ಲಿಪ್ ಲಾಕ್ ಬಗ್ಗೆ ಸತ್ಯ ಬಿಚ್ಚಿಟ್ಟ ನಟಿ ಹರಿಪ್ರಿಯಾ

16ನೇ ವಯಸ್ಸಿನಲ್ಲಿ ಲಿಪ್ ಲಾಕ್ ಮಾಡಿದ ನಟಿ

ನಟಿ ಹರಿಪ್ರಿಯ ಚಿತ್ರರಂಗಕ್ಕೆ ಕಾಲಿಟ್ಟು 11 ವರ್ಷಗಳು ಕಳೆದು ಹೋಗಿವೆ. ಸಾಕಷ್ಟು ಚಿತ್ರಗಳಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡ ನಟಿ ಮೊದಲ ಚಿತ್ರದಲ್ಲೇ ಲಿಪ್ ಲಾಕ್ ಮಾಡಿದ್ದರು. ಲಿಪ್ ಲಾಕ್ ಮಾಡಿದ ಕಾರಣವನ್ನ ಹರಿಪ್ರಿಯಾ ಈಗ ಬಿಚ್ಚಿಟ್ಟಿದ್ದಾರೆ.

ಮೊದಲ ಚಿತ್ರದಲ್ಲೇ ಕೆಟ್ಟ ಅನುಭವ

ಹರಿಪ್ರಿಯಾ ಮೊದಲಿಗೆ ಅಭಿನಯಿಸಿದ್ದು ತುಳು ಸಿನಿಮಾದಲ್ಲಿ ನಂತರ ಕನ್ನಡ ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡರು ಸಿನಿಮಾದ ಹಾಡಿನ ದೃಶ್ಯಕ್ಕಾಗಿ ನಿರ್ದೇಶಕರು ಲಿಪ್ ಲಾಕ್ ಮಾಡಬೇಕಾಗಿ ತಿಳಿಸಿದ್ದರಂತೆ. ಆಗ ಹರಿಪ್ರಿಯಾ ಅವರ ವಯಸ್ಸು 16 . ಲಿಪ್ ಲಾಕ್ ಮಾಡಲು ನಿರಾಕರಿಸಿ ನಂತರ ನಿರ್ದೇಶಕರ ಒತ್ತಾಯದಿಂದ ಆ ದೃಶ್ಯದ ಚಿತ್ರೀಕರಣದಲ್ಲಿ ಭಾಗಿ ಆಗಿದ್ದರಂತೆ.

ಆ ಸಿನಿಮಾ ನಿರ್ದೇಶಕರು ಯಾರು?

ಹರಿಪ್ರಿಯಾ ಅವರಿಗೆ ಸಿನಿಮಾದಲ್ಲಿ ಲಿಪ್ ಲಾಕ್ ಮಾಡಲು ಒತ್ತಾಯ ಮಾಡಿದ ಆ ನಿರ್ದೇಶಕ ಯಾರು ಅನ್ನುವುದನ್ನ ಹೇಳಿಲ್ಲ. ಅಷ್ಟೇ ಅಲ್ಲದೇ ಯಾವ ಚಿತ್ರದಲ್ಲಿ ಈ ರೀತಿಯ ಅನುಭವ ಆಗಿದ್ದು ಎನ್ನುವುದನ್ನೂ ಬಿಟ್ಟಿಕೊಟ್ಟಿಲ್ಲ.

ಹಲವಾರು ವಿಚಾರ ಬಿಚ್ಚಿಟ್ಟ ಹರಿಪ್ರಿಯ

ಆರ್ ಜೆ ಮಯೂರ್ ರಾಘವೇಂದ್ರ ನಡೆಸಿಕೊಡುವ ಸಿನಿಮಾ ಸೂತ್ರ ಕಾರ್ಯಕ್ರಮದಲ್ಲಿ ನಟಿ ಹರಿಪ್ರಿಯಾ ಭಾಗಿ ಆಗಿದ್ದರು. ಈ ಸಂದರ್ಭದಲ್ಲಿ ತಮ್ಮ ಮೊದಲ ಸಿನಿಮಾ ಹಾಗೂ 11 ವರ್ಷದ ಜರ್ನಿ ಬಗ್ಗೆ ಸಾಕಷ್ಟು ವಿಚಾರಗಳನ್ನ ಬಿಚ್ಚಿಟ್ಟಿದ್ದಾರೆ.

ಹರಿಪ್ರಿಯಾ ಅಲ್ಲ ಶೃತಿ

ಹರಿಪ್ರಿಯಾ ಅವರ ನಿಜವಾದ ಹೆಸರು ಶೃತಿ ಅನ್ನುವ ವಿಚಾರ ಅದೆಷ್ಟೋ ಜನರಿಗೆ ತಿಳಿದಿಲ್ಲ. ಇದನ್ನೂ ಹರಿಪ್ರಿಯಾ ಸಿನಿಮಾ ಸೂತ್ರ ಶೋ ನಲ್ಲಿ ಹೇಳಿಕೊಂಡಿದ್ದಾರೆ. ಹಾಗೆಯೇ ನೀರ್ ದೋಸೆ ಅಂತಹ ಚಿತ್ರದಲ್ಲಿ ಮತ್ತೆ ಅಭಿನಯಿಸಲ್ಲ ಆದರೆ ವಿಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತೇನೆ ಎಂದಿದ್ದಾರೆ.