ಕನ್ನಡದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಗಾಯಕರಿವರು!

ವಿಜಯ್ ಪ್ರಕಾಶ್ ಸಂಭಾವನೆ ಎಷ್ಟು?

ಕನ್ನಡ ಚಿತ್ರರಂಗದಲ್ಲಿ ಅತಿ ಹೆಚ್ಚು ಬೇಡಿಕೆ ಹೊಂದಿರುವ ಗಾಯಕ ವಿಜಯ್ ಪ್ರಕಾಶ್. ಸ್ಟಾರ್ ನಟರ ನೆಚ್ಚಿನ ಗಾಯಕ. 2018ರ ಸಾಲಿನಲ್ಲಿ ಸುಮಾರು 50ಕ್ಕೂ ಅಧಿಕ ಹಾಡು ಹಾಡಿದ್ದ ವಿಜಯ್ ಪ್ರಕಾಶ್, 2019ನೇ ಸಾಲಿನಲ್ಲಿ ಹತ್ತು ಹಾಡು ಹಾಡಿದ್ದಾರೆ ಎನ್ನಲಾಗಿದೆ. ಗಾಂಧಿನಗರದ ಟಾಕ್ ಪ್ರಕಾರ, ವಿಜಯ್ ಪ್ರಕಾಶ್ ಒಂದು ಹಾಡಿಗೆ ಒಂದು ಲಕ್ಷ ಚಾರ್ಜ್ ಮಾಡ್ತಾರಂತೆ.

ರಾಜೇಶ್ ಕೃಷ್ಣನ್ ಸಂಭಾವನೆ ಹೆಚ್ಚಿದೆ

ಮೆಲೋಡಿ ಕಿಂಗ್ ರಾಜೇಶ್ ಕೃಷ್ಣನ್ ಈಗಿನ ಸಮಯದಲ್ಲಿ ಹಾಡೋದು ಕಮ್ಮಿ ಆಗಿದೆ. ಆದರೆ, ಬೇಡಿಕೆ ಮತ್ತು ಸಂಭಾವನೆ ಮಾತ್ರ ಕಡಿಮೆಯಾಗಿಲ್ಲ. ಸದ್ಯದ ಮಾಹಿತಿ ಪ್ರಕಾರ, ಹಾಡೊಂದಕ್ಕೆ ಒಂದು ಲಕ್ಷದವರೆಗೂ ಸಂಭಾವನೆ ಪಡೆಯುತ್ತಾರೆ ಎನ್ನಲಾಗಿದೆ.

ಸಂಚಿತ್ ಹೆಗ್ಡೆ

ವಿಜಯ್ ಪ್ರಕಾಶ್ ನಂತರ ಸದ್ಯ ಸ್ಯಾಂಡಲ್ ವುಡ್ ಇಂಡಸ್ಟ್ರಿಯಲ್ಲಿ ಹೆಚ್ಚು ಬೇಡಿಕೆಯಲ್ಲಿರುವ ಗಾಯಕ ಸಂಚಿತ್ ಹೆಗ್ಡೆ. 2018ರಲ್ಲಿ 30ಕ್ಕೂ ಅಧಿಕ ಹಾಡು ಹಾಡಿದ್ದ ಸಂಚಿತ್, 2019ರಲ್ಲಿ 40ಕ್ಕೂ ಹೆಚ್ಚು ಹಾಡುಗಳನ್ನು ಹಾಡಿದ್ದಾರೆ. ಸಂಭಾವನೆ ವಿಚಾರದಲ್ಲಿ ಕಮ್ಮಿ ಇದ್ದರೂ ಬೇಡಿಕೆ ಮಾತ್ರ ಹೆಚ್ಚಿದೆ.

ಹೇಮಂತ್

ದರ್ಶನ್ ಅವರ ಬಹುತೇಕ ಸಿನಿಮಾಗಳಲ್ಲಿ ಹಾಡುವ ಗಾಯಕ ಹೇಮಂತ್ ಕೂಡ ಈ ಪಟ್ಟಿಯಲ್ಲಿದ್ದಾರೆ. ಹೇಮಂತ್ ಅವರ ಗಾಯನಕ್ಕೂ ಬೇಡಿಕೆ ಹೆಚ್ಚಿದೆ. ಆದರೆ, ವರ್ಷವೊಂದರಲ್ಲಿ ವಿಜಯ್ ಪ್ರಕಾಶ್, ಸಂಚಿತ್ ಹೆಗ್ಡೆ ರೀತಿ ತುಂಬಾ ಹಾಡುಗಳನ್ನು ಹಾಡುವುದಿಲ್ಲ.

ಅನುರಾಧ ಭಟ್

ಗಾಯಕಿಯ ಪೈಕಿ ಅನುರಾಧ ಭಟ್ ಕನ್ನಡದ ಶ್ರೇಯಾ ಘೋಷಲ್ ಎನಿಸಿಕೊಂಡಿದ್ದಾರೆ. ಸ್ಯಾಂಡಲ್ ವುಡ್ ಪಾಲಿಗೆ ಬ್ಯುಸಿಯೆಸ್ಟ್ ಹಾಗೂ ಬೇಡಿಕೆಯ ಗಾಯಕಿ. 'ಅಪ್ಪ ಐ ಲವ್ ಯೂ' ಖ್ಯಾತಿಯ ಅನುರಾಧ್ ಭಟ್ ಗಾಯಕಿಯ ಪೈಕಿ ಹೆಚ್ಚು ಸಂಭಾವನೆ ಪಡೆದುಕೊಳ್ಳುತ್ತಿದ್ದಾರೆ.

ಶಮಿತಾ ಮಲ್ನಾಡ್

ಕನ್ನಡದ ಮತ್ತೊಬ್ಬ ಗಾಯಕಿ ಶಮಿತಾ ಮಲ್ನಾಡ್ ಕೂಡ ಕನ್ನಡ ಇಂಡಸ್ಟ್ರಿಯಲ್ಲಿ ಬೇಡಿಕೆ ಹೊಂದಿದ್ದಾರೆ. ಶಮಿತಾ ಮಲ್ನಾಡ್ ಹಾಡಿದ್ದ Rambo ಚಿತ್ರದ 'ಚುಟು ಚುಟು' ಹಾಡು ದೊಡ್ಡ ಹಿಟ್ ಆಗಿತ್ತು. ಅಂದ್ಹಾಗೆ, ಗಾಯಕರ ವಿಚಾರದಲ್ಲಿ ಚಂದನವನದಲ್ಲೊಂದು ಟ್ರೆಂಡ್ ಇದೆ. ಗಾಯಕ ಅಥವಾ ಗಾಯಕಿಯ ಸಂಭಾವನೆ ವಿಚಾರದಲ್ಲಿ ನಿಖರವಾಗಿ ಹೇಳಲು ಸಾಧ್ಯವಿಲ್ಲ. ಯಾಕಂದ್ರೆ, ಅನೇಕ ಗೀತೆಗಳನ್ನು ಯುವ ಪ್ರತಿಭೆಗಳಿಂದ ಸಂಗೀತ ನಿರ್ದೇಶಕರೇ ಹಾಡಿಸುತ್ತಾರೆ. ಇಲ್ಲಿ ಸಂಭಾವನೆ ಅನ್ನುವುದಕ್ಕಿಂತ ಅವಕಾಶ ನೀಡಿದ್ರು ಎಂಬುದೇ ವಿಶೇಷವೆನಿಸಿಕೊಳ್ಳುತ್ತೆ.