ಕನ್ನಡ ಸಿನಿಮಾಗಳ ಈ ದಿನದ 5 ಚುಟುಕು ಸುದ್ದಿಗಳು

'ಅಯೋಗ್ಯ' 100 ಡೇಸ್

ಇದೇ ವಾರ 'ಅಯೋಗ್ಯ' ಸಿನಿಮಾ ನೂರು ದಿನಗಳನ್ನು ಪೂರೈಸಲಿದೆ. ಶತದಿನದ ಕಾರ್ಯಕ್ರಮವನ್ನು ಇದೇ ಭಾನುವಾರ ಮಾಡಲು ಚಿತ್ರತಂಡ ನಿರ್ಧಾರ ಮಾಡಿದೆ. ಬೆಂಗಳೂರಿನ ಕಲಾವಿದರ ಸಂಘದಲ್ಲಿ 100 ಡೇಸ್ ಕಾರ್ಯಕ್ರಮ ನಡೆಯಲಿದೆ. ವಿಶೇಷ ಅಂದರೆ, ಅದೇ ದಿನ ಸಿನಿಮಾ ಕಲರ್ಸ್ ಕನ್ನಡದಲ್ಲಿ ಪ್ರಸಾರ ಆಗಲಿದೆ.

'ನಟ ಸಾರ್ವಭೌಮ' ಪ್ಯಾಕ್ ಅಪ್

ಪುನೀತ್ ರಾಜ್ ಕುಮಾರ್ ನಟನೆಯ 'ನಟ ಸಾರ್ವಭೌಮ' ಸಿನಿಮಾದ ಶೂಟಿಂಗ್ ನಿನ್ನೆಗೆ ಮುಗಿದಿದೆ. ಈ ವಿಷಯವನ್ನು ನಿರ್ದೇಶಕ ಪವನ್ ಒಡೆಯರ್ ಹಂಚಿಕೊಂಡಿದ್ದಾರೆ. ಕುಂಬಳ ಕಾಯಿ ಒಡೆದು ಇಡೀ ಚಿತ್ರತಂಡ ಫೋಟೋ ತೆಗೆದುಕೊಂಡಿದೆ. ರಚಿತಾ ರಾಮ್ ಹಾಗೂ ಅನುಪಮ ಪರಮೇಶ್ವರನ್ ಚಿತ್ರದ ನಾಯಕಿಯರಾಗಿದ್ದಾರೆ.

'8 ಎಂಎಂ' ಸಿನಿಮಾ ನೋಡ್ತಾರೆ ಯಡಿಯೂರಪ್ಪ

ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ '8 ಎಂಎಂ' ಸಿನಿಮಾವನ್ನು ವೀಕ್ಷಿಸಲಿದ್ದಾರೆ. ಜಗ್ಗೇಶ್ ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಯಡಿಯೂರಪ್ಪ ಅವರಿಗಾಗಿ ಇಂದು ಸಂಜೆ 6.30ಕ್ಕೆ ಒರಿಯಲ್ ಮಾಲ್ ನಲ್ಲಿ ವಿಶೇಷ ಪ್ರದರ್ಶನ ಆಯೋಜನೆ ಮಾಡಲಾಗಿದೆ. ಕಳೆದ ವಾರ ಈ ಸಿನಿಮಾ ಬಿಡುಗಡೆಯಾಗಿತ್ತು.

ಹೊಸ ಜೋಡಿಗೆ ರಾಗಿಣಿ ವಿಶ್

ನಟ ದಿಗಂತ್ ಹಾಗೂ ಅಂದ್ರಿತಾ ರೇ ವಿವಾಹದ ದಿನಾಂಕ ನಿಗದಿಯಾಗಿದೆ. ಮೂರು ತಿಂಗಳ ಹಿಂದೆ ನಿಶ್ಚಿತಾರ್ಥ ಆಗಿರುವ ವಿಷಯವನ್ನು ಅಂದ್ರಿತಾ ಇಂದು ತಮ್ಮ ಇನ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಈ ಹೊಸ ಜೋಡಿಗೆ ರಾಗಿಣಿ ದ್ವಿವೇದಿ ಶುಭಾಶಯ ತಿಳಿಸಿದ್ದಾರೆ.

'ದಿ ವಿಲನ್' ಹಾಡು

'ದಿ ವಿಲನ್' ಸಿನಿಮಾ ಒಂದೊಂದೆ ವಿಡಿಯೋ ಹಾಡುಗಳು ಹೊರ ಬರುತ್ತಿದೆ. ಸುದೀಪ್ ಅವರ 'ಲವ್ ಆಗೈತೆ ನಿನ್ ಮೈಲೆ..' ಹಾಡಿನ ವಿಡಿಯೋ ಇಂದು ಸಂಜೆ ಬಿಡುಗಡೆಯಾಗುತ್ತಿದೆ. ಅರ್ಜುನ್ ಜನ್ಯ ಸಂಗೀತ, ಪ್ರೇಮ್ ಸಾಹಿತ್ಯ ಹಾಗೂ ಧ್ವನಿ ಹಾಡಿನಲ್ಲಿದೆ.