ರಾಕಿಂಗ್ ಸ್ಟಾರ್ ಯಶ್ ಮಗನ ಮೊದಲ ವರ್ಷದ ಹುಟ್ಟುಹಬ್ಬದ ಪ್ಲಾನ್ ಏನು?

ಆಪ್ತರಿಗೆ ಮಾತ್ರ ಆಹ್ವಾನ

ಸಾಮಾಜಿಕ ಅಂತರ, ಹೆಚ್ಚು ಜನರನ್ನು ಸೇರದಂತೆ ಎಲ್ಲವನ್ನು ಗಮನದಲ್ಲಿ ಇಟ್ಟುಕೊಂಡು ಮಗನ ಹುಟ್ಟುಹಬ್ಬದ ತಯಾರಿ ಮಾಡಿದ್ದಾರಂತೆ. ಕೇವಲ ಹತ್ತಿರದವರಿಗೆ ಮಾತ್ರ ಮಗನ ಹುಟ್ಟುಹಬ್ಬಕ್ಕೆ ಆಹ್ವಾನ ಮಾಡಿದ್ದಾರಂತೆ. ಚಿತ್ರರಂಗದವರು, ಸ್ನೇಹಿತರು ಮತ್ತು ಕುಟುಂಬದವರು ಸೇರಿದಂತೆ ತೀರಾ ಆಪ್ತರು ಮಾತ್ರ ಭಾಗಿಯಾಗುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.

ಮನೆಯಲ್ಲೇ ಹುಟ್ಟುಹಬ್ಬ ಆಚರಣೆ

ಮನೆಯಲ್ಲೇ ಹುಟ್ಟುಹಬ್ಬ ಆಚರಿಸಲು ಯೋಚಿಸಿದ್ದಾರಂತೆ. ಬಟ್ಟೆ, ಗಿಫ್ಟ್, ಊಟದ ವ್ಯವಸ್ಥೆ ಪ್ರತಿಯೊಂದನ್ನು ಖುದ್ದು ಯಶ್ ಅವರೇ ಮುಂದೆ ನಿಂತು ಸಿದ್ಧತೆ ಮಾಡಿಕೊಂಡಿದ್ದಾರೆ.

ಮಗಳ ಹುಟ್ಟುಹಬ್ಬ ಆದ್ದೂರಿಯಾಗಿ ಆಚರಿಸಿದ್ದರು

ಅಂದ್ಹಾಗೆ ಕಳೆದ ವರ್ಷ ಮಗಳು ಐರಾ ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಆಚರಣೆ ಮಾಡಿದ್ದರು. ಇಡೀ ಚಿತ್ರರಂಗವನ್ನು ಕರೆದು ಸಂಭ್ರಮಿಸಿದ್ದರು. ಆದರೆ ಮಗನ ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಸೆಲೆಬ್ರೇಟ್ ಮಾಡಲು ಕೊರೊನಾ ವೈರಸ್ ಅಡ್ಡಿ ಪಡಿಸುತ್ತಿದೆ.

Recommended Video

K Kalyan ಜೀವನದಲ್ಲಿ ಕಲಹ ಎಬ್ಬಿಸಿದ್ದ Ganga Kulkarni ಆತ್ಮಹತ್ಯೆ | Filmibeat Kannada

ಇತ್ತೀಚಿಗಷ್ಟೆ ನಾಮಕರಣ ಮಾಡಿದ್ದರು

ಇತ್ತೀಚಿಗಷ್ಟೆ ಯಶ್ ಮತ್ತು ರಾಧಿಕಾ ಮಗನ ನಾಮಕರಣವನ್ನು ಸರಳವಾಗಿ ಶಾಸ್ತ್ರೋಕ್ತವಾಗಿ ಮಾಡಿದ್ದರು. ತೀರ ಆಪ್ತರನ್ನು ಮಾತ್ರ ಆಹ್ವಾನಿಸಿದ್ದರು. ನಾಮಕರಣದ ಫೋಟೋಗಳು ಮತ್ತು ವಿಡಿಯೋವನ್ನು ರಾಕಿಂಗ್ ದಂಪತಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಯಥರ್ವ್ ಯಶ್ ನಾಮಕರಣದ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.