Don't Miss!
- Automobiles Bangaluru: ನಮ್ಮ ಯಾತ್ರಿ ಕ್ಯಾಬ್ ಸೇವೆ ಆರಂಭ.. ಎಷ್ಟಿದೆ ದರ?
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- News ಚಾಮರಾಜನಗರ: ಚೊಂಬುಗಳ ಪಾರ್ಟಿ ಕಾಂಗ್ರೆಸ್
- Lifestyle ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೊಸ ಸಾಹಸಕ್ಕೆ ಕೈ ಹಾಕಿದ ಶಿವಣ್ಣನ ಮಗಳು ನಿವೇದಿತಾ
Recommended Video
ನಟ ಶಿವರಾಜ್ ಕುಮಾರ್ ಪುತ್ರಿ ನಿವೇದಿತಾ ಶಿವರಾಜ್ ಕುಮಾರ್ ಹೊಸ ಪ್ರಯತ್ನ ಮಾಡುತ್ತಿದ್ದಾರೆ. ಕನ್ನಡದಲ್ಲಿ ಈಗ ವೆಬ್ ಸೀರಿಸ್ ಗಳು ಹೆಚ್ಚಾಗಿದ್ದು, ನಿವೇದಿತಾ ಕೂಡ ಹೊಸ ವೆಬ್ ಸೀರಿಸ್ ಶುರು ಮಾಡಿದ್ದಾರೆ.
ಈ ಹಿಂದೆಯೇ ಈ ವೆಬ್ ಸೀರಿಸ್ ಗೆ 'ಹೇಟ್ ಯು ರೋಮಿಯೋ' ಎಂಬ ಹೆಸರು ಫಿಕ್ಸ್ ಆಗಿತ್ತು. ಇದೀಗ ವೆಬ್ ಸೀರಿಸ್ ನ ಕೆಲ ಪೋಸ್ಟರ್ ಗಳು ಬಿಡುಗಡೆಯಾಗಿದೆ. ಜೊತೆಗೆ ಈ ವೆಬ್ ಸೀರಿಸ್ ನಟಿಸುವ ಕಲಾವಿದ ಯಾರು ಎಂಬ ವಿಷಯ ಕೂಡ ತಿಳಿದಿದೆ.
ವೆಬ್ ಸೀರಿಸ್ ಶುರು ಮಾಡಿದ ಶಿವರಾಜ್ ಕುಮಾರ್
ಅಂದಹಾಗೆ, ಶಿವರಾಜ್ ಕುಮಾರ್ ಅವರ 'ಶ್ರೀಮುತ್ತು ಸಿನಿ ಸರ್ವಿಸ್' ಬ್ಯಾನರ್ ನಲ್ಲಿ ಬರುತ್ತಿರುವ 'ಹೇಟ್ ಯು ರೋಮಿಯೋ' ವೆಬ್ ಸೀರಿಸ್ ನ ಕೆಲವು ಹೊಸ ವಿಚಾರಗಳು ವಿವರ ಮುಂದಿದೆ ಓದಿ...
ಅರವಿಂದ್ ಐಯ್ಯರ್ ನಟನೆ
ನಟ ಅರವಿಂದ್ ಐಯ್ಯರ್ 'ಹೇಟ್ ಯು ರೋಮಿಯೋ' ವೆಬ್ ಸೀರೀಸ್ ನಲ್ಲಿ ನಾಯಕ ನಟನಾಗಿ ಕಾಣಿಸಿಕೊಳ್ಳುತ್ತಿದಾರೆ. 'ಕಿರಿಕ್ ಪಾರ್ಟಿ' ಸಿನಿಮಾದ ಮೂಲಕ ಗಮನ ಸೆಳೆದ ಈ ನಟ ಸದ್ಯಕ್ಕೆ 'ಭೀಮಸೇನ ನಳಮಹರಾಜ' ಸಿನಿಮಾದ ಲೀಡ್ ರೋಲ್ ನಲ್ಲಿ ನಟಿಸುತ್ತಿದ್ದಾರೆ. ಇದೀಗ ಶಿವಣ್ಣನ ಬ್ಯಾನರ್ ನಲ್ಲಿ ನಟಿಸುವ ಅವಕಾಶ ಅರವಿಂದ್ ಪಾಲಾಗಿದೆ.
ಹೊಸ ಪೋಸ್ಟರ್ ಗಳು ಬಿಡುಗಡೆ
'ಹೇಟ್ ಯು ರೋಮಿಯೋ' ಸಿನಿಮಾದ ಫಸ್ಟ್ ಲುಕ್ ಕೆಲ ದಿನಗಳ ಹಿಂದೆ ಬಿಡುಗಡೆಯಾಗಿತ್ತು. ಇದೀಗ ಸಿನಿಮಾದ ಕೆಲವು ಹೊಸ ಹೊಸ ಪೋಸ್ಟರ್ ಗಳು ಹೊರಬಂದಿದೆ. ಸಖತ್ ಸ್ಟೈಲಿಶ್ ಆಗಿ ಅರವಿಂದ್ ಐಯ್ಯರ್ ಕಾಣಿಸಿಕೊಂಡಿದ್ದು, ಪೋಸ್ಟರ್ ಆಕರ್ಷಕವಾಗಿದೆ.
ನಿರ್ಮಾಪಕಿಯಾದ ನಿವೇದಿತ
ನಿವೇದಿತ ಶಿವರಾಜ್ ಕುಮಾರ್ ರವರ ನೇತೃತ್ವದ ಶ್ರೀ ಮುತ್ತು ಸಿನಿ ಸರ್ವಿಸ್ ಹಾಗೂ ಸಕ್ಕತ್ ಸ್ಟುಡಿಯೊ ಸಹ ನಿರ್ಮಾಣದಲ್ಲಿ 'ಹೇಟ್ ಯು ರೋಮಿಯೋ' ನಿರ್ಮಾಣ ಆಗುತ್ತಿದೆ. ಈ ವೆಬ್ ಸೀರಿಸ್ ಚಿತ್ರೀಕರಣ ಇದೀಗ ಪ್ರಾರಂಭಿಕ ಹಂತದಲ್ಲಿದೆ.
ನಾಯಕ ನಟಿ ಯಾರು?
'ಹೇಟ್ ಯು ರೋಮಿಯೋ' ವೆಬ್ ಸೀರಿಸ್ ನಲ್ಲಿ ನಟಿಸುವ ನಾಯಕಿ ಯಾರು ಎಂಬುದನ್ನು ಸದ್ಯದವರೆಗೆ ಈ ಟೀಂ ರಿವೀಲ್ ಮಾಡಿಲ್ಲ.
'ಭಾರತದಲ್ಲೇ ಆನ್ ಲೈನ್ ನಲ್ಲಿ ಹೆಸರುವಾಸಿಯಾಗಿರುವ ಕನ್ನಡತಿ' ಎಂದು ಮಾತ್ರ ಕ್ಲೂ ನೀಡಿದ್ದು, ಶೀಘ್ರದಲ್ಲಿ ಅವರ ಹೆಸರನ್ನು ಅನೌನ್ಸ್ ಮಾಡಲಿದೆಯಂತೆ.
ವಿದೇಶದಲ್ಲಿ ಚಿತ್ರೀಕರಣ
ಶಿವರಾಜ್ ಕುಮಾರ್ ಬ್ಯಾನರ್ ನಲ್ಲಿ ಬರುತ್ತಿರುವ ಈ ವೆಬ್ ಸೀರಿಸ್ ದಕ್ಷಿಣ ಭಾರತದಲ್ಲೇ ಅತಿ ದೊಡ್ಡ ವೆಬ್ ಸೀರೀಸ್ ಆಗಿದೆಯಂತೆ. ಪ್ರಪ್ರಥಮ ಬಾರಿಗೆ ವಿದೇಶದಲ್ಲಿ ಇದರ ಚಿತ್ರೀಕರಣ ಆಗುತ್ತಿದೆಯಂತೆ. ಇನ್ನು ಈ ಸೀರಿಸ್ ನಲ್ಲಿ 30 ನಿಮಿಷದ 7 ಸಂಚಿಕೆಗಳಿರುತ್ತವೆ.
ಸಂತಸದಲ್ಲಿ ಅರವಿಂದ್
ತಮ್ಮ ನೂತನ ವೆಬ್ ಸೀರಿಸ್ ಬಗ್ಗೆ ಅರವಿಂದ್ ಅಯ್ಯರ್ ಸಂತಸ ಹಂಚಿಕೊಂಡಿದ್ದಾರೆ. ಲಂಡನ್ ನಲ್ಲಿ ಇಂಜಿನಿಯರಾಗಿ ಕಾರ್ಯ ನಿರ್ವಹಿಸುತ್ತಿದ್ದ ಅವರು ಆ ಸಮಯದಲ್ಲಿ ಅಲ್ಲೇ ಅಭಿನಯ ತರಬೇತಿ ಪಡೆದುಕೊಂಡಿದ್ದು, ಬೆಂಗಳೂರಿನಲ್ಲಿ ರಂಗ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಿದ್ದರು. ಇವುಗಳ ನಂತರ 'ಕಿರಿಕ್ ಪಾರ್ಟಿ' ಸಿನಿಮಾದ ಸಿನಿಮಾ ಜರ್ನಿ ಶುರು ಮಾಡಿದರು.
ಶ್ರೀ ಮುತ್ತು ಸಿನಿ ಸರ್ವಿಸ್ ಹಾಗೂ ಸಕ್ಕತ್ ಸ್ಟುಡಿಯೊ
ಈಗಾಗಲೇ, ಶಿವರಾಜ್ ಕುಮಾರ್ ರವರ ಸಂಸ್ಥೆಯಿಂದ 'ಮಾನಸ ಸರೊವರ' ಧಾರವಾಹಿ ಮೂಡಿಬರುತ್ತಿದ್ದು, ಈ ಸಂಸ್ಥೆಯ ಮೊದಲ ವೆಬ್ ಸೀರೀಸ್ ಇದಾಗಿದೆ. ಕನ್ನಡದಲ್ಲಿ ಒರಿಜಿನಲ್ ಕಂಟೆಂಟ್ ಗೆ ಹೆಸರಾಗಿರುವ ಸಕ್ಕತ್ ಸ್ಟುಡಿಯೊ ಈಗಾಗಲೇ 'ಲೂಸ್ ಕನೆಕ್ಷನ್', 'ಡಾ ಪಾಲ್' ವೆಬ್ ಸೀರಿಸ್ ಗಳನ್ನು ಮಾಡಿದೆ. ಹಸೀನ್ ಖಾನ್ ಹಾಗು ಇಶಾಮ್ ಖಾನ್ 'ಹೇಟ್ ಯು ರೋಮಿಯೋ' ಈ ವೆಬ್ ನಿರ್ದೇಶಕರಾಗಿದ್ದಾರೆ.