ನಟಿ ಹೇಮಶ್ರೀ ಪತಿ ಸುರೇಂದ್ರ ಬಾಬು ಏನು ಎತ್ತ?

ಮದುವೆ ಸಂದರ್ಭದಲ್ಲಿ ಹೇಮಶ್ರೀಗೆ ಸುಮಾರು 50 ಲಕ್ಷ ರು. ಬೆಲೆಬಾಳುವ ಚಿನ್ನಾಭರಣಗಳನ್ನು ವಧುದಕ್ಷಿಣೆಯಾಗಿ ಬಾಬು ನೀಡಿದ್ದರು ಎನ್ನಲಾಗಿದೆ. ಹೇಮಶ್ರೀ ಅವರ ತಂದೆ ನಾಗರಾಜ್ ಅವರು ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ಈ ವಿಷಯವನ್ನೂ ತಿಳಿಸಿದ್ದಾರೆ ಎಂದು ತಿಳಿದುಬಂದಿದೆ.

2009ರಲ್ಲಿ ಲೋಕಸಭೆ ಚುನಾವಣೆಗೂ ಸುರೇಂದ್ರ ಬಾಬು ಸ್ಪರ್ಧಿಸಿದ್ದ. ಜೆಡಿಎಸ್ ಅಭ್ಯರ್ಥಿಯಾಗಿ 2009ರ ಲೋಕಸಭೆ ಚುನಾವಣೆಗೆ ಬೆಂಗಳೂರು ಉತ್ತರ ಕ್ಷೇತ್ರದಿಂದ ಸ್ಪರ್ಧಿಸಿ ಸೋತಿದ್ದರು. ಈತನಿಂದ ತನಗೆ ಬಿಡುಗಡೆಗೊಳಿಸಿ ಎಂದೂ ಹೇಮಶ್ರೀ ಪೊಲೀಸರಿಗೆ ಮೊರೆ ಹೋಗಿದ್ದರಂತೆ.

ಈ ಸಂಬಂಧ ಹಲಸೂರು ಗೇಟ್ ಮಹಿಳಾ ಪೊಲೀಸ್ ಠಾಣೆ ಹಾಗೂ ಚನ್ನಮ್ಮನಕೆರೆ ಅಚ್ಚುಕಟ್ಟು ಪೊಲೀಸರು ದೂರು ನೀಡಿದ್ದಾರೆ ಎನ್ನಲಾಗಿದೆ. ಆದರೂ ಈಕೆಗೆ ತನ್ನ ಗಂಡನಿಂದ ಬಿಡುಗಡೆ ಸಿಕ್ಕಿರಲಿಲ್ಲ. ಮೊದಲ ಪತ್ನಿಗೆ ವಿವಾಹ ವಿಚ್ಛೇದನ ನೀಡಿದ ಬಳಿಕ ಹೇಮಶ್ರೀ ಅವರನ್ನು ಬಾಬು ವರಿಸಿದ್ದಾರೆ ಎನ್ನಲಾಗಿದೆ.