ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ನಟಿ ಗೌತಮಿ ಗೌಡ

ಬಿಗ್ ಬಾಸ್ ಗೌತಮಿ ಮದುವೆ ಸಂಭ್ರಮ

ಕಿರುತೆರೆ ಹಾಗೂ ಬೆಳ್ಳಿ ತೆರೆ ಎರಡರಲ್ಲಿಯೂ ಪ್ರಖ್ಯಾತಿ ಪಡೆದಿರುವ ನಟಿ ಗೌತಮಿ ಗೌಡ ಆಗಸ್ಟ್ 19ರಂದು ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಜಾರ್ಜ್ ಕ್ರಿಸ್ಟಿ ಎಂಬುವವರ ಜೊತೆ ಗೌತಮಿ ಸಪ್ತಪದಿ ತುಳಿಯುತ್ತಿದ್ದಾರೆ.

ಅದ್ಧೂರಿಯಾಗಿ ನಡೆಯಲಿದೆ ವಿವಾಹ

ಪ್ಯಾಲೆಸ್ ಗ್ರೌಂಡ್ ನಲ್ಲಿ ಆಗಸ್ಟ್ 19 ರಂದು ವಿವಾಹ ಮಹೋತ್ಸವ ನಡೆಯಲ್ಲಿದ್ದು ಸಿನಿಮಾರಂಗದ ಗಣ್ಯರು, ಕಿರುತೆರೆ ಕಲಾವಿದರು ಸೇರಿದಂತೆ ಇನ್ನು ಅನೇಕರು ಗೌತಮಿ ಮತ್ತು ಜಾರ್ಜ್ ಕ್ರಿಸ್ಟಿ ವಿವಾಹದಲ್ಲಿ ಭಾಗಿ ಆಗಲಿದ್ದಾರೆ.

ಸಂಭ್ರಮದಲ್ಲಿ ಇಬ್ಬರು ಮನೆಯವರು ಭಾಗಿ

ಜಾರ್ಜ್ ಕ್ರಿಸ್ಟಿ ಸಾಕಷ್ಟು ದಿನಗಳಿಂದ ಗೌತಮಿ ಅವರ ಮನೆಗೆ ಪರಿಚಿತರು. ಸ್ನೇಹ ಪ್ರೀತಿಗೆ ತಿರುಗಿದ ನಂತರ ಇಬ್ಬರು ಮನೆಯವರು ಮಾತನಾಡಿ ಒಪ್ಪಿಕೊಂಡು ಸಂಭ್ರಮದಲ್ಲಿ ಮದುವೆ ಮಾಡುತ್ತಿದ್ದಾರೆ.

ಸಿನಿಮಾದಲ್ಲಿ ಮುಂದುವರೆಯುವ ನಟಿ

ಗೌತಮಿ ಕಿರುತೆರೆಯಿಂದ ತಮ್ಮ ವೃತ್ತಿ ಜೀವನವನ್ನು ಆರಂಭ ಮಾಡಿದ್ದು ನಂತರ ಬೆಳ್ಳಿ ತೆರೆಯಲ್ಲಿ ನಾಯಕಿಯಾಗಿ ಮಿಂಚಿದ್ದರು. ಸದ್ಯ 'ಅಂಬಿ ನಿಂಗ್ ವಯ್ಯಸ್ಸಾಯ್ತೋ' ಹಾಗೂ ಪೂರ್ಣ ಸತ್ಯ ಸಿನಿಮಾಗಳಲ್ಲಿ ಅಭಿನಯ ಮಾಡಿದ್ದು ಮದುವೆಯ ನಂತರವೂ ಸಿನಿಮಾರಂಗದಲ್ಲಿ ಮುಂದುವರೆಯಲಿದ್ದಾರೆ.