twitter
    For Quick Alerts
    ALLOW NOTIFICATIONS  
    For Daily Alerts

    ಬಿಗ್ ಶಾಕ್: ಮಂಗಳೂರಿನಲ್ಲಿ ಐಶ್ವರ್ಯ ರೈಗೊಬ್ಬ ಮಗ ಇದ್ದಾನಂತೆ.!

    By ಕಿರಣ್
    |

    Recommended Video

    ಬಿಗ್ ಶಾಕ್ : ಐಶ್ವರ್ಯಾ ರೈ ನನ್ನಮ್ಮ ಅಂತ ಹೇಳ್ತಿದ್ದಾನೆ ಈ 29 ವರ್ಷದ ಸಂಗೀತ್ ಕುಮಾರ್ ರೈ | Filmibeat Kannada

    ''ನಾನು ಬಾಲಿವುಡ್ ತಾರೆ ಐಶ್ವರ್ಯ ರೈ ಅವರ ಮಗ''.....ಈ ಸುದ್ದಿ ಕೇಳಿ ಒಂದು ಕ್ಷಣ ನಮಗೂ ಅಚ್ಚರಿ ಆಯ್ತು. ಬಾಲಿವುಡ್ ನಟಿ ಹಾಗೂ ಮಾಜಿ ವಿಶ್ವ ಸುಂದರಿ ಐಶ್ವರ್ಯ ರೈ ಮತ್ತು ಅಭಿಷೇಕ್ ಬಚ್ಚನ್ ಅವರಿಗೆ ಮದುವೆ 10 ವರ್ಷ ಆಗಿದೆ. ಇವರಿಬ್ಬರಿಗೆ ಒಂದು ಮುದ್ದಾದ ಹೆಣ್ಣು ಮಗಳಿದ್ದಾಳೆ. ಆ ಮಗು ಹೆಸರು ಆರಾಧ್ಯ.

    ಹೀಗಿರುವಾಗ, ಮಗ ಎಲ್ಲಿಂದ ಬಂದ ಎಂಬ ಕುತೂಹಲ ಶುರುವಾಯ್ತು. ಆದ್ರೆ, ಇಲ್ಲೊಬ್ಬ ಯುವಕ ''ನಾನು ವಿಶ್ವ ಸುಂದರಿ, ಬಾಲಿವುಡ್ ತಾರೆ ಐಶ್ವರ್ಯ ರೈ ಅವರ ಮಗ ಪ್ಲೀಸ್ ಇದನ್ನು ನಂಬಿ ಎಂದು ಹೇಳಿಕೊಂಡು ಮಂಗಳೂರಿನಲ್ಲಿ ಸಂಚಲನ ಮೂಡಿಸಿದ್ದಾನೆ.

    ಹೌದು, ಆಂದ್ರದ ವಿಶಾಖಪಟ್ಟಣಂ ಮೂಲದ 29 ವರ್ಷದ ಯುವಕ ತಾನು ವಿಶ್ವ ಸುಂದರಿಯಾಗಿದ್ದ ಬಾಲಿವುಡ್ ಸ್ಟಾರ್ ನಟಿ ಐಶ್ವರ್ಯಾ ರೈ ಅವರ ಮಗನೆಂದು ಹೇಳಿಕೊಂಡು ಹೊಸ ಬಾಂಬ್ ಸಿಡಿಸಿದ್ದಾನೆ. ಈತನ ಬಗ್ಗೆ ಹೆಚ್ಚಿನ ಮಾಹಿತಿ ಮುಂದೆ ಓದಿ....

    ಹೆಸರು ಸಂಗೀತ್ ಕುಮಾರ್

    ಹೆಸರು ಸಂಗೀತ್ ಕುಮಾರ್

    ಸಂಗೀತ್ ಕುಮಾರ್ ರೈ ಹೆಸರಿನ ಈ ಯುವಕ ಮಂಗಳೂರಿಗೆ ಬಂದು ಮಾಧ್ಯಮಗಳ ಎದುರು ಈ ಹೇಳಿಕೆ ನೀಡಿದ್ದಾನೆ. ಈತ ಹೇಳುವ ಪ್ರಕಾರ 1988ರಲ್ಲಿ ಇತನ ಜನನವಾಗಿದ್ದು, ಐಶ್ವರ್ಯ‌ ಕೃಷ್ಣರಾಜ ರೈ ತನ್ನ ತಾಯಿ ಎಂದು ಹೇಳುತ್ತಿದ್ದಾನೆ. ಐಶ್ವರ್ಯ ರೈಯ ಇಡೀ ಕುಟುಂಬ ಬಗ್ಗೆ ಹಾಗೂ ಐಶ್ವರ್ಯ ರೈ ಯಾವ ವರ್ಷದಲ್ಲಿ ಸಿನೆಮಾ ಕ್ಷೇತ್ರಕ್ಕೆ ಕಾಲಿಟ್ಟರು ಮತ್ತು ಆಕೆ ನಟಿಸಿದ ಚಿತ್ರಗಳ ಬಗ್ಗೆಯೂ ಈತ ಮಾಹಿತಿ ಹೊಂದಿದ್ದಾನೆ.

    ತಂದೆಯ ಬಗ್ಗೆ ಮಾಹಿತಿ

    ತಂದೆಯ ಬಗ್ಗೆ ಮಾಹಿತಿ

    ತನ್ನ ತಂದೆ ವಿಶಾಖಪಟ್ಟಣ ಮೂಲದ ಮವುಲು ಆದಿರೆಡ್ಡಿಯಾಗಿದ್ದು, ಐಶ್ವರ್ಯಾ ರೈ ಹಾಗೂ ತನ್ನ ತಂದೆ ಐ ವಿ ಎಫ್ ಟೆಸ್ಟ್ ಟ್ಯೂಬ್ ಮೂಲಕ ಮಗು ಪಡೆದಿದ್ದರು. ಪದ್ಮಜಾ ಅವರು ನನ್ನ ಮಲತಾಯಿಯಾಗಿದ್ದಾರೆ. ನನ್ನ ಜನನ ಲಂಡನ್ ನಲ್ಲಿ ಆಗಿದೆ. ತನ್ನ ತಾಯಿ ಐಶ್ವರ್ಯ ರೈ ಇದೀಗ ಅಭಿಷೇಕ್ ಬಚ್ಚನ್ ಅನ್ನು ಮದುವೆಯಾಗಿದ್ದು, ಆರಾಧ್ಯ ಕೂಡಾ ಐವಿಎಫ್ ಮೆಥಡ್ ಮೂಲಕವೇ ಹುಟ್ಟಿದ್ದಾಳೆ ಎಂದು ಹೇಳಿಕೊಂಡಿದ್ದಾನೆ.

    ಐಶ್ವರ್ಯ ರೈ ಕುಟುಂದ ಜೊತೆಯಲ್ಲಿ ಇದ್ದೆ

    ಐಶ್ವರ್ಯ ರೈ ಕುಟುಂದ ಜೊತೆಯಲ್ಲಿ ಇದ್ದೆ

    ತಾನು ಹುಟ್ಟಿದ ಆರಂಭದ ಎರಡು ವರ್ಷ ಐಶ್ವರ್ಯಾ ಕುಟುಂಬದ ಜೊತೆಗಿದ್ದೆ. ಆನಂತರ ಸುರಕ್ಷತೆಯ ದೃಷ್ಠಿಯಿಂದ ತನ್ನನ್ನು ತಂದೆ ವಿಶಾಖಪಟ್ಟಣಂಗೆ ತಂದು ಸಾಕಿದರು ಅಂತ ಹೇಳುತ್ತಾನೆ ಸಂಗೀತ್ ಕುಮಾರ್. ತಾನು ಆಕೆಯ ಮಗನೆಂದು ಹೇಳಿಕೊಳ್ಳಲು ಯಾವುದೇ ದಾಖಲೆ ತನ್ನಲ್ಲಿ ಇಲ್ಲ. ಎಲ್ಲಾ ದಾಖಲೆಗಳು ಐಶ್ವರ್ಯಾ ರೈ ತಾಯಿಯ ಬಳಿಯಿದೆ. ಐಶ್ವರ್ಯಾ ರೈ ಕುಟುಂಬಸ್ಥರು ನನ್ನನ್ನು ನೋಡಿದರೆ ಒಪ್ಪಿಕೊಳ್ಳುತ್ತಾರೆ ಎಂದು ಹೇಳುತ್ತಾನೆ.

    ಇದು ನಿಜವೋ, ಸುಳ್ಳೋ?

    ಇದು ನಿಜವೋ, ಸುಳ್ಳೋ?

    ಚೆನ್ನೈ ಯಲ್ಲಿ ಸೌಂಡ್ ಇಂಜಿನಿಯರ್ ಆಗಿದ್ದೇನೆ ಅಂತಾ ಹೇಳಿಕೊಂಡಿರುವ ಈತ ತನಗೆ ಬಚ್ಚನ್ ಕುಟುಂಬ ಇಷ್ಟವಿಲ್ಲ. ಅಭಿಷೇಕ್ ಬಚ್ಚನ್ ತನ್ನ ತಾಯಿಯ ಜತೆ ಇರೋದು ಇಷ್ಟವಿಲ್ಲ. ತಾನು ತಾಯಿ ಬಳಿ ಹೋಗಬೇಕಿದ್ದು, ತಾಯಿ ಐಶ್ವರ್ಯ ರೈ ಜತೆಯೇ ಇರಬೇಕೆಂದಿದ್ದೇನೆ ಎಂದು ಹೇಳಿಕೆ ನೀಡಿದ್ದಾನೆ. ಇದು ಎಷ್ಟರ ಮಟ್ಟಿಗೆ ನಿಜವೋ ಸುಳ್ಳೋ ಗೊತ್ತಿಲ್ಲ. ಆದ್ರೆ, ಈ ಸುದ್ದಿ ಮಾತ್ರ ಈಗ ದೊಡ್ಡ ಸಂಚಲನ ಸೃಷ್ಠಿ ಮಾಡಿದೆ.

    English summary
    Young boy creates panic by saying I am the son of actress Aishwarya Rai. The young boy is named as Sangeeth Kumar. His statement has created panic here in Mangaluru.
    Saturday, December 30, 2017, 11:04
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X