ಶಿವಣ್ಣನ ಸಿನಿಮಾದ ನಾಯಕಿ ಗುಟ್ಟಾಗಿ ಮದ್ವೆ ಆದ್ರಂತೆ.!

ಬಹುಕಾಲದ ಗೆಳಯನನ್ನ ಮದ್ವೆ ಆದ್ರಾ?

33 ವರ್ಷದ ನಟಿ ಕಮ್ ನಿರೂಪಕಿ ಸುರ್ವಿನ್ ಚಾವ್ಲಾ ತನ್ನ ಬಹುಕಾಲದ ಗೆಳೆಯ ಅಕ್ಷಯ್ ತಕ್ಕರ್ ಅವರನ್ನ ಗುಟ್ಟಾಗಿ ಮದುವೆ ಎಂಬ ಚರ್ಚೆ ಚಿತ್ರ ವಲಯದಲ್ಲಿ ಗಮನ ಸೆಳೆಯುತ್ತಿದೆ. ಈಗೊಂದು ಸುದ್ದಿ ಹರಿದಾಡಲು ಕಾರಣ, ಸ್ವತಃ ಸುರ್ವಿನ್ ಚಾವ್ಲಾ ಅವರು ಪೋಸ್ಟ್ ಮಾಡಿರುವ ಫೋಟೋ ಮತ್ತು ಅದಕ್ಕೆ ಅವರು ಹಾಕಿರುವ ಸ್ಟೇಟಸ್.

ಯಾವುದು ಫೋಟೋ? ಏನದು ಸ್ಟೇಟಸ್?

''surveen chawla And just like that, right in the middle of an extra-ordinary life, love gave us a fairy tale.. .❤️#Married #bliss #EternalLove #GiveUsYourLove&Blessings''. ಈ ಸ್ಟೇಟಸ್ ನಲ್ಲಿ 'ಮ್ಯಾರೀಡ್' ಎಂಬ ಟ್ಯಾಗ್ ಬಳಸಿರುವುದು ಮತ್ತಷ್ಟು ಕುತೂಹಲ ಕೆರಳಿಸಿದೆ. ಹೀಗಾಗಿ, ಇವರಿಬ್ಬರ ಮದುವೆ ಆಗಿರಬಹುದು ಎಂಬ ಕುತೂಹಲ ಕಾಡುತ್ತಿದೆ.

2015ರಲ್ಲೇ ಮದುವೆ ಆಗಿದೆಯಂತೆ

2013ರಲ್ಲಿ ಕಾಮನ್ ಫ್ರೆಂಡ್ ಮೂಲಕ ಸುರ್ವಿನ್ ಮತ್ತು ಅಕ್ಷಯ್ ಪರಿಚಯವಾಗಿದ್ದರು. ನಂತರ ಸ್ನೇಹ ಪ್ರೀತಿಗೆ ತಿರುಗಿತು. 2015ರಲ್ಲಿ ಎರಡು ಕುಟುಂಬದವರು ಒಪ್ಪಿಸಿ ವಿವಾಹ ಮಾಡಿಕೊಂಡಿದ್ದರು ಎನ್ನಲಾಗಿದೆ. ಆದ್ರೆ, ಇದು ಎಲ್ಲಿಯೂ ಬಹಿರಂಗವಾಗಿಲ್ಲ. ಕೇವಲ ಕುಟುಂಬಸ್ಥರು ಮತ್ತು ಕೆಲವೇ ಸ್ನೇಹಿತರು ಮಾತ್ರ ಭಾಗಿಯಾಗಿದ್ದರಂತೆ. ಇದು ಎಷ್ಟರ ಮಟ್ಟಿಗೆ ನಿಜವೋ ಗೊತ್ತಿಲ್ಲ. ಈ ಬಗ್ಗೆ ನಟಿ ಯಾವುದೇ ಸ್ವಷ್ಟನೆ ನೀಡಿಲ್ಲ.

ಶಿವಣ್ಣ ಚಿತ್ರದಲ್ಲಿ ಅಭಿನಯಿಸಿದ್ದರು

ಅಂದ್ಹಾಗೆ, ಸುರ್ವಿನ್ ಚಾವ್ಲಾ ಸಿನಿವೃತ್ತಿ ಆರಂಭಿಸಿರುವುದು ಕನ್ನಡ ಚಿತ್ರರಂಗದ ಮೂಲಕ. ಕಿರುತೆರೆಯಲ್ಲಿ ನಿರೂಪಕಿ ಆಗಿದ್ದ ಸುರ್ವಿನ್, ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯಿಸಿದ್ದ 'ಪರಮೇಶ ಪಾನಾವಾಲಾ' ಚಿತ್ರದಲ್ಲಿ ನಾಯಕಿಯಾಗಿದ್ದರು. ಇದು ಈಕೆಗೆ ಮೊದಲ ಸಿನಿಮಾ. ನಂತರ ಪಂಜಾಬಿ ಮತ್ತು ಬಾಲಿವುಡ್ ನಲ್ಲಿ ಹೆಚ್ಚು ತೊಡಗಿಕೊಂಡರು. 'ಹೇಟ್ ಸ್ಟೋರಿ-2' ಚಿತ್ರದಿಂದ ಸುರ್ವಿನ್ ಖ್ಯಾತಿ ಹೆಚ್ಚಾಗಿತ್ತು.