ಜುಲೈ 11ಕ್ಕೆ ಹೊಂಬಾಳೆ ಹೊಸ ಸಿನಿಮಾ ಘೋಷಣೆ: ಹೀರೋ ಯಾರು?

ರಕ್ಷಿತ್ ಶೆಟ್ಟಿ ಫಿಕ್ಸ್?

ರಕ್ಷಿತ್ ಶೆಟ್ಟಿ ಜೊತೆ ಹೊಂಬಾಳೆ ಫಿಲಂಸ್ ಸಿನಿಮಾವೊಂದು ಮಾಡಲಿದ್ದಾರೆ ಎನ್ನುವ ವಿಚಾರ ಬಹಳ ದಿನಗಳಿಂದಲೇ ಚರ್ಚೆಯಲ್ಲಿದೆ. ಇದೀಗ, ಜುಲೈ 11 ಎಂದು ಹೊಂಬಾಳೆ ಪ್ರಕಟಿಸಿದ ನಂತರ ಪಕ್ಕಾ ಈ ಚಿತ್ರಕ್ಕೆ ರಕ್ಷಿತ್ ಶೆಟ್ಟಿ ಹೀರೋ ಎಂದು ಫಿಕ್ಸ್ ಮಾಡಿಕೊಳ್ಳುತ್ತಿದ್ದಾರೆ. ಅದಕ್ಕೆ ಕಾರಣನೂ ಇದೆ.

ಜುಲೈ 11ರ ನಂಟು ಏನು?

ಜುಲೈ 11ನೇ ತಾರೀಕಿಗಾಗಿ ರಕ್ಷಿತ್ ಶೆಟ್ಟಿ ಹಾಗೂ ಅವರ ಅಭಿಮಾನಿಗಳು ಕಾಯುತ್ತಿದ್ದಾರೆ. ಖಾಸಗಿ ಸುದ್ದಿ ವಾಹಿನಿ ಪಬ್ಲಿಕ್ ಟಿವಿ ಕಾರ್ಯಕ್ರಮವೊಂದರಲ್ಲಿ ಮಾಡಿದ್ದ ಆರೋಪಕ್ಕೆ ಜುಲೈ 11 ರಂದು ಉತ್ತರ ಕೊಡ್ತೇನೆ ಎಂದು ರಕ್ಷಿತ್ ಸವಾಲು ಹಾಕಿದ್ದರು. ಈಗ ಹೊಂಬಾಳೆ ಅದೇ ದಿನ ಹೊಸ ಸಿನಿಮಾ ಪ್ರಕಟಿಸುತ್ತಿದೆ. ಬಹುಶಃ ಇದು ರಕ್ಷಿತ್ ಸಿನಿಮಾನೇ ಇರಬಹುದಾ ಎಂಬ ಅನುಮಾನ ಕಾಡ್ತಿದೆ.

ಜುಲೈ 12ಕ್ಕೆ ಶಿವಣ್ಣ ಹುಟ್ಟುಹಬ್ಬ

ಇನ್ನು ಸರ್ಪ್ರೈಸ್ ಎಂಬಂತೆ ಶಿವಣ್ಣ ಹೆಸರು ಸಹ ಚರ್ಚೆಗೆ ಬಂದಿದೆ. ಜುಲೈ 12 ರಂದು ಶಿವರಾಜ್ ಕುಮಾರ್ ಹುಟ್ಟುಹಬ್ಬವಿದ್ದು, ಆ ಹಿನ್ನೆಲೆ ಹ್ಯಾಟ್ರಿಕ್ ಹೀರೋ ಜೊತೆಗಿನ ಸಿನಿಮಾ ಅನೌನ್ಸ್ ಮಾಡಬಹುದು ಎಂಬ ನಿರೀಕ್ಷೆಯೂ ಹುಟ್ಟಿಕೊಂಡಿದೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಶಿವಣ್ಣ ಜೊತೆ ಹೊಂಬಾಳೆ ನಿರ್ಮಾಪಕರು ಕಾಣಿಸಿಕೊಂಡಿರುವ ಉದಾಹರಣೆ ಇಲ್ಲ.

ಸುಧಾ ಕೊಂಗರಾ ಸಿನಿಮಾ?

ಸೂರರೈ ಪೊಟ್ರು ನಿರ್ದೇಶಕಿ ಸುಧಾ ಕೊಂಗರಾ ಜೊತೆಯೂ ಹೊಂಬಾಳೆ ಸಿನಿಮಾ ಮಾಡುವ ಬಗ್ಗೆ ಮಾತುಕತೆ ನಡೆಯುತ್ತಿದೆ ಎಂದು ಹೇಳಲಾಗಿದೆ. ಬಹುಶಃ ಈ ಚಿತ್ರವನ್ನು ಅಧಿಕೃತವಾಗಿ ಆರಂಭಿಸಬಹುದಾ?

ಅಪ್ಪು-ಸಂತೋಷ್ ಸಿನಿಮಾ?

ಯುವರತ್ನ ಬಳಿಕ ಪುನೀತ್ ರಾಜ್ ಕುಮಾರ್ ಜೊತೆ ಸಂತೋಷ್ ಆನಂದ್ ರಾಮ್ ಮತ್ತೊಂದು ಸಿನಿಮಾ ಮಾಡುವ ಬಗ್ಗೆ ಖಚಿತಪಡಿಸಿದ್ದರು. ಈ ಚಿತ್ರಕ್ಕೂ ಹೊಂಬಾಳೆ ಸಂಸ್ಥೆಯೇ ಬಂಡವಾಳ ಹಾಕುತ್ತಿದೆ. ಈ ಸಿನಿಮಾ ಅನೌನ್ಸ್ ಆಗಬಹುದಾ?

Recommended Video

Dr Shiva Rajkumar Biography | ಶಿವರಾಜ್ ಕುಮಾರ್ ಹುಟ್ಟಿದ ದಿನ ಅಣ್ಣಾವ್ರು ಏನ್ ಮಾಡಿದ್ರು ಗೊತ್ತಾ? | Filmibeat Kannada

ಯಶ್ ಜೊತೆ ಮತ್ತೆ ಸಿನಿಮಾ

ಕೆಜಿಎಫ್ ಚಾಪ್ಟರ್ 2 ಬಳಿಕ ಯಶ್ ಯಾವುದೇ ಸಿನಿಮಾ ಅನೌನ್ಸ್ ಮಾಡಿಲ್ಲ. ತಮ್ಮ ಸಂಸ್ಥೆಗೆ ಪ್ಯಾನ್ ಇಂಡಿಯಾ ಸಕ್ಸಸ್ ಕೊಟ್ಟಿರುವ ಯಶ್ ಜೊತೆ ಹೊಂಬಾಳೆ ಮತ್ತೆ ಹೊಸ ಸಿನಿಮಾ ಕೈಗೆತ್ತಿಕೊಳ್ಳಬಹುದಾ ಎಂಬ ನಿರೀಕ್ಷೆಯೂ ಅಭಿಮಾನಿಗಳಲ್ಲಿದೆ. ಇದಕ್ಕೆಲ್ಲಾ ಉತ್ತರ ಜುಲೈ 11ಕ್ಕೆ ಕಾಯಬೇಕಿದೆ.