ಮೀಟೂ ಎಫೆಕ್ಟ್: ಹರ್ಷಿಕಾ ಪೂಣಚ್ಚಗೆ ಹೆಸರಾಂತ ವ್ಯಕ್ತಿಗಳಿಂದ ಬೆದರಿಕೆ.!

ಹೆಸರಾಂತ ವ್ಯಕ್ತಿಗಳು ಯಾರು.?

ಮೀಟೂ ಅಭಿಯಾನದ ಕುರಿತು ಕೆಲವ ನಟಿಯರ ನಡೆಯನ್ನ ಪ್ರಶ್ನಿಸಿದ್ದಕ್ಕೆ ನಟಿ ಹರ್ಷಿಕಾ ಪೂಣಚ್ಚ ಅವರಿಗೆ ಜೀವ ಬೆದರಿಕೆ ಕರೆಗಳು ಬರ್ತಿವೆಯಂತೆ. ಇದನ್ನ ಸ್ವತಃ ಹರ್ಷಿಕಾ ತಮ್ಮ ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ. ''ಕಳೆದ ಎರಡು ದಿನಗಳಿಂದ ಕೆಲವು ಹೆಸರಾಂತ ವ್ಯತ್ತಿಗಳಿಂದ ನನಗೆ ಬೆದರಿಕೆ ಕರೆ ಹಾಗು ಮೆಸೇಜುಗಳು ಬರುತ್ತಿವೆ' ಎಂದು ಹೇಳಿಕೊಂಡಿದ್ದಾರೆ. ಆದ್ರೆ, ಯಾರದು ಎಂದು ಬಹಿರಂಗಪಡಿಸಿಲ್ಲ.

ಹಣದ ಆಮಿಷ ನೀಡುತ್ತಿದ್ದಾರೆ

ಇನ್ನು ಈ ವಿಷ್ಯದಲ್ಲಿ ಹರ್ಷಿಕಾ ಅವರು ಮಾತನಾಡಬಾರದಂತೆ. ಅದಕ್ಕಾಗಿ ಹಣವನ್ನ ಕೊಡಲು ಆ ವ್ಯಕ್ತಿಗಳು ಸಿದ್ಧರಾಗಿದ್ದಾರಂತೆ. 'ಕೆಲವರು ನನ್ನ ಬಾಯಿ ಮುಚ್ಚಿಸಲು ಹಣದ ಆಮಿಷವನ್ನು ಒಡ್ಡಿದರು' ಎಂದು ಆರೋಪಿಸಿದ್ದಾರೆ. 'ಹೀಗೆ ಮುಂದುವರಿದಲ್ಲಿ ನಾನು ಪೊಲೀಸ್ ಕಂಪ್ಲೇಂಟ್ ಕೊಡಲು ಸಿದ್ಧಳಾಗಬೇಕಾಗುತ್ತದೆ' ಎಂದು ತಮ್ಮ ನಿಲುವನ್ನ ತಿಳಿಸಿದ್ದಾರೆ.

ನಾನು ಸತ್ಯದ ಪರ

ಇನ್ನು ಈ ಬೆದರಿಕೆ ಹಾಗೂ ಆಮಿಷಕ್ಕೆ ನಾನು ಬಲಿಯಾಗಲ್ಲ. ನಾನು ಯಾವಾಗಲೂ ಸತ್ಯದ ಪರ ನ್ಯಾಯದ ಪರ ಎಂದು ಹರ್ಷಿಕಾ ತಿರುಗೇಟು ನೀಡಿದ್ದಾರೆ. '' ಸತ್ಯವನ್ನು ಮುಚ್ಚುವ ಕೆಲಸ ಯಾರಿಂದಲೂ ಸಾಧ್ಯವಿಲ್ಲ. ಕೆಚ್ಚೆದೆಯ ಕನ್ನಡತಿಯಾದ ನಾನು ಸದಾ ಸತ್ಯದ ಪರ' ಎಂದು ಬರೆದುಕೊಂಡು ಕೆಲವು ಸ್ಕ್ರೀನ್ ಶಾರ್ಟ್ ಹಾಕಿದ್ದಾರೆ.

ಆ ಮೆಸೆಜ್ ನಲ್ಲಿ ಏನಿದೆ.?

ಇನ್ನು ಹರ್ಷಿಕಾ ಪೂಣಚ್ಚ ಅವರು ಪೋಸ್ಟ್ ಮಾಡಿರುವ ವಾಟ್ಸಾಪ್ ಸ್ಕ್ರೀನ್ ಶಾಟ್ ನಲ್ಲಿ ''ನೀನೊಬ್ಬ ಹುಡುಗಿಯಾಗಿ ಇನ್ನೊಬ್ಬ ಮಹಿಳೆಯ ವಿರುದ್ಧ ಮಾತನಾಡುವುದು ಸರಿಯಿಲ್ಲ. ಇದನ್ನ ನಿಲ್ಲಿಸು ಎಂದು'' ಸಂದೇಶ ರವಾನಿಸಿದ್ದಾರೆ. ಬಟ್, ಇದು ಯಾರು ಎಂಬುದು ಗೊತ್ತಿಲ್ಲ.