯೂಸ್.. ರಿಯಾಯಿತಿ ದರದಲ್ಲಿ ತಿಂಡಿ ವ್ಯವಸ್ಥೆ
- Technology ಇಂದು ಮತ್ತೆ ಮೊಟೊರೊಲಾ ಎಡ್ಜ್ 50 ಪ್ರೊ ಫೋನಿನ ಸ್ಪೆಷಲ್ ಸೇಲ್!..ಡಿಸ್ಕೌಂಟ್ ಎಷ್ಟು?
- Sports PBKS vs MI IPL 2024: ಮತ್ತೊಮ್ಮೆ ಕೊನೆಯ ಓವರ್ನಲ್ಲಿ ಮುಗ್ಗರಿಸಿದ ಪಂಜಾಬ್ ಕಿಂಗ್ಸ್ ಪ್ಲೇಆಫ್ ಸನ್ನಿವೇಶ ಹೇಗಿದೆ?
- Finance ಕಚ್ಚಾ ತೈಲ ಆಮದು ಗಣನೀಯ ಇಳಿಕೆ, ಪೆಟ್ರೋಲ್ ಡಿಸೇಲ್ ಬೆಲೆ ಹೆಚ್ಚಾಗುತ್ತಾ?
- Lifestyle ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಗೋಲ್ಡನ್ ಸ್ಟಾರ್ ಗಣೇಶ್ 'ಮಿಸ್ಟರ್ 420' ಬಿಡುಗಡೆ
ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ 'ಮಿಸ್ಟರ್ 420' ಚಿತ್ರವು ಇದೇ ಅಕ್ಟೋಬರ್ 19 ರಿಂದ (19 ಅಕ್ಟೋಬರ್ 2012) ರಾಜ್ಯಾದ್ಯಂತ ತೆರೆಕಾಣಲಿದೆ. ನಟ ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಈ ಚಿತ್ರವಾದರೂ ಗೆಲ್ಲುತ್ತೋ ಅಥವಾ ಈ ಮೊದಲಿನ ಸರಣಿ ಸೋಲಿಗೆ ಇದೂ ಸೇರ್ಪಡೆಯಾಗುತ್ತೋ ಎಂಬುದೀಗ ಗಾಂಧಿನಗರದ ತುಂಬಾ ಬಹುದೊಡ್ಡ ಚರ್ಚೆಯ ವಿಷಯವಾಗಿದೆ, ಕಾರಣ, ಒಂದು ಕಾಲದ ಗೋಲ್ಡನ್ ಸ್ಟಾರ್ ಗಣೇಶ್, ಈಗ ಸೋಲಿನ ಸರದಾರ!
ಅದಿರಲಿ, ಈ 'ಮಿಸ್ಟರ್ 420' ಚಿತ್ರವನ್ನು ಪ್ರದೀಪ್ ರಾಜ್ ನಿರ್ದೇಶಿಸಿದ್ದು ಈ ಚಿತ್ರವನ್ನು ನಿರ್ಮಾಣ ಮಾಡಿರುವವರು ರಾಷ್ಟ್ರ ಪ್ರಶಸ್ತಿ ವಿಜೇತ ನಿರ್ಮಾಪಕ ಸಂದೇಶ್ ನಾಗರಾಜ್. 'ಹುಡುಗ ಹುಡುಗಿ', 'ಪ್ರಿನ್ಸ್', ಹಾಗೂ 'ವೀರಬಾಹು' ಮುಂತಾದ ಚಿತ್ರಗಳ ನಂತರ ಸಂದೇಶ್ ನಾಗರಾಜ್ ನಿರ್ಮಾಣದಲ್ಲಿ ಮೂಡಿಬರುತ್ತಿರುವ 19 ನೇ ಚಿತ್ರ 'ಮಿಸ್ಟರ್ 420'. ಈ ಚಿತ್ರದಲ್ಲಿ ನಾಯಕ ಗಣೇಶ್ ಅವರಿಗೆ ಜೋಡಿಯಾಗಿ ಬೊಗಸೆ ಕಂಗಳ ಬೆಡಗಿ ಪ್ರಣೀತಾ ನಟಿಸಿದ್ದಾರೆ.
ಈ ಚಿತ್ರದಲ್ಲಿ ನಾಯಕ ಗಣೇಶ್ ಅವರಿಗೆ ಸಪೋರ್ಟಿವ್ ಆಗಿ ರಂಗಾಯಣ ರಘು ಹಾಗೂ ಸಾಧುಕೋಕಿಲ ನಟಿಸಿದ್ದಾರೆ. ಈ ಹಿಂದೆ ಬಿಡುಗಡೆಯಾಗಿದ್ದ 'ರೋಮಿಯೋ' ಚಿತ್ರದಲ್ಲಿ ಕೂಡ ನಾಯಕ ಗಣೇಶ್ ಅವರಿಗೆ ಪೋಷಕ ಪಾತ್ರ ಅನ್ನುವುದಕ್ಕಿಂತ ಬೇರೆಯದೇ ಎನಿಸುವ ಸಪೋರ್ಟಿವ್ ಪಾತ್ರದಲ್ಲಿ ಸಾಧುಕೋಕಿಲ ಕಾಣಿಸಿಕೊಂಡು ಚಿತ್ರವನ್ನು ಗೆಲ್ಲಿಸಿದ್ದರು ಎಂಬುದು ಬಹಳಷ್ಟು ಜನರು ಗಮನಿಸಿರುವ ಅಂಶ. ಕಾಕತಾಳೀಯವೆಂಬಂತೆ, ಈ 'ಮಿಸ್ಟರ್ 420' ಚಿತ್ರದಲ್ಲೂ ಸಾಧುಕೋಕಿಲ ಇದ್ದಾರೆ.
ಅದಕ್ಕಿಂತಲೂ ಗಮನಸೆಳೆಯುತ್ತಿರುವ ಮತ್ತೊಂದು ಅಂಶವೆಂದರೆ, ಈ ಚಿತ್ರದ ಪೋಸ್ಟರ್ ಗಳಲ್ಲಿ ಗಣೇಶ್ ಪಕ್ಕ ನಾಯಕರಂತೆ ರಂಗಾಯಣ ರಘು ನಿಂತಿದ್ದಾರೆ. ಗಣೇಶ್ ಒಬ್ಬರೇ ಚಿತ್ರವನ್ನು ಗೆಲ್ಲಿಸಲಾಗದು ಎಂಬ ಸಂದೇಶ ಚಿತ್ರರಂಗದಿಂದಲೇ ನಿಧಾನವಾಗಿ ರವಾನೆಯಾಗುತ್ತಿದೆ ಎಂಬುದು ಬಹಳಷ್ಟು ಜನರ ಅನಿಸಿಕೆ. ಇನ್ನಾದರೂ ಗಣೇಶ್, ಚಿತ್ರಗಳ ಆಯ್ಕೆಯಲ್ಲಿ ಜಾಣತನ ಮೆರೆಯದಿದ್ದರೆ, ಮುಂದೆ ಪರಿಸ್ಥಿತಿ ಇನ್ನೂ ಬದಲಾಗಬಹುದು ಎನ್ನಲಾಗುತ್ತಿದೆ.
ಸದ್ಯಕ್ಕೆ, 'ಕಳ್ಳ ಮಳ್ಳ ಸುಳ್ಯ' ಖ್ಯಾತಿಯ ಉದಯಪ್ರಕಾಶ್ ನಿರ್ದೇಶನದ 'ಆಟೋರಾಜಾ' ಹಾಗೂ 'ಶಿಶಿರ ಖ್ಯಾತಿಯ' ಮಂಜು ಸ್ವರಾಜ್ ನಿರ್ದೇಶನದ 'ಶ್ರಾವಣಿ ಸುಬ್ರಹ್ಮಣ್ಯ' ಚಿತ್ರದಲ್ಲಿ ಗಣೇಶ್ ನಟಿಸುತ್ತಿದ್ದಾರೆ. 'ಆಟೋರಾಜಾ'ದಲ್ಲಿ ಭಾಮಾ ಹಾಗೂ ದೀಪಿಕಾ ಕಾಮಯ್ಯ ಗಣೇಶ್ ಅವರಿಗೆ ಜೊತೆಯಾಗಿದ್ದರೆ 'ಶ್ರಾವಣಿ ಸುಬ್ರಹ್ಮಣ್ಯ' ನಾಯಕಿ 'ಚೆಲುವಿನ ಚಿತ್ತಾರದ' ಬೆಡಗಿ ಅಮೂಲ್ಯಾ. ಇದೀಗ ಗಣೇಶ್ ತಮ್ಮ 'ಮಿಸ್ಟರ್ 420' ಚಿತ್ರದ ಮೂಲಕ ಪ್ರೇಕ್ಷಕರೆದುರು ನಿಲ್ಲುತ್ತಿದ್ದಾರೆ. ಫಲಿತಾಶ ಕಾದು ನೋಡಬೇಕಿದೆ. (ಒನ್ ಇಂಡಿಯಾ ಕನ್ನಡ)