ಕೆಂಪು ಕ್ರಾಂತಿಗೆ ನಾಂದಿ ಹಾಡಿದ ಹಿತಾ ಚಂದ್ರಶೇಖರ್

ರೆವಲ್ಯೂಷನ್ ಮಾಡುತ್ತಿರುವ ಹಿತಾ

ಕನ್ನಡದ ನಟಿ ಹಿತಾ ಚಂದ್ರಶೇಖರ್ ಕೆಂಪು ಕ್ರಾಂತಿ ಪ್ರಾರಂಭ ಮಾಡಿದ್ದಾರೆ. ಹೆಣ್ಣು ಮಕ್ಕಳು ಮುಟ್ಟಾಗುವುದು ನೈಸರ್ಗಿಕ ಪ್ರಕ್ರಿಯೆ. ಅದು ನಾಚಿಕೆ ಪಡುವಂತಹ ವಿಚಾರ ಅಲ್ಲ. ಎಲ್ಲರೂ ಇದರ ಬಗ್ಗೆ ಮುಕ್ತವಾಗಿ ಮಾತನಾಡವಂತೆ ಆಗಬೇಕು ಎನ್ನುವುದನ್ನು ದಿ ರೆಡ್ ರೆವಲ್ಯೂಷನ್ ಮೂಲಕ ಹೇಳಲು ಹೊರಟಿದ್ದಾರೆ.

ಇನ್‌ಸ್ಟಾಗ್ರಾಂ ನಲ್ಲಿ ಅಭಿಯಾನ

ವಿಭಿನ್ನ ರೀತಿಯ ಕೆಂಪು ಬಣ್ಣದ ಬಟ್ಟೆಯನ್ನ ಧರಿಸಿ ಜಾಗೃತಿ ಅಭಿಯಾನವನ್ನ ಪ್ರಾರಂಭ ಮಾಡಿರುವ ಹಿತಾ ಚಂದ್ರಶೇಖರ್ ಅವರ ಜೊತೆಯಲ್ಲಿ ಎಲ್ಲರೂ ಕೈ ಜೋಡಿಸ ಬಹುದಾಗಿದೆ. ನೀವು ಧರಿಸುವ ಬಟ್ಟೆ, ಚಪ್ಪಲಿ, ನೈಲ್ ಪಾಲೀಶ್ ಹೀಗೆ ಹೆಣ್ಣು ಮಕ್ಕಳು ಬಳಸುವ ಕೆಂಪು ಬಣ್ಣದ ಅಗತ್ಯ ವಸ್ತುಗಳ ಜೊತೆ ಫೋಟೋ ತೆಗೆದುಕೊಂಡು ಹ್ಯಾಷ್ ಟ್ಯಾಗ್ ಬಳಸಿ ದಿ ರೆಡ್ ರೆವಲ್ಯೂಷನ್ ಎಂದು ಹಾಕಿ ಟ್ಯಾಗ್ ಮಾಡಬೇಕು.

ಮುಟ್ಟಾಗುವುದು ಆರೋಪ ಅಲ್ಲ

ಕಾಲ ಬದಲಾಗಿದೆ ಎಲ್ಲರಿಗೂ ಎಲ್ಲಾ ವಿಚಾರಗಳ ಬಗ್ಗೆ ಮುಕ್ತವಾಗಿ ಮಾತನಾಡುವ ಸ್ವಾತಂತ್ಯ ಇದೆ. ಮುಟ್ಟಾಗುವುದು ಯಾವುದೇ ಆರೋಪವಲ್ಲ. ನಾಚಿಕೆ ಪಟ್ಟುಕೊಳ್ಳದೆ ಮುಟ್ಟಿನ ಬಗ್ಗೆ ಮಾತನಾಡುವಂತಾಗಬೇಕು ಎನ್ನುವುದು ಇದರ ಉದ್ದೇಶ.

ಕೆಂಪು ಕ್ರಾಂತಿಗೆ ದೊರಕಿತು ಉತ್ತಮ ಪ್ರತಿಕ್ರಿಯೆ

ದಿ ರೆಡ್ ರೆವಲ್ಯೂಷನ್ ಅಭಿಯಾನಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ. ಹಿತಾ ಚಂದ್ರಶೇಖರ್ ಅವರೊಂದಿಗೆ ಸಾಕಷ್ಟು ಜನರು ಕೈ ಜೋಡಿಸಿದ್ದು ಕೆಂಪು ಬಣ್ಣದ ಜೊತೆಯಲ್ಲಿರುವ ಪೋಟೋಗಳನ್ನ ಇನ್‌ ಸ್ಟಾಗ್ರಾಂ ನಲ್ಲಿ ಅಪ್ಲೌಡ್ ಮಾಡುತ್ತಿದ್ದಾರೆ.