ಟ್ವಿಟ್ಟರ್ ನಲ್ಲಿ ಕಾಲೆಳೆದ ವ್ಯಕ್ತಿಗೆ ಸರಿಯಾಗಿ ಚಳಿ ಬಿಡಿಸಿದ ನಟಿ ಹರ್ಷಿಕಾ

ಡಬ್ಮ್ಯಾಶ್ ವಿಡಿಯೋಗೆ ಕಾಮೆಂಟ್

ನಟಿ ಹರ್ಷಿಕಾ ಪೂಣಚ್ಚ ತಮ್ಮ ಟ್ವಿಟ್ಟರ್ ಅಕೌಂಟ್ ನಲ್ಲಿ ಹಿಂದಿ ಚಿತ್ರದ ಹಾಡೊಂದಕ್ಕೆ ಡಬ್ಮ್ಯಾಶ್ ಮಾಡಿ ವಿಡಿಯೋ ಪೋಸ್ಟ್ ಮಾಡಿದ್ದರು. ಈ ವಿಡಿಯೋ ವ್ಯಕ್ತಿಯೊಬ್ಬ ಕೀಳಾಗಿ ಕಾಮೆಂಟ್ ಮಾಡಿದ್ದಾನೆ.

ಆ ವ್ಯಕ್ತಿ ಮಾಡಿದ ಕಾಮೆಂಟ್ ಏನು?

''ಸಿನಿಮಾದಲ್ಲಿ ಅವಕಾಶ ಸಿಗ್ತೀಲ್ಲ ಅಂಥ dubsmash ಶುರು ಮಾಡಿದಾ ಚಿನ್ನಾ'' ಎಂದು ಮಲ್ಲಿಕಾರ್ಜುನ ಎಂಬ ವ್ಯಕ್ತಿ ಕಾಮೆಂಟ್ ಮಾಡಿದ್ದಾನೆ.

ರೊಚ್ಚಿಗೆದ್ದ ಹರ್ಷಿಕಾ

ಇನ್ನು ಈ ಕಾಮೆಂಟ್ ಕಂಡು ಸಹಜವಾಗಿ ಕೋಪಿಸಿಕೊಂಡ ನಟಿ ಆ ವ್ಯಕ್ತಿಗೆ ಪ್ರತಿಕ್ರಿಯೆ ನೀಡುವ ಮೂಲಕ ಚಳಿ ಬಿಡಿಸಿದ್ದಾರೆ. ''ಥೂ ನಿನ್ನ ಜನ್ಮಕ್ಕೆ. ಟ್ವೀಟ್ ಮಾಡಿದ್ರೆ ಯಾರೂ ಲೈಕ್ ಮಾಡಿಲ್ಲ ಅಂತ ಈ ಥರ ಸ್ಟುಪಿಡ್ ಆಗಿ ಬರೆಯೋದಾ. ನಾಚಿಕೆ ಆಗ್ಬೇಕು ನಿನಗೆ. ನಾನು ಚಿತ್ರೀಕರಣದ ಬಿಡುವಿನ ವೇಳೆಯಲ್ಲಿ ಈ ರೀತಿ ವಿಡಿಯೋ ಮಾಡುತ್ತೇನೆ. ನೀನು ಕೆಲಸ ಇಲ್ಲದೆ ಕೂತಿರಬಹುದು. ನಾನಲ್ಲ. ನಾನು ಮೂರು ದೊಡ್ಡ ಸಿನಿಮಾಗಳನ್ನ ಮಾಡುತ್ತಿದ್ದೇನೆ'' ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಮಲಯಾಳಂ ಚಿತ್ರದಲ್ಲಿ ನಟನೆ

'ಉಪೇಂದ್ರ ಮತ್ತೆ ಬಾ' ಚಿತ್ರದಲ್ಲಿ ವಿಶೇಷ ಪಾತ್ರ ನಿರ್ವಹಿಸಿದ್ದ ಹರ್ಷಿಕಾ ಪೂಣಚ್ಚ ಸದ್ಯ ಮಲಯಾಳಂನ 'ಚಾರ್ ಮಿನರ್' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಕನ್ನಡದಲ್ಲಿ 'ಚಿಟ್ಟೆ', 'ಅಧಿತಿ' ಚಿತ್ರಗಳಲ್ಲಿ ನಟಿಸುತ್ತಿರುವ ಹರ್ಷಿಕಾ, ತೆಲುಗು ಸಿನಿಮಾದಲ್ಲೂ ಅಭಿನಯಿಸುತ್ತಿದ್ದಾರೆ.