ಸಿನಿಮಾಕ್ಕೆ 'ಓಂ' ಎಂದು ಹೆಸರಿಟ್ಟಿದ್ದರ ಹಿಂದಿದೆ ಸ್ವಾರಸ್ಯಕರ ಕತೆ

ಓಂ ಬರೆದಿದ್ದು ಶಿವರಾಜ್‌ಕುಮಾರ್ ಅವರಿಗಾಗಿ ಅಲ್ಲ

ಉಪೇಂದ್ರ ಅವರು ಓಂ ಕತೆ ಬರೆದಿದ್ದು ಶಿವರಾಜ್‌ ಕುಮಾರ್ ಅವರಿಗಾಗಿ ಅಲ್ಲ. ಓಂ ಸಿನಿಮಾದ ನಾಯಕನಾಗಿ ಮೊದಲು ಆಯ್ಕೆ ಆಗಿದ್ದು ಕುಮಾರ್ ಗೋವಿಂದ್. ಆದರೆ ಶೂಟಿಂಗ್ ಪ್ರಾರಂಭವಾಗುವ ಕೆಲವೇ ದಿನಗಳ ಮುಂಚೆ ಕುಮಾರ್ ಗೋವಿಂದ್-ಉಪೇಂದ್ರ ನಡುವೆ ಸಣ್ಣ ಮನಸ್ತಾಪ ಉಂಟಾಯಿತು.

ಕತೆ ಕೇಳಿ ಓಕೆ ಎಂದ ರಾಜ್‌ಕುಮಾರ್

ಹಾಗಾಗಿ ಕತೆ ರಾಜ್‌ಕುಮಾರ್ ಅವರ ಬಳಿ ಹೋಯಿತು. ರಾಜ್‌ಕುಮಾರ್ ಅವರು ವರದಣ್ಣ ಅವರು ಕತೆ ಕೇಳಿ ಓಕೆ ಎಂದರು. ಶಿವರಾಜ್ ಕುಮಾರ್ ನಾಯಕರಾಗುವುದು, ಪ್ರೇಮ ನಾಯಕಿ ಎಂದೆಲ್ಲಾ ಫಿಕ್ಸ್ ಆಯಿತು.

ಸ್ಕ್ರಿಪ್ಟ್ ಮೇಲೆ ಓಂ ಬರೆದರು ರಾಜ್‌ಕುಮಾರ್

ಆಗ ರಾಜ್‌ಕುಮಾರ್ ಅವರು ಉಪೇಂದ್ರ ಬರೆದಿದ್ದ ಸ್ಕ್ರಿಪ್ಟ್ ಮೇಲೆ 'ಓಂ' ಎಂದು ಬರೆದರು. ಆಗ ಉಪೇಂದ್ರ ಅವರಿಗೆ ಅನ್ನಿಸಿತು, ಇದನ್ನೇ ಏಕೆ ಸಿನಿಮಾದ ಹೆಸರಾಗಿ ಇಡಬಾರದೆಂದು. ಉಪೇಂದ್ರ ಐಡಿಯಾವನ್ನು ರಾಜ್‌ಕುಮಾರ್, ವರದಣ್ಣ, ಪಾರ್ವತಮ್ಮ ರಾಜ್‌ಕುಮಾರ್ ಸಹ ಒಪ್ಪಿದರು.

ರಾಜ್‌ಕುಮಾರ್ ಬರೆದ ರೀತಿಯನ್ನೇ ಬಳಸಿಕೊಂಡರು

ರಾಜ್‌ ಕುಮಾರ್ ಅವರು ಹೇಗೆ 'ಓಂ' ಬರೆದಿದ್ದರೋ ಅದೇ ರೀತಿಯಲ್ಲಿ, ಅದೇ ಫಾಂಟ್‌ನಲ್ಲಿಯೇ ಸಿನಿಮಾದ ಹೆಸರು ಮುದ್ರಿತವಾಗಿದೆ ಎನ್ನಲಾಗುತ್ತದೆ. ಈ ಸಿನಿಮಾದ ಹೆಸರು ಜನರನ್ನು ಸಿನಿಮಾದತ್ತ ಆಕರ್ಷಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿತ್ತು.