ಕಳೆದ ವರ್ಷ ಗೂಗಲ್ ನಲ್ಲಿ ಅತಿ ಹೆಚ್ಚು ಹುಡುಕಲ್ಪಟ್ಟ ಸಿನಿಮಾಗಳು

ಬಾಹುಬಲಿ ದಿ ಕನ್ ಕ್ಲೂಷನ್

ಎಸ್ ಎಸ್ ರಾಜಮೌಳಿ ನಿರ್ದೇಶನದ 'ಬಾಹುಬಲಿ ದಿ ಕನ್ ಕ್ಲೂಷನ್' ಚಿತ್ರದ ಬಗ್ಗೆ ತಿಳಿಯಲು ಜನರು ಹೆಚ್ಚು ಹುಡುಕಿದ್ದಾರೆ. ಪ್ರಭಾಸ್, ರಾಣಾ, ತಮನ್ನಾ, ಅನುಷ್ಕಾ ಸೇರಿದಂತೆ ಹಲವರು ಅಭಿನಯಿಸಿದ್ದರು. ಮೊದಲ ಭಾಗ 2015ರಲ್ಲಿ ರಿಲೀಸ್ ಆಗಿತ್ತು. ಎರಡನೇ ಭಾಗ 2017ರ ಏಪ್ರಿಲ್ 28ರಂದು ಬಿಡುಗಡೆಯಾಗಿತ್ತು.

ದಂಗಲ್

'ಬಾಹುಬಲಿ' ಚಿತ್ರದ ನಂತರ ಅಮೀರ್ ಖಾನ್ ಅಭಿನಯದ 'ದಂಗಲ್' ಚಿತ್ರದ ಬಗ್ಗೆ ಜನರು ಹೆಚ್ಚು ಹುಡುಕಿದ್ದಾರೆ. ಡಿಸೆಂಬರ್ 21ರಂದು ಬಿಡುಗಡೆಯಾಗಿದ್ದ ದಂಗಲ್, ಬಾಹುಬಲಿ ಚಿತ್ರದ ಗಳಿಕೆಯನ್ನ ಹಿಂದಿಕ್ಕಿತ್ತು.

ಹಾಫ್ ಗರ್ಲ್ ಫ್ರೆಂಡ್

ಅರ್ಜುನ್ ಕಪೂರ್ ಹಾಗೂ ಶ್ರದ್ಧಾ ಕಪೂರ್ ಅಭಿನಯದಲ್ಲಿ ಮೂಡಿ ಬಂದಿದ್ದ 'ಹಾಫ್ ಗರ್ಲ್ ಫ್ರೆಂಡ್' ಚಿತ್ರದ ಬಗ್ಗೆ ಪ್ರೇಕ್ಷಕರು ಹೆಚ್ಚು ಹುಡುಕಿದ್ದಾರೆ. ಮೇ 19 ರಂದು ಈ ಸಿನಿಮಾ ರಿಲೀಸ್ ಆಗಿತ್ತು.

ಬದ್ರಿನಾಥ್ ಕಿ ದುಲ್ಹನಿಯಾ

ವರುಣ್ ಧವನ್ ಮತ್ತು ಆಲಿಯಾ ಭಟ್ ಅಭಿನಯಿಸಿದ್ದ 'ಬದ್ರಿನಾಥ್ ಕಿ ದುಲ್ಹನಿಯಾ' ಚಿತ್ರವೂ ಕಳೆದ ವರ್ಷ ಹೆಚ್ಚು ಗಮನ ಸೆಳೆದಿದೆ. ಮಾರ್ಚ್ 10 ರಂದು ಬಿಡುಗಡೆಯಾಗಿದ್ದ ಈ ಸಿನಿಮಾ ಬಾಕ್ಸ್ ಅಫೀಸ್ ನಲ್ಲಿ ಭರ್ಜರಿ ಕಲೆಕ್ಷನ್ ಮಾಡಿತ್ತು.

ಮುನ್ನ ಮೈಕಲ್

ಟೈಗರ್ ಶ್ರಾಫ್, ನವಾಜ್ಜುದ್ದಿನ್ ಸಿದ್ದಿಕಿ, ನಿಧಿ ಅಗರ್ ವಲ್ ಅಭಿನಯದ 'ಮುನ್ನ ಮೈಕಲ್' ಚಿತ್ರದ ಬಗ್ಗೆ ಜನರು ಹುಡುಕಿದ್ದಾರೆ. ಜುಲೈ 21 ರಂದು ಈ ಸಿನಿಮಾ ಬಿಡುಗಡೆಯಾಗಿತ್ತು.

ಜಗ್ಗ ಜಾಸೂಸ್

ರಣ್ಬೀರ್ ಕಪೂರ್ ಮತ್ತು ಕತ್ರಿನಾ ಕೈಫ್ ಮುಖ್ಯ ಭೂಮಿಕೆಯಲ್ಲಿ ಅಭಿನಯಿಸಿದ್ದ 'ಜಗ್ಗ ಜಾಸೂಸ್' ಸಿನಿಮಾ ಕಳೆದ ವರ್ಷ ಬಿಡುಗಡೆಯಾದ ಚಿತ್ರ. ಬಿಡುಗಡೆಗೆ ಮುಂಚೆ ಹೆಚ್ಚು ಸುದ್ದಿ ಮಾಡಿತ್ತಾದ್ರೂ, ಬಿಡುಗಡೆಯ ನಂತರ ಫ್ಲಾಫ್ ಆಗಿತ್ತು. ಶಾರೂಖ್ ಖಾನ್ ಅಭಿನಯದ 'ರಯೀಸ್', 'ಫಾಸ್ಟ್ ಅಂಡ್ ಫ್ಯೂರಿಯಸ್', 'ರಬ್ತಾ', 'ಒಕೆ ಜಾನು' ಚಿತ್ರಗಳು ನಂತರದ ಸ್ಥಾನದಲ್ಲಿದೆ.