ಮೇಘನಾ ರಾಜ್ ಮಗುವಿನ ತೊಟ್ಟಿಲು ಸಾಮಾನ್ಯದ್ದಲ್ಲ: ಇದೆ ವಿಶೇಷತೆ

ಯಂತ್ರ ಬಳಸದೆ ನಿರ್ಮಿಸಿರುವ ತೊಟ್ಟಿಲು

ತೊಟ್ಟಿಲ ಶಾಸ್ತ್ರದ ನಂತರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಸುಂದರ್‌ ರಾಜ್, ತೊಟ್ಟಿಲು ಸಾಮಾನ್ಯವಾದುದಲ್ಲ. ಇಡೀಯ ತೊಟ್ಟಿಲನ್ನು ಕೇವಲ ಕೈಗಳಿಂದಲೇ ಮಾಡಲಾಗಿದೆ. ಎಲ್ಲಿಯೂ ಸಹ ಯಂತ್ರವನ್ನು ಬಳಸಲಾಗಿಲ್ಲ , ಸಣ್ಣ ಕುಸುರಿ ಕೆಲಸಗಳು ಸಹ ಕೈನಲ್ಲಿಯೇ ಮಾಡಲಾಗಿದೆ ಎಂದರು.

ಗತ್ತಲ್ ವನಿತಾ ಎಂಬುವರು ಮಾಡಿರುವ ತೊಟ್ಟಿಲು

ಗದಗದ ಗತ್ತಲ್ ವನಿತಾ ಎಂಬುವರು ಈ ತೊಟ್ಟಿಲನ್ನು ನಿರ್ಮಿಸಿ ಕೊಟ್ಟಿದ್ದಾರೆ. ಮೇಘನಾ ಅವರು ಗರ್ಭಿಣಿ ಆಗಿದ್ದಾಗಲೇ, ತಾವೇ ತೊಟ್ಟಿಲು ನಿರ್ಮಾಣ ಮಾಡಿಕೊಡುವುದಾಗಿ ಹೇಳಿದ್ದರಂತೆ ವನಿತಾ, ಅಂತೆಯೇ ತೊಟ್ಟಿಲು ಮಾಡಿ ಕೊಟ್ಟಿದ್ದಾರೆ.

ತೊಟ್ಟಿಲಿಗೆ ಪೂಜೆ ಮಾಡಲಾಗಿದೆ

ತೊಟ್ಟಿಲಿಗೆ ಹಲವು ರೀತಿಯ ಬಣ್ಣಗಳನ್ನು ಬಳಿಯಲಾಗಿದೆ. ಹಲವು ಚಿತ್ರಗಳು, ಕುಸುರಿ ಕೆಲಸಗಳು ಮಾಡಲಾಗಿದೆ. ದೇಸಿ ಮಾದರಿಯಲ್ಲಿರುವ ತೊಟ್ಟಿಲು ಗಮನ ಸೆಳೆಯುತ್ತಿದೆ. ಇಂದು ಆ ತೊಟ್ಟಿಲಿಗೆ ಪೂಜೆ ಮಾಡಿ, ಮಗುವನ್ನು ತೊಟ್ಟಿಲಿಗೆ ಹಾಕಲಾಗಿದೆ.

ಬೆಳ್ಳಿ ತೊಟ್ಟಿಲು ಖರೀದಿಸಿರುವ ಧೃವ ಸರ್ಜಾ

ಚಿರು ಸಹೋದರ ಧೃವ ಸರ್ಜಾ, ಮೇಘನಾ ಗೆ ಮಗು ಹುಟ್ಟಿದ ದಿನದಂದೇ ಸಂಪೂರ್ಣ ಬೆಳ್ಳಿಯಿಂದ ಮಾಡಿದ ತೊಟ್ಟಿಲು ಖರೀದಿಸಿದ್ದರು. ಇದರ ಬೆಲೆ ಬರೋಬ್ಬರಿ 10 ಲಕ್ಷ ಎನ್ನಲಾಗುತ್ತಿದೆ. ಬೆಳ್ಳಿ ತೊಟ್ಟಿಲಿನ ಪಕ್ಕ ನಿಂತು ಧೃವ ಸರ್ಜಾ ತೆಗೆಸಿಕೊಂಡಿದ್ದ ಫೋಟೊ ಭಾರಿ ವೈರಲ್ ಆಗಿತ್ತು.