ಮಗಳ ಮದುವೆ ಆಹ್ವಾನದ ಜೊತೆ ಮಾಹಿತಿ ನೀಡಿದ ಸುಂದರ್ ರಾಜ್ ದಂಪತಿ

ಶುರುವಾಯ್ತು ಮೇಘನಾ ಮದುವೆ ಸಂಭ್ರಮ

ನಟಿ ಮೇಘನಾ ರಾಜ್ ಮದುವೆ ಸಂಭ್ರಮ ಶುರುವಾಗಿದೆ. ನಾಳೆಯಿಂದಲೇ ಮದುವೆಯ ಶಾಸ್ತ್ರಗಳು ಆರಂಭ ಆಗಲಿದ್ದು ಚಪ್ಪರ ಶಾಸ್ತ್ರದ ಮೂಲಕ ಮದುವೆಯ ಕಾರ್ಯಕ್ರಮಗಳಿಗೆ ಅಧಿಕೃತವಾಗಿ ಚಾಲನೆ ನೀಡಲಾಗುತ್ತಿದೆ.

ಅರಿಶಿನ ಶಾಸ್ತ್ರ ಜೊತೆ ಬಳೆ ಶಾಸ್ತ್ರ

ಮೇಘನಾ ಹಾಗೂ ಚಿರು ಮದುವೆ ಸಾಂಪ್ರದಾಯಿಕವಾಗಿ ನಡೆಯಲಿದೆ. ಚಪ್ಪರ ಶಾಸ್ತ್ರದ ನಂತರ ಅರಿಶಿನ ಶಾಸ್ತ್ರ ಹಾಗೂ ಬಳೆ ಶಾಸ್ತ್ರವನ್ನ ಮಾಡಲಾಗುತ್ತೆ. ಈ ಎಲ್ಲಾ ಕಾರ್ಯಕ್ರಮಗಳು ಮೇಘನಾ ಮನೆಯಂಗಳದಲ್ಲಿ ನಡೆಯಲಿದೆ.

ರೋಮನ್ ಕ್ಯಾಥೋಲಿಕ್ ಸ್ಟೈಲ್ ನಲ್ಲಿ ಮದುವೆ

ಮೊದಲಿಗೆ ರೋಮನ್ ಕ್ಯಾಥೋಲಿಕ್ ಸಂಪ್ರದಾಯದಂತೆ ಮೇಘನಾ-ಚಿರು ಮದುವೆ ನಡೆಯಲಿದೆ. ಬೆಂಗಳೂರಿನ ಸೆಂಟ್ ಆಂಟನಿ ಚರ್ಚ್ ನಲ್ಲಿ ಮದುವೆ ಆಗಲಿದೆ. ಪ್ರಮೀಳಾ ಜೋಷಾಯಿ ಕ್ರೈಸ್ತ ಧರ್ಮದವರು ಆದ್ದರಿಂದ ಹಿಂದೂ ಹಾಗೂ ಕ್ರೈಸ್ತ ಎರಡು ರೀತಿ ಮದುವೆ ಮಾಡಿಕೊಡಲಾಗುತ್ತಿದೆ.

ಕಲರ್ ಫುಲ್ ಆಗಿರಲಿದೆ ಸಂಗೀತ್ ಸಂಭ್ರಮ

ಚರ್ಚ್ ನಲ್ಲಿ ಮದುವೆ ಆದ ನಂತರ ಮೆಹಂದಿ ಹಾಗೂ ಸಂಗೀತ್ ಕಾರ್ಯಕ್ರಮಗಳನ್ನ ಮೇಘನಾ ಹಾಗೂ ಸ್ನೇಹಿತರು ಪ್ಲಾನ್ ಮಾಡಿದ್ದಾರೆ. ಸಂಗೀತ್ ಕಾರ್ಯಕ್ರಮದಲ್ಲಿ ಎಲ್ಲರ್ ಕಲರ್ ಫುಲ್ ಡ್ರಸ್ ಗಳಲ್ಲಿ ಕಾಣಿಸಿಕೊಳ್ಳಲಿದ್ದು ರಾಜಸ್ಥಾನಿ ಸ್ಟೈಲ್ ನಲ್ಲಿರಲಿದೆಯಂತೆ.

ಮದುವೆ ಹಿಂದಿನ ದಿನ ವರಪೂಜೆ

ಇಷ್ಟೆಲ್ಲಾ ಕಾರ್ಯಕ್ರಮಗಳು ಆದ ನಂತರದ ದಿನದಲ್ಲಿ ಹಿಂದೂ ಸಂಪ್ರದಾಯದಂತೆ ವರಪೂಜೆ ನಡೆಯಲಿದೆ. ಮೇ 2 ರಂದು ಪ್ಯಾಲೆಸ್ ಗ್ರೌಂಡ್ ನಲ್ಲಿ ಮಹೂರ್ತ ನಡೆಯಲಿದೆ. ಮದುವೆ ಸಂಪ್ರದಾಯದಲ್ಲಿ ಸಾಕಷ್ಟು ಸ್ಟಾರ್ ಗಳು ಭಾಗಿ ಆಗಲಿದ್ದಾರೆ.