ಅರ್ಜುನ್ ಜನ್ಯ ಟ್ಯಾಟೂ ಹಾಕಿಸಿಕೊಂಡ ಅಪ್ಪಟ್ಟ ಅಭಿಮಾನಿ ಇವರು!

ಸಾಮಾನ್ಯವಾಗಿ ಸ್ಟಾರ್ ನಟರ ಟ್ಯಾಟೂಗಳನ್ನು ಅವರ ಅಭಿಮಾನಿಗಳು ಕೈ ಮೇಲೆ ಹಾಕಿಸಿಕೊಳ್ಳುತ್ತಾರೆ. ಆದರೆ ಇದೀಗ ಸಂಗೀತ ನಿರ್ದೇಶಕ, ಮ್ಯಾಜಿಕಲ್ ಕಂಪೋಸರ್ ಅರ್ಜುನ್ ಜನ್ಯ ಅವರ ಅಭಿಮಾನಿಯೊಬ್ಬರು ಹಚ್ಚೆ ಹಾಕಿಸಿಕೊಂಡು ಎಲ್ಲರ ಗಮನ ಸೆಳೆಯುತ್ತಿದ್ದಾರೆ.

ಅರ್ಜುನ್ ಜನ್ಯ ಅವರ ಈ ಅಭಿಮಾನಿಯ ಹೆಸರು ಸೋನಿ. ಅರ್ಜುನ್ ಜನ್ಯ ಮ್ಯೂಸಿಕ್ ಗೆ ದೊಡ್ಡ ಫ್ಯಾನ್ ಆಗಿದ್ದ ಇವರು ಕಳೆದ ಎಂಟು ವರ್ಷಗಳಿಂದ ಅವರ ಒಡನಾಟದಲ್ಲಿ ಇದ್ದಾರೆ. ಅಲ್ಲದೆ ಸದ್ಯ ಸೋನಿ ಅವರು ಅರ್ಜುನ್ ಜನ್ಯ ಅವರ ಅಭಿಮಾನಿ ಸಂಘದ ಅಧ್ಯಕ್ಷ ಕೂಡ ಆಗಿದ್ದಾರೆ.

ಪ್ರತಿ ವರ್ಷ ಅರ್ಜುನ್ ಜನ್ಯ ಅವರ ಹುಟ್ಟುಹಬ್ಬಕ್ಕೆ ತಮ್ಮ 'ಅಖಿಲ ಭಾರತ ಅರ್ಜುನ್ ಜನ್ಯ ಫ್ಯಾನ್ಸ್ ಚಾರಿಟಿ ಕ್ಲಬ್' ವತಿಯಿಂದ ಅನೇಕ ಸಾಮಾಜಿಕ ಕೆಲಸಗಳನ್ನು ಮಾಡುತ್ತಿದ್ದಾರೆ. ಹೀರೋಗಳ ಅಭಿಮಾನಿಗಳಂತೆ ಒಬ್ಬ ಮ್ಯೂಸಿಕ್ ಡೈರೆಕ್ಟರ್ ಅಭಿಮಾನಿ ಸಹ ಟ್ಯಾಟೂ ಹಾಕಿಸಿಕೊಂಡು ತಮ್ಮ ಅಭಿಮಾನವನ್ನು ತೋರಿಸಿದ್ದಾರೆ.