Don't Miss!
- News Lok Sabha election: ಬೆಂಗಳೂರಿನಲ್ಲಿ ಒಂದು ಕೋಟಿ ದಾಟಿದ ಮತದಾರರ ಸಂಖ್ಯೆ
- Lifestyle ವೋಟರ್ ಐಡಿ ಇಲ್ಲದೆಯೂ ಮತ ಚಲಾಯಿಸಬಹುದು.! ಹೇಗೆ ಗೊತ್ತಾ?
- Technology SmartGlass: ಮೆಟಾ ರೇ-ಬ್ಯಾನ್ ಸ್ಮಾರ್ಟ್ ಗ್ಲಾಸ್ ಬಳಕೆದಾರರು ಇನ್ಮುಂದೆ ವಿಡಿಯೋ ಕಾಲ್ ಮಾಡಬಹುದು!
- Automobiles ಕ್ರ್ಯಾಶ್ ಟೆಸ್ಟ್ನಲ್ಲಿ ಕಳಪೆ ಪ್ರದರ್ಶನ ನೀಡಿ ನಿರಾಸೆ ಮೂಡಿಸಿದ ಮಧ್ಯಮ ವರ್ಗದ ಮೆಚ್ಚಿನ ಸ್ವದೇಶಿ ಕಾರು
- Sports 2025ರ ಚಾಂಪಿಯನ್ಸ್ ಟ್ರೋಫಿಗಾಗಿ ಭಾರತ ತಂಡ ಪಾಕಿಸ್ತಾನಕ್ಕೆ ಪ್ರಯಾಣಿಸಲಿದೆಯೇ?; ಬಿಸಿಸಿಐ ಹೇಳಿದ್ದೇನು?
- Finance ಬೆಂಗಳೂರಿನಲ್ಲಿ ಈ ಮೂರು ದಿನಗಳ ಕಾಲ ಮದ್ಯ ಮಾರಾಟ ನಿಷೇಧ, ದಿನಾಂಕ, ಸಮಯ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಗಾಂಧರ್ವ ವಿವಾಹದ ಆ ಹೊತ್ತು ಅಲ್ಲಿ ರಾತ್ರಿಯಾಗಲಿಲ್ಲ
ಬೆಂಗಳೂರು : ಅದು ರಾತ್ರಿ ಅನ್ನುವುದನ್ನು ಅಲ್ಲಿದ್ದ ಯಾರೂ ಲೆಕ್ಕಕ್ಕಿಟ್ಟಂತಿರಲಿಲ್ಲ . ಅಸಲಿಗೆ ಅಲ್ಲಿ ರಾತ್ರಿಯ ಯಾವ ಲಕ್ಷಣಗಳೂ ಇರಲಿಲ್ಲ . ಪೈಪೋಟಿಯ ಮೇಲೆ ಬೆಳಕು ಕಾರುತ್ತಿದ್ದ ಸಹಸ್ರಾರು ಬಣ್ಣದ ದೀಪಗಳು ಕತ್ತಲನ್ನು ಬಚ್ಚಿಟ್ಟು , ಹಗಲಿಗೆ ಸೆಡ್ಡು ಹೊಡೆದಿದ್ದವು.
ಗೋಲ್ಡನ್ ಪಾಮ್ಸ್ ರೆಸಾರ್ಟ್ ತುಂಬಾ ಸಂಭ್ರಮದ ಗಮಲು. ಅವರು ಹಾಡಿದರು. ಮತ್ತಷ್ಟು ಜನ ಮೈ ಮರೆತು ಕುಣಿದರು. ಆ ಹೊತ್ತಿಗೆ ಮಂಗಳವಾರದ ರಾತ್ರಿ ಅನ್ನುವ ಹೊತ್ತು ತಂತಾನೆ ಸರಿದು ಹೋಗಿತ್ತು . ಈ ನಡುವೆ ಇಷ್ಟೂ ಸಂಭ್ರಮಕ್ಕೆ ಕಾರಣರಾದ ಹೃತಿಕ್ ಹಾಗೂ ಸೂಸನ್ ಖಾನ್ ಪರಸ್ಪರ ಉಂಗುರ ಬದಲಿಸಿಕೊಂಡಿದ್ದರು.
ಗ್ರೇ ಸೂಟ್, ತಿಳಿ ನೀಲಿ ಷರಾಯಿ, ಮತ್ತು ಬೂದು ಬಣ್ಣದ ಕೊರಳಪಟ್ಟಿಯಲ್ಲಿ ಮದುಮಗ ಸಿಂಗರಗೊಂಡಿದ್ದ. ಮದುಮಗಳು ಆ ಸಂದರ್ಭಕ್ಕೆಂದೇ ವಿಶೇಷವಾಗಿ ಸಿದ್ಧಪಡಿಸಿದ್ದ, ವಜ್ರಗಳನ್ನು ಪೋಣಿಸಿದ್ದ ಚರ್ಮದ ಬಣ್ಣದ ಘಾಗ್ರಾ- ಚೋಲಿಯಲ್ಲಿ ಅಲಂಕೃತವಾಗಿದ್ದಳು. ಸಮಾರಂಭದ ಮುಖ್ಯ ಆಕರ್ಷಣೆ ಸಂಜೆಯ ಸಂಗೀತ ಧಾರೆ. ಕಹೋನ ಪ್ಯಾರ್ ಹೈ ಚಿತ್ರದ ಹಾಡಿಗೆ ಮದುಮಗ ಹೃತಿಕ್ನೇ ಹೆಜ್ಜೆ ಹಾಕಿದ್ದು ವಿಶೇಷ. ಜೊತೆಗೆ ನವವಧು ಸೂಸನ್ ಇದ್ದೇ ಇದ್ದಳು.
ಹಾಡುಗಾರ ಸುಖ್ಬೀರ್ ಸಿಂಗ್, ನೃತ್ಯ ಚತುರ ಚಿಂಕಿ ಪಾಂಡೆ, ರಾಕೇಶ್ ರೋಷನ್, ಸಂಜಯ್ ಖಾನ್, ಫಿರೋಜ್ ಖಾನ್, ರಿಷಿ ಕಪೂರ್, ಪ್ರಾಣ್, ಪ್ರೇಮ್ ಚೋಪ್ರಾ, ಜಿತೇಂದ್ರ, ಹಿರಿಯ ಕಾಂಗ್ರೆಸ್ಸಿಗ ಗುಲಾಂ ನಬಿ ಅಜಾದ್ ಮುಂತಾದವರು ಸಂಭ್ರಮದ ಸಮಾರಂಭಕ್ಕೆ ಸಾಕ್ಷಿಯಾಗಿದ್ದರು. ನೃತ್ಯಸಂಜೆಯನ್ನು ಮತ್ತಷ್ಟು ಮೋಹಕಗೊಳಿಸಿದ್ದು ಡಿಂಪಲ್ ಕಪಾಡಿಯಾ.
ಅತಿಥಿಗಳಿಗಾಗಿ ಬಾಣಸಿಗರು ವಿಶೇಷವಾಗಿ ಭಾರತೀಯ, ಚೈನೀಸ್ ಮುಂತಾದ ಖಾದ್ಯಗಳನ್ನು ಸಿದ್ಧಪಡಿಸಿದ್ದರು. ಉಳಿದಂತೆ ಬಗೆಬಗೆ ಪಾನೀಯಗಳು ಅದ್ದೂರಿತನಕ್ಕೆ ತಕ್ಕನಾಗಿಯೇ