ಚೆನ್ನೈನಲ್ಲಿರುವ ಹುಚ್ಚವೆಂಕಟ್ ಮುನಿರತ್ನ ಬಗ್ಗೆ ಹೇಳಲೇಬೇಕು ಎಂದು ಹೇಳಿದ್ದೇನು?

ನಾನು ಯಾರನ್ನು ತುಳಿದಿಲ್ಲ

''ಒಳ್ಳೆಯ ಸಿನಿಮಾ ಬಂದ್ರೆ ನಾನು ಯಾವತ್ತು ಜೊತೆಯಲ್ಲಿರುತ್ತೇನೆ. ಸಿನಿಮಾ ಇಂಡಸ್ಟ್ರಿಯಲ್ಲಿ ನಾನು ಯಾರನ್ನು ತುಳಿದಿಲ್ಲ. ತುಳಿಯುವ ಅವಶ್ಯಕತೆಯೂ ನನಗಿಲ್ಲ. ಅದೇ ರೀತಿ ನನ್ನ ಸ್ಥಾನವನ್ನ ಕಿತ್ತುಕೊಳ್ಳುವುದಕ್ಕೂ ಯಾರಿಂದಲೂ ಆಗಲ್ಲ, ನನ್ನ ಸ್ಥಾನ ಪಡೆಯುವುದಕ್ಕೂ ಆಗಲ್ಲ'' ಎಂದು ಮಾತು ಆರಂಭಿಸಿದ ಹುಚ್ಚ ವೆಂಕಟ್ ಇದ್ದಕ್ಕಿದ್ದಂತೆ ಮುನಿರತ್ನ ಬಗ್ಗೆ ನೆನಪಿಸಿಕೊಂಡರು.

ಮುನಿರತ್ನ ಅವರಿಗೆ ಆಲ್ ದಿ ಬೆಸ್ಟ್

''ಮುನಿರತ್ನ ಮತ್ತು ನನ್ನ ನಡುವೆ ಗಲಾಟೆ ಆಗಿತ್ತು. ಅವರು ನನಗೆ ಹಿರಿಯರು. ನಾನು ಚಿಕ್ಕ ಮಗು ಇದ್ದಂತೆ. ಅದನ್ನ ಮನಸ್ಸಿನಲ್ಲಿ ಇಟ್ಟುಕೊಳ್ಳಬೇಡಿ. ಕೋಪದಲ್ಲಿ ಎರಡು ಮಾತು ಆಡಿದ್ದೆ. ಈಗ ಕುರುಕ್ಷೇತ್ರ ಸಿನಿಮಾ ಮಾಡಿದ್ದಾರೆ. ಚೆನ್ನಾಗಿ ಆಗಲಿ. ಸಿನಿಮಾ ಇನ್ನು ನೋಡಿಲ್ಲ'' ಎಂದು ಕುರುಕ್ಷೇತ್ರ ಸಿನಿಮಾ ಮಾಡಿರುವ ಬಗ್ಗೆ ಮಾತನಾಡಿದರು.

ಕೊನೆಯದಾಗಿ ನಾನು ನೋಡಿದ ಚಿತ್ರ

''ನಾನು ಕೊನೆಯದಾಗಿ ವಿಷ್ಣುವರ್ಧನ್ ಅವರ ಆಪ್ತರಕ್ಷಕ ಸಿನಿಮಾ ನೋಡಿದ್ದೆ. ಅದಾದ ಮೇಲೆ ಕನ್ನಡ ಸಿನಿಮಾ ನೋಡಿಲ್ಲ. ಹಾಗಂತ ನಾನು ಯಾರಿಗೂ ಪ್ರೋತ್ಸಾಹ ಕೊಟ್ಟಿಲ್ಲ ಅಂದುಕೊಳ್ಳಬೇಡಿ. ಸಿನಿಮಾದ ಹೆಸರಲ್ಲಿ ತಾಯಿ ಕಣ್ಣಲ್ಲಿ ನೀರು ಬಂತು ಅಂದ್ರೆ ಹುಚ್ಚ ವೆಂಕಟ್ ರಾಕ್ಷಸ ಆಗ್ತಾನೆ'' ಎಂದು ವೆಂಕಟ್ ಹೇಳಿಕೊಂಡಿದ್ದಾರೆ.

ಚುನಾವಣೆ ವೇಳೆ ಗಲಾಟೆ ಆಗಿತ್ತು

ಕಳೆದ ವಿಧಾನಸಭೆ ಚುನಾವಣೆ ವೇಳೆ ರಾಜರಾಜೇಶ್ವರಿ ನಗರ ವಿಧಾನಸಭೆ ಕ್ಷೇತ್ರದಲ್ಲಿ ಹುಚ್ಚ ವೆಂಕಟ್ ಮತ್ತು ಮುನಿರತ್ನ ಇಬ್ಬರೂ ಸ್ಪರ್ಧಿಸಿದ್ದರು. ಮುನಿರತ್ನ ಕಾಂಗ್ರೆಸ್ ಪಕ್ಷದಿಂದ ಮತ್ತು ಹುಚ್ಚ ವೆಂಕಟ್ ಸ್ವತಂತ್ರ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದರು. ಅದಕ್ಕು ಮುಂಚೆ ಮುನಿರತ್ನ ಅವರು ಮನೆಗಳಿಗೆ ಕುಕ್ಕರ್ ಕೊಡ್ತಿದ್ದಾರೆ ಎಂದು ಬಹಿರಂಗವಾಗಿ ವೆಂಕಟ್ ಆರೋಪಿಸಿದ್ದರು. ಇದಾದ ಬಳಿಕವೇ ಮುನಿರತ್ನ ವಿರುದ್ಧ ನಾನೂ ಸ್ಪರ್ಧೆ ಮಾಡ್ತೀನಿ ಅಂತ ಚುನಾವಣೆಗೆ ನಿಂತರು.