ಚಿರು-ಮೇಘನಾ ಕಲ್ಯಾಣಕ್ಕೆ ಬರುವ ಅತಿಥಿಗಳು ಇವರೇ

ಮದುವೆಗೆ ಬರಲಿದ್ದಾರೆ ಕಮಲ್ ಹಾಸನ್

ನಟ ಸುಂದರ್ ರಾಜ್ ಸಾಕಷ್ಟು ವರ್ಷದಿಂದ ಸಿನಿಮಾರಂಗದಲ್ಲಿ ತಮ್ಮ ಸೇವೆ ಸಲ್ಲಿಸುತ್ತಾ ಬಂದಿದ್ದಾರೆ. ನಟ ಕಮಲ್ ಹಾಸನ್ ಅವರ ಪರಿಚಯ ತುಂಬಾ ಚೆನ್ನಾಗಿಯೇ ಇದ್ದು ಇತ್ತೀಚಿಗಷ್ಟೆ ಕಮಲ್ ಅವರನ್ನ ಭೇಟಿ ಮಾಡಿ ಮಗಳ ಆಹ್ವಾನ ಪತ್ರಿಕೆ ನೀಡಿದ್ದಾರೆ. ಕಮಲ್ ಹಾಸನ್ ಬೆಂಗಳೂರಿಗೆ ಬಂದು ಮೇಘನಾ-ಚಿರು ಇಬ್ಬರಿಗೂ ಶುಭ ಕೋರಲಿದ್ದಾರೆ.

ಮದುವೆ ಮನೆಯಲ್ಲಿ ಅಣ್ಣಾವ್ರ ಕುಟುಂಬ

ಕನ್ನಡ ಸಿನಿಮಾರಂಗದ ದೊಡ್ಮನೆ ಅಂತಾನೇ ಫೇಮಸ್ ಆಗಿರುವ ಡಾ ರಾಜ್ ಕುಟುಂಬದವರಿಗೂ ಈಗಾಗಲೇ ಮದುವೆ ಆಮಂತ್ರಣವನ್ನ ನೀಡಲಾಗಿದೆ. ರಾಘವೇಂದ್ರ ರಾಜ್ ಕುಮಾರ್, ರಾಮ್ ಕುಮಾರ್, ಶಿವರಾಜ್ ಕುಮಾರ್ ಹಾಗೂ ಪುನೀತ್ ರಾಜ್ ಕುಮಾರ್ ಸೇರಿದಂತೆ ಎಲ್ಲರೂ ಮದುವೆಗೆ ಬರಲಿದ್ದಾರೆ.

ಮದುವೆಯಲ್ಲಿ ಉಪ್ಪಿ-ಪ್ರಿಯಾಂಕ

ರಿಯಲ್ ಸ್ಟಾರ್ ಉಪೇಂದ್ರ ಹಾಗೂ ಪ್ರಿಯಾಂಕ ಉಪೇಂದ್ರ ಅವರಿಗೂ ಆಹ್ವಾನ ತಲುಪಿದ್ದು ಮೇಘನಾ ಮತ್ತು ಚಿರು ಇಬ್ಬರು ಎಲ್ಲರಿಗೂ ಪರಿಚಯ ಇರುವುದರಿಂದ ಮದುವೆಯಲ್ಲಿ ಬಹುತೇಕ ಎಲ್ಲಾ ಕಲಾವಿದರು ಭಾಗಿ ಆಗಲಿದ್ದಾರೆ.

ಕೆ ಬಾಲಚಂದರ್ ಶಿಷ್ಯರು ಮದುವೆಯಲ್ಲಿ

ಹೆಸರಾಂತ ನಿರ್ದೇಶಕ ಕೆ ಬಾಲಚಂದರ್ ಅವರ ಗರಡಿಯಲ್ಲಿ ಬೆಳೆದ ಎಲ್ಲಾ ಸೂಪರ್ ಸ್ಟಾರ್ ಗಳು ಮೇಘನಾ ಮದುವೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಮಲೆಯಾಳಂ ನ ಬಹುತೇಕ ಸ್ಟಾರ್ ಗಳು ವಿವಾಹ ಮಹೋತ್ಸವದಲ್ಲಿ ಭಾಗಿ ಆಗಲಿದ್ದಾರೆ.

ಮದುವೆಯಲ್ಲಿ ಕನ್ನಡದ ಸ್ಟಾರ್ ಗಳು

ಕನ್ನಡ ಸಿನಿಮಾರಂಗದಲ್ಲಿಯೂ ಎರಡು ಕುಟುಂಬದವರು ಎಲ್ಲರಿಗೂ ಪರಿಚಯದವರು. ಚಿರಂಜೀವಿ ಸರ್ಜಾ ಹಾಗೂ ಮೇಘನಾ ರಾಜ್ ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಕಿಚ್ಚ ಸುದೀಪ್ ಇಬ್ಬರಿಗೂ ಆಪ್ತರು ಇನ್ನು ರೆಬೆಲ್ ಸ್ಟಾರ್ ಹಾಗೂ ವಿಷ್ಣುವರ್ಧನ್ ಫ್ಯಾಮಿಲಿ ಸೇರಿದಂತೆ ಎಲ್ಲರ ಹಾಜರಾತಿ ಮದುವೆ ಮನೆಯಲ್ಲಿ ಇರಲಿದೆ.