'GST' ಅಂಗೀಕಾರ ಸಿನಿಮಾ ರಂಗಕ್ಕೆ ಹೇಗೆ ವರದಾನ.?

ಟಿಕೆಟ್ ದರ ಇಳಿಕೆ

'ಜಿಎಸ್ ಟಿ' ಹೊಸ ಅಂಗೀಕಾರದಿಂದ ಸಿಂಗಲ್ ಸ್ಕ್ರೀನ್ ಚಿತ್ರಮಂದಿರ ಸೇರಿದಂತೆ ಎಲ್ಲಾ ಚಲನಚಿತ್ರ ಮಂದಿರಗಳಲ್ಲಿ ಟಿಕೆಟ್ ದರ ಹಾಗೂ ಮಲ್ಟಿಪ್ಲೆಕ್ಸ್ ನಲ್ಲಿ ತಿಂಡಿ-ತಿನಿಸು ಮತ್ತು ಪಾನೀಯಗಳ ದರದಲ್ಲಿ ಭಾರಿ ಇಳಿಕೆಯಾಗಿದೆ.

ಮನರಂಜನಾ ತೆರಿಗೆ

ವಿದೇಶಗಳಲ್ಲಿ ಸಿನಿಮಾವನ್ನು ಮನರಂಜನೆಯ ಬದಲಾಗಿ ಸಾಂಸ್ಕೃತಿಕ ರಾಯಭಾರಿಯಾಗಿ ಪರಿಗಣಿಸಲಾಗುತ್ತದೆ. ಆದರೆ ನಮ್ಮಲ್ಲಿ ಸಿನಿಮಾವನ್ನು ಸೇವೆ ಎಂದು ಪರಿಗಣಿಸಲಾಗುತ್ತದೆ, ಆದ್ದರಿಂದ ಸೇವಾ ತೆರಿಗೆಯ ಜೊತೆಗೆ ಹೆಚ್ಚುವರಿ ಮನರಂಜನೆ ತೆರಿಗೆಯನ್ನೂ ಸಿನಿಮಾ ಕ್ಷೇತ್ರ ಪಾವತಿ ಮಾಡಬೇಕಾಗುತ್ತದೆ.

ಶೇ 27ರಷ್ಟು ತೆರಿಗೆ

ಪ್ರಸಕ್ತ ದೇಶದ ಪ್ರತಿಯೊಂದು ರಾಜ್ಯದಲ್ಲೂ ಮನರಂಜನೆ ಸೇವಾ ತೆರಿಗೆ ಬೇರೆ-ಬೇರೆ ಪ್ರಮಾಣದಲ್ಲಿದೆ. ಎಲ್ಲರೂ ಸರಾಸರಿ ಶೇ.27ರಷ್ಟು ತೆರಿಗೆ ಪಾವತಿ ಮಾಡಬೇಕಾಗಿದೆ. ಆದ್ದರಿಂದ ಮಲ್ಟಿಪ್ಲೆಕ್ಸ್ ನಲ್ಲಿ ಟಿಕೆಟ್ ಬೆಲೆ ಗಗನಕ್ಕೇರಿದೆ. ಇದೀಗ ಜಿಎಸ್ ಟಿ ಜಾರಿಗೆ ಬಂದರೆ ಮನರಂಜನಾ ತೆರಿಗೆ ಅದರ ಜೊತೆಗೆ ಮಿಳಿತವಾಗಲಿದೆ.

ಇನ್ನುಮುಂದೆ ಶೇ.18 ಮಾತ್ರ

ಅಂತೂ ಇದೀಗ ಶೇ.18ರಷ್ಟು ಮಾತ್ರ ತೆರಿಗೆಯನ್ನು ಮಾತ್ರ ಮಲ್ಟಿಪ್ಲೆಕ್ಸ್ ಕಂಪನಿಗಳು ಪಾವತಿ ಮಾಡಬೇಕಾಗುತ್ತದೆ. ಇದರಿಂದಾಗಿ ಇನ್ನುಮುಂದೆ ಟಿಕೆಟ್ ಬೆಲೆ ಮತ್ತು ಅಲ್ಲಿ ಸಿಗುವ ಆಹಾರ ವಸ್ತುಗಳು ಮತ್ತು ಪಾನೀಯಗಳ ಬೆಲೆ ಕೂಡ ಕಡಿಮೆಯಾಗಲಿದೆ.

ಮುಂದಿನ ಏಪ್ರಿಲ್

GST ಜಾರಿಯಿಂದ ಇಡೀ ಚಲನಚಿತ್ರ ಉದ್ಯಮದಲ್ಲಿ ಏಕರೂಪದ ತೆರಿಗೆ ವ್ಯವಸ್ಥೆ ಜಾರಿಗೆ ಬಂದು ಒಟ್ಟಾರೆ ತೆರಿಗೆ ಪಾವತಿಯಲ್ಲಿ ಶೇ.2 ರಿಂದ4 ರಷ್ಟು ಕಡಿಮೆಯಾಗಲಿದೆ. ಆದ್ದರಿಂದ ಇನ್ನುಮುಂದೆ ಚಿತ್ರ ನಿರ್ಮಾಪಕರು, ಸ್ಟುಡಿಯೋ ಮಾಲೀಕರು ಹೆಚ್ಚುವರಿ ಸೇವಾ ತೆರಿಗೆ ಕಟ್ಟುವುದು ತಪ್ಪುತ್ತದೆ. ಅಂದಹಾಗೆ ಇದು ನಾಳೆಯೇ ಜಾರಿಯಾಗುವುದಿಲ್ಲ. ಇದಕ್ಕಾಗಿ ಮುಂದಿನ ವರ್ಷ ಏಪ್ರಿಲ್ ವರೆಗೂ ಕಾಯಬೇಕು.