ಹೊಸ ಕಾರ್ ಖರೀದಿಸಿದ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್

ವೋಲ್ವೋ S 90 ಕಾರ್ ಖರೀದಿಸಿದ ಶಿವಣ್ಣ

ಸೆಂಚುರಿ ಸ್ಟಾರ್ ಮನೆಯಲ್ಲಿ ಈಗಾಗಲೇ ಸಾಕಷ್ಟು ಕಾರುಗಳಿವೆ. ಅವುಗಳ ಜೊತೆ ಈಗ ಮತ್ತೊಂದು ದುಬಾರಿ ಕಾರು ಸೇರ್ಪಡೆಯಾಗಿದೆ. ಎರಡು ದಿನಗಳ ಹಿಂದೆ ಶಿವಣ್ಣ ನೀಲಿ ಬಣ್ಣದ ವೋಲ್ವೋ S 90 ಕಾರನ್ನು ಕೊಂಡುಕೊಂಡಿದ್ದಾರೆ. ವೋಲ್ವೋ S 90 ಕಾರು ಸುಮಾರು 1 ಕೋಟಿ ಬೆಲೆಬಾಳುವ ಕಾರಾಗಿದೆ.

ಪೂಜೆ ಸಲ್ಲಿಸಿದ ಶಿವಣ್ಣ ದಂಪತಿ

ಹೊಸದಾಗಿ ವಾಹನ ಖರೀದಿಸಿದ್ರೆ ಪೂಜೆ ಸಲ್ಲಿಸುವುದು ಸಾಮಾನ್ಯ. ಆದರಂತೆ, ಶಿವಣ್ಣ ದಂಪತಿ ಹೊಸ ವೋಲ್ವೋ S 90 ಕಾರಿಗೆ ಪೂಜೆ ಮಾಡಿದ್ದಾರೆ. ಪೂಜೆ ನಂತರ ಶಿವಣ್ಣ ಕಾರ್ ಏರಿ ಜಾಲಿ ರೈಡ್ ಕೂಡ ಮಾಡಿದ್ದಾರೆ. ಲೇಟೆಸ್ಟ್ ಮಾಡೆಲ್ ಕಾರ್ ಇದಾಗಿದ್ದು, ಭಾರತಕ್ಕೆ ಬಂದ ಮೊದಲ ಕಾರು ಅಂತ ಹೇಳಲಾಗುತ್ತಿದೆ.. 18 ಕಿಲೋಮೀಟರ್ ಮೈಲೇಜ್ ನೀಡುವ ಕಾರು ಇದಾಗಿದೆ.

ಪ್ರೀತಿಯ ಮಡದಿಗೆ ದುಬಾರಿ ಲ್ಯಾಂಬೋರ್ಗಿನಿ ಕಾರ್ ಗಿಫ್ಟ್ ಮಾಡಿದ ಪುನೀತ್

ಶಿವಣ್ಣ ಮನೆಯಲ್ಲಿರುವ ಕಾರುಗಳು ಯಾವುವು?

ಹ್ಯಾಟ್ರಿಕ್ ಹೀರೊ ಮನೆಯಲ್ಲಿ ಈಗಗಾಲೇ ಐದಾರು ದುಬಾರಿ ಕಾರುಗಳಿವೆ. ಫಾರ್ಚುನರ್, ಎರಡು ಇನೋವಾ ಮತ್ತು ನಿಶಾನ್ ಟಿಡಾ ಕಾರುಗಳಿವೆ. ಇದರ ಜೊತೆಗೀಗ ವೋಲ್ವೋ s 90 ಕಾರು ಕೂಡ ಸೇರ್ಪಡೆಯಾಗಿದೆ. ಮಗಳು ನಿವೇದಿತಾ, ಪತ್ನಿ ಗೀತಾ ಮತ್ತು ಶಿವಣ್ಣ ಅವರಿಗೆ ಓಡಾಡಲು ಮನೆಯಲ್ಲಿ ಪ್ರತ್ಯೇಕ ಕಾರುಗಳಿವೆ. ಸದ್ಯ, ಖರೀದಿಸಿದ ವೋಲ್ವೋ S 90 ಕಾರನ್ನು ಪತ್ನಿ ಗೀತಾ ಅವರಿಗೆ ಗಿಫ್ಟಾಗಿ ನೀಡಿದ್ದಾರೆ.

ಧನಂಜಯ್ ಗೆ 'ರೇಂಜ್ ರೋವರ್' ಕಾರು ಕೊಡಿಸಿದ್ದು ಇವರೇ.!

ಇತ್ತೀಚಿಗಷ್ಟೆ ಹೊಸ ಕಾರು ಖರೀದಿಸಿದ್ದ ಪುನೀತ್

ಇತ್ತಿಚಿಗಷ್ಟೆ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಸಹ ಹೊಸ ಕಾರನ್ನು ಖರೀದಿಸಿದ್ರು. ಲ್ಯಾಂಬೋರ್ಗಿನಿ ಉರುಸ್ ಕಾರನ್ನು ಕೊಂಡುಕೊಂಡಿದ್ದ ಅಪ್ಪು ಪತ್ನಿ ಅಶ್ವಿನಿ ಅವರಿಗೆ ಗಿಫ್ಟ್ ಆಗಿ ನೀಡಿದ್ರು. ಅದರ ನಂತರ ಶಿವಣ್ಣ ವೋಲ್ವೋ S 90 ಕಾರನ್ನು ಪತ್ನಿ ಗೀತಾ ಅವರಿಗೆ ಗಿಫ್ಟಾಗಿ ನೀಡಿದ್ದಾರೆ.