ವಸಿಷ್ಠ ಸಿಂಹ ಹೊಸ ಸಿನಿಮಾಕ್ಕೆ ಕೋಟಿ ಬಜೆಟ್‌ನ ಮನೆ ನಿರ್ಮಾಣ! ಅಂಥಹದ್ದೇನಿದೆ ಮನೆಯಲ್ಲಿ?

'ಕೆಜಿಎಫ್ 2' ಚಿತ್ರೀಕರಣವೂ ನಡೆದಿತ್ತು

ಉಡುಪಿಯ ಮಲ್ಪೆ ಸಮೀಪ ಇರುವ ಪಡುಕೆರೆ ಬೀಚ್‌ಗೆ, ಫಾರಿನ್ ಲೊಕೇಶನ್‌ನ ಫೀಲ್ ಇದೆ. ಈಗಾಗಲೇ ಕೆಜಿಎಫ್ 2 ಚಿತ್ರತಂಡ ಇಲ್ಲಿನ ಒಂದು ಅದ್ಭುತ ಸೀಕ್ವೆನ್ಸ್ ತೋರಿಸಿದೆ. ಸಮುದ್ರಕ್ಕೆ ಮುಖ ಮಾಡಿ ಅದ್ದೂರಿ ಸೆಟ್ಟ್ ಹಾಕಿರುವುದರಿಂದ, ಕ್ಯಾಮೆರಾ ಫ್ರೇಮ್ ನೊಳಗೆ ಯಾವುದೋ ವಿದೇಶದ ಲೊಕೇಶನ್ ತರ ಈ ಸ್ಥಳ ಕಾಣುತ್ತೆ.

ಬೀಚ್‌ಗೆ ಹತ್ತಿರದಲ್ಲೇ ಹಾಕಲಾಗಿದೆ ಸೆಟ್

ಐದಾರು ಅಡಿ ಆಳಕ್ಕೆ ಹೋದರೆ ನೀರು ಸಿಗೋ ಜಾಗದಲ್ಲಿ ಹರಸಾಹಸ ಪಟ್ಟು ಪಿಲ್ಲರ್ ಮೇಲೆ ಯಥಾವತ್ ಮನೆಯಲ್ಲೇ ನಿರ್ಮಿಸಲಾಗಿದೆ. ಕಳೆದ ಕೆಲವು ದಿನಗಳಿಂದ ಮಳೆ ಗಾಳಿ ಬರುತ್ತಿರುವುದರಿಂದ ಚಿತ್ರತಂಡ ಹರಸಹಸಪಟ್ಟು ಶೂಟಿಂಗ್‌ನಲ್ಲಿ ನಿರತವಾಗಿದೆ. ಬೆಳಗಿನ ಜಾವ ಮೂರು ಗಂಟೆವರೆಗೂ ಶೂಟಿಂಗ್ ನಡೆಯುವುದುಂಟು, ಹಾಗಾಗಿ ಈ ಯಪ್ಪನ ಜೊತೆ ಸಾಕಾಯ್ತಪ್ಪ. ಎಂದು ವಶಿಷ್ಠ ಸಿಂಹ ನಿರ್ದೇಶಕ ಚೇತನ್ ಕೇಶವ್ ಅವರ ಬಗ್ಗೆ ಪ್ರೀತಿಯಿಂದಲೇ ದೂರಿದ್ದಾರೆ.

ಶೂಟಿಂಗ್ ಲೊಕೇಶನ್‌ಗೆ ಬಂದಿದ್ದ ಹರಿಪ್ರಿಯಾ

ಸಕ್ಕತ್ ಲವ್ ಮೂಡ್‌ನಲ್ಲೆ ವಸಿಷ್ಟ ಸಿಂಹ 'ಲವ್ಲಿ' ಚಿತ್ರದ ಶೂಟಿಂಗ್‌ನಲ್ಲಿ ತೊಡಗಿಸಿಕೊಂಡಿದ್ದಾರೆ. ಕೆಲ ದಿನಗಳ ಹಿಂದೆ ನಿಶ್ಚಿತಾರ್ಥ ಮಾಡಿಕೊಂಡರೂ, ಗೆಳತಿ ಹರಿಪ್ರಿಯಾ ಜೊತೆ ಇವರಿಗೆ ಸಮಯ ಕಳೆಯಲು ಸಾಧ್ಯವಾಗಿಲ್ಲವಂತೆ. ಹಾಗಾಗಿ ಸ್ವತಃ ಹರಿಪ್ರಿಯಾನೇ ಶೂಟಿಂಗ್ ಸೆಟ್‌ಗೆ ಬಂದು ಸರ್ಪ್ರೈಸ್ ಕೊಟ್ಟಿದ್ದಾರೆ. ಸ್ಯಾಂಡಲ್‌ವುಡ್‌ನ ಈ ಪ್ರೇಮಿಗಳು ಕಡಲ ತೀರದ ಬೀಚ್, ಮಠ, ಮಂಗಳೂರು ಅಂತ ಬಹಳಷ್ಟು ಸುತ್ತಾಡಿದ್ದಾರೆ. ಎರಡು ದಿನಗಳ ಹಿಂದಷ್ಟೇ ಮಂಗಳೂರಿನ ಸ್ಟುಡಿಯೋ ಒಂದರಲ್ಲಿ ಜೊತೆಯಾಗಿ ಡ್ಯುಯೆಟ್ ಹಾಡೊಂದನ್ನು ಹಾಡಿದ್ದಾರೆ. ಈ ಎಲ್ಲಾ ಬೆಳವಣಿಗೆ ವಸಿಷ್ಠ ಸಿಂಹಗೆ ಸಖತ್ ಥ್ರಿಲ್ ಕೊಟ್ಟಂತಿದೆ.

ಲಂಡನ್‌ಗೆ ಶಿಫ್ಟ್ ಆಗಲಿದೆ ತಂಡ

ಇನ್ನು ನಾಲ್ಕೈದು ದಿನ ಪಡುಕೆರೆಯಲ್ಲಿ ಶೂಟಿಂಗ್ ನಡೆಯಲಿದೆ, ನಂತರ ಕೆಲ ದಿನಗಳ ಕಾಲ ಚಿತ್ರತಂಡ ಲಂಡನ್‌ಗೆ ಶಿಫ್ಟ್ ಆಗಲಿದೆ. ಸದ್ಯ ಸ್ಯಾಂಡಲ್‌ವುಡ್‌ನ ಲವರ್ ಬಾಯ್ ವಸಿಷ್ಠ ಸಿಂಹ 'ಲವ್ಲಿ' ಚಿತ್ರದ ಮೂಲಕ ನಾಯಕ ನಟನಾಗಿ ಮುದು ಕೊಡಲು ಸಿದ್ಧರಾಗಿದ್ದಾರೆ. ಸಿನಿಮಾದಲ್ಲಿ ಯಶಸ್ಸಿನ ಮೇಲೆ ಯಶಸ್ಸು ಕಾಣುತ್ತಿರುವ ವಸಿಷ್ಠ ಸಿಂಹ ಕೆಲವೇ ದಿನಗಳಲ್ಲಿ ಮದುವೆ ಸಹ ಆಗಲಿದ್ದಾರೆ.