ಸುದೀಪ್ ಮನೆಗೆ ಭೇಟಿ ನೀಡಿದ ಹಾಲಿವುಡ್ ನಿರ್ದೇಶಕ.!

ಸುದೀಪ್ ಮನೆಗೆ ಹಾಲಿವುಡ್ ನಿರ್ದೇಶಕ

ಹಾಲಿವುಡ್ ನಿರ್ದೇಶಕ ಎಡ್ಡಿ ಆರ್ಯ ಅವರು ಸುದೀಪ್ ಅವರ ನಿವಾಸಕ್ಕೆ ಭೇಟಿ ನೀಡಿದ್ದಾರೆ. ಇವರಿಬ್ಬರು ಭೇಟಿ ಮಾಡಿರುವ ಫೋಟೋಗಳು ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಇಲ್ಲೇ ಫೋಟೋಶೂಟ್ ಮಾಡುವ ಸಾಧ್ಯತೆ.!

ಇಷ್ಟೋತ್ತಿಗಾಲೇ ಹಾಲಿವುಡ್ ಚಿತ್ರಕ್ಕಾಗಿ ಸುದೀಪ್ ಫೋಟೋಶೂಟ್ ಮಾಡಬೇಕಿತ್ತು. ಆದ್ರೆ, ಸುದೀಪ್ ಬಿಜಿಯಿದ್ದ ಕಾರಣ ಫೋಟೋಶೂಟ್ ನಲ್ಲಿ ಭಾಗವಹಿಸಲು ಸಾಧ್ಯವಾಗಿರಲಿಲ್ಲ. ಹಾಗಾಗಿ, ಹಾಲಿವುಡ್ ನಿರ್ದೇಶಕರೇ ತಮ್ಮ ತಂಡದ ಜೊತೆ ಬೆಂಗಳೂರಿಗೆ ಬಂದಿದೆ. ಸೋ, ಎಲ್ಲ ಅಂದುಕೊಂಡಂತೆ ಆದ್ರೆ, ಇಲ್ಲಿಯೇ ಫೋಟೋಶೂಟ್ ಮಾಡುವ ಸಾಧ್ಯತೆ ಇದೆ.

ಯಾವ ಸಿನಿಮಾ?

ಆಸ್ಟ್ರೇಲಿಯಾ ಮೂಲದ ಎಡ್ಡಿ ಆರ್ಯ ಎಂಬ ನಿರ್ದೇಶಕರ 'ರೈಸನ್' ಸಿನಿಮಾದಲ್ಲಿ ಸುದೀಪ್ ನಟಿಸುವುದು ಪಕ್ಕಾ ಆಗಿದೆ. 'ರೈಸನ್' ಚಿತ್ರದಲ್ಲಿ ಸುದೀಪ್ ಕಮಾಂಡೋ ಪಾತ್ರದಲ್ಲಿ ಮಿಂಚಲಿದ್ದಾರೆ ಎನ್ನಲಾಗುತ್ತಿದೆ.

ಶೂಟಿಂಗ್ ಆರಂಭವಾಗಿದೆ

'ರೈಸನ್' ಚಿತ್ರದ ಶೂಟಿಂಗ್ ಈಗಾಗಲೇ ಆರಂಭವಾಗಿದೆ. ಆದ್ರೆ, ಸುದೀಪ್ ಅವರ ಭಾಗದ ಚಿತ್ರೀಕರಣ ಇನ್ನು ಆರಂಭವಾಗಿಲ್ಲ. ಆಸ್ಟ್ರೇಲಿಯಾದಲ್ಲಿ ಕಿಚ್ಚನ ಚಿತ್ರೀಕರಣ ಮಾಡಲಿದ್ದು, ಯಾವಾಗ ಹೋಗ್ತಾರೆ ಎಂಬ ಮಾಹಿತಿ ಬಿಟ್ಟುಕೊಟ್ಟಿಲ್ಲ.

ಹೆಚ್ಚಿನ ಮಾಹಿತಿಗಾಗಿ ಕಾಯಬೇಕಿದೆ

ಸದ್ಯಕ್ಕೆ, ಬಿಗ್ ಬಾಸ್ ಕನ್ನಡ 5, ದಿ ವಿಲನ್, ಪೈಲ್ವಾನ್ ಸಿನಿಮಾಗಳಲ್ಲಿ ನಟಿಸುತ್ತಿರುವ ಸುದೀಪ್, ಇವುಗಳ ಜೊತೆಯಲ್ಲೇ ಹಾಲಿವುಡ್ ಸಿನಿಮಾ ಮಾಡಬೇಕಿದೆ. ಹಾಲಿವುಡ್ ಚಿತ್ರದ ಹೆಚ್ಚಿನ ಮಾಹಿತಿಗಾಗಿ ಫಿಲ್ಮಿಬೀಟ್ ಕನ್ನಡ ಫಾಲೋ ಮಾಡುತ್ತೀರಿ.....