ಅಂಬರೀಶ್ ಸಾವಿನ ಕುರಿತು ಗೊಂದಲದ ಟ್ವೀಟ್ ಗೆ ಹರ್ಷಿಕಾ ಕೊಟ್ಟ ಸ್ಪಷ್ಟನೆ ಇದು.!

ಹರ್ಷಿಕಾ ನೀಡಿದ ಸ್ಪಷ್ಟನೆ ಏನು.?

''ಅಂಬರೀಶ್ ರವರ ಸಾವಿನ ಸುದ್ದಿಯನ್ನು ಕೇಳಿ ನಾನು ಆಘಾತಗೊಂಡಿದ್ದೇನೆ. ನನ್ನಿಂದ ಗೊಂದಲ ಉಂಟಾಗಿದೆ ಎಂಬುದು ನನಗೆ ಗೊತ್ತು. ಇದಕ್ಕೆ ಸ್ಪಷ್ಟನೆ ಕೊಡುವೆ. ನಾನು ನಾಟ್ ರೀಚಬಲ್ ಜಾಗದಲ್ಲಿ ಇರುವಾಗ, ನನ್ನ ಫೇಸ್ ಬುಕ್, ಇನ್ಸ್ಟಾಗ್ರಾಮ್ ಮತ್ತು ಟ್ವಿಟ್ಟರ್ ಪೇಜ್ ಗಳನ್ನು ಕಾರ್ಪರೇಟ್ ಕಂಪನಿ ಹ್ಯಾಂಡಲ್ ಮಾಡುತ್ತದೆ. ನನ್ನ ಪರವಾಗಿ ನವೆಂಬರ್ 25 ರಂದು ಅವರೇ ಟ್ವೀಟ್ ಮಾಡಿದ್ದರು. ನನಗೆ ನೆಟ್ ವರ್ಕ್ ಲಭ್ಯವಾದ ಮೇಲೆ ಅಂಬಿ ಅಂಕಲ್ ಸಾವಿನ ಸುದ್ದಿ ತಿಳಿಯಿತು. ಅಂಬರೀಶ್ ರವರ ಅಂತಿಮ ದರ್ಶನ ಪಡೆಯದ ಕಾರಣ ಬೇಸರಗೊಂಡಿರುವೆ. ಮಿಸ್ ಯು ಅಂಕಲ್'' ಎಂದು ಬರೆದುಕೊಂಡಿದ್ದಾರೆ ಹರ್ಷಿಕಾ ಪೂಣಚ್ಚ.

ಹರ್ಷಿಕಾ ನಿನ್ನೆ ಮಾಡಿದ್ದ ಟ್ವೀಟ್

''ಇಂದು ನನ್ನ ಅತ್ಯಂತ ದುಃಖದ ದಿನ. ನಾನು ಒಂದು ಶೂಟ್ ಗಾಗಿ 23 ರಿಂದ ನೆಟ್ ವರ್ಕ್ ಇಲ್ಲದ ಪ್ರದೇಶದಲ್ಲಿ ಇರಬೇಕಾಯಿತು. ನನ್ನ ನೆಚ್ಚಿನ ಅಂಬರೀಶ್ ಅಂಕಲ್ ನಿಧನದ ಸುದ್ದಿ ನನಗೆ ಈಗ ತಿಳಿಯಿತು. ನಾನು ಎಂಥ ದುರಾದೃಷ್ಟವಂತೆ. ಅವರನ್ನು ಕೊನೆಯದಾಗಿ ನೋಡುವ ಅವಕಾಶವೂ ನನಗೆ ಸಿಕ್ಕಿಲ್ಲ'' ಎಂದು ನಿನ್ನೆಯಷ್ಟೇ ಹರ್ಷಿಕಾ ಟ್ವೀಟ್ ಮಾಡಿದ್ದರು.

ಕಾರ್ಪರೇಟ್ ಕಂಪನಿ ಮಾಡಿದ್ದ ಟ್ವೀಟ್

''ಅಂಬಿ ಅಂಕಲ್ ಬಗ್ಗೆ ತಿಳಿದುಕೊಂಡಿರುವ ನಾನೇ ಧನ್ಯ. ನಿಮ್ಮನ್ನ ನಾನು ಸದಾ ಮಿಸ್ ಮಾಡಿಕೊಳ್ಳುವೆ'' ಎಂದು ನವೆಂಬರ್ 24 ರಂದು ಹರ್ಷಿಕಾ ಪೂಣಚ್ಚ ಟ್ವಿಟ್ಟರ್ ಅಕೌಂಟ್ ನಿಂದ ಟ್ವೀಟ್ ಆಗಿತ್ತು. ಈ ಎರಡೆರಡು ಟ್ವೀಟ್ ಗಳನ್ನು ನೋಡಿ ನೆಟ್ಟಿಗರು ಗೊಂದಲಕ್ಕೀಡಾಗಿದ್ದರು.

ಟ್ವೀಟಿಗರು ಗರಂ

ಹರ್ಷಿಕಾ ರವರ ಈ ಎರಡೆರಡು ಟ್ವೀಟ್ ಗಳನ್ನು ನೋಡಿ ಟ್ವೀಟಿಗರು ಗರಂ ಆಗಿದ್ದರು. ಅಂಬಿಗೆ ಅಂತಿಮ ನಮನ ಸಲ್ಲಿಸಲು ಬಾರದ ಹರ್ಷಿಕಾ ಪೂಣಚ್ಚಗೆ ಟ್ವೀಟಿಗರು ಕ್ಲಾಸ್ ತೆಗೆದುಕೊಂಡಿದ್ದರು. ಇದನ್ನೆಲ್ಲಾ ನೋಡಿದ್ಮೇಲೆ, ಇದೀಗ ಹರ್ಷಿಕಾ ಪೂಣಚ್ಚ ಸ್ಪಷ್ಟನೆ ಕೊಟ್ಟಿದ್ದಾರೆ.