ಸಾವನ್ನ 'ಜೋಕರ್' ಎಂದು ಗೇಲಿ ಮಾಡಿದ್ರು ಅಂಬಿ: ಹಂಸಲೇಖ

Published: Monday, November 26, 2018, 11:12 [IST]

ರೆಬೆಲ್ ಸ್ಟಾರ್ ಅಂಬರೀಶ್ ಮತ್ತು ಸಂಗೀತ ದಿಗ್ಗಜ ಹಂಸಲೇಖ ಜೋಡಿಯಲ್ಲಿ ಹತ್ತು ಹಲವು ಸೂಪರ್ ಹಿಟ್ ಗೀತೆಗಳು ಬಂದಿದೆ. ಮಿಡಿದ ಹೃದಯ, ಮಣ್ಣಿನ ದೋಣಿ, ಮುಂಜಾನೆಯ ಮಂಜು, ದಿಗ್ಗಜರು, ಇಂದ್ರಜಿತ್ ಸೇರಿದಂತೆ ಅಂಬರೀಶ್ ಅವರ ಹಲವು ಚಿತ್ರಗಳಿಗೆ ಹಂಸಲೇಖ ಸಂಗೀತ ಒದಗಿಸಿದ್ದರು.

ಅದನ್ನ ಮೀರಿ ಹಂಸಲೇಖ ಮತ್ತು ಅಂಬಿಯ ಸ್ನೇಹ ಬೆಳೆದಿತ್ತು. ಇಂತಹ ಸ್ನೇಹಿತನನ್ನ ಕಳೆದುಕೊಂಡಿದಕ್ಕೆ ನಾದಬ್ರಹ್ಮ ಕಂಬನಿ ಮಿಡಿದಿದ್ದಾರೆ. ಪ್ರೀತಿಯ ಅಂಬಿಯನ್ನ ಕಳೆದುಕೊಂಡ ಹಂಸಲೇಖ ಈಗ ಅವರಿಗಾಗಿ ಕವನವೊಂದು ರಚಿಸಿದ್ದಾರೆ. ಅಂಬರೀಶ್ ಅವರ ವ್ಯಕ್ತಿತ್ವ, ಅವರ ಗುಣ, ಅವರನ್ನ ಕಂಡ ಬಗೆಯ ಬಗ್ಗೆ ಹಂಸಲೇಖ ಪದಗಳ ಮೂಲಕ ಹೇಳಿಕೊಂಡಿದ್ದಾರೆ.

ಹಂಸಲೇಖ ಅವರು ಬರೆದಿರುವ ಈ ಸಾಲುಗಳನ್ನ ಮುಂದೆ ಪ್ರಟಿಸಲಾಗಿದೆ. ಈ ಸಾಲುಗಳನ್ನ ಓದಿ ಅರ್ಥೈಸಿಕೊಂಡರೇ ಅಂಬಿ ರೆಬೆಲ್ ವ್ಯಕ್ತಿತ್ವದ ಪರಿಚಯ ನಿಮಗಾಗುತ್ತೆ. ಜಲೀಲನ ಹುಟ್ಟನಿಂದ ಸಾವಿನವರೆಗೂ ಕಂಡ ಜೀವನವನ್ನ ಸರಳವಾಗಿ ವರ್ಣಿಸಿದ್ದಾರೆ. ಮುಂದೆ ಓದಿ....

ಚಿತ್ರಕೃಪೆ: ಡಾ ಹಂಸಲೇಖ ಅಫೀಶಿಯಲ್

'ಅಂಬರಕ್ಕೆ ಈಶನಾದ' ಅಂಬಿ

ಪೂಜ್ಯ ಕನ್ನಡಿಗರೆ...

ಚಿಂತೆಯ ವನವಾಯ್ತೋ
ಕಂದನ ಕಳಕೊಂಡ
ಚಂದನವನ...

ಅಮರನಾಥಾಂತ
ಹೆಸರಿಟ್ಟುಕೊಂಡು ಹುಟ್ಟಿದ
ರೆಬಲ್ ಸ್ಟಾರ್...
ಇವತ್ತು
ಅಂಬರಕ್ಕೆ ಈಶನಾಗಿದ್ದಾರೆ...

ಬಯಸಿ ಬಯಸಿ ಹೋಗುವುದದೆಷ್ಟು ಸರಿ

50ರ ದಶಕದಲ್ಲಿ ಹುಟ್ಟಿದ ಪ್ರತಿಭೆಗಳು...
ಚಂದನವನದಲ್ಲಿ
ಸಸಿನೆಟ್ಟು, ನೆರಳಿಟ್ಟು
ಫಲಕೊಟ್ಟು ಹೆಸರಿಟ್ಟು...
ಒಂದೊಂದಾಗಿ ಮರೆಗೆ ಸರಿಯುತ್ತಿವೆ...
ಇಲ್ಲಿ ಸಂದವರು ಅಲ್ಲಿಗೆ ಸಲ್ಲಲೇಬೇಕು. ಸರಿ!
ಆದರೆ, ಬಯಸಿ ಬಯಸಿ ಹೋಗುವುದದೆಷ್ಟು ಸರಿ?

ಸಾವನ್ನ 'ಜೋಕರ್' ಎಂದಿದ್ದ ಅಂಬಿ

ಸಾವನ್ನು Joker ಎಂದು ಗೇಲಿ ಮಾಡಿ:
ಜೀವನ ಒಂದು ತಮಾಶೆ ಎಂದು prove ಮಾಡಿ:
ಶಿಸ್ತುಗಳಿಗೆ ಸೆಡ್ಡು ಹೊಡೆದು ಹೊರಟಿದ್ದಾರೆ ಅಂಬಿ!
ಕರುನಾಡು ಅಳುತ್ತಿದೆ:
ಅವರ ಈ ಧೈರ್ಯದ ಡೈಲಾಗುಗಳ ನಂಬಿ!

ದೈವವಿತ್ತ ದೈತ್ಯ ದೇಹ:
ಅದಕ್ಕೋ...
ಮೋಜಿನ ಮೇಲೆ ಮಹಾಮೋಹ!