ತಪ್ಪು ಮಾಡಿಲ್ಲ, ಕ್ಷಮೆ ಕೇಳಲ್ಲ.. ವೇಸ್ಟ್ ಪ್ರಶ್ನೆಗೆ ಉತ್ತರ ಕೊಡಲ್ಲ ಎಂದ ಶ್ರುತಿ ಹರಿಹರನ್.!

ಸಮಾಜ ಕೆಳಗೆ ಬಂದಿದೆ

''ನಮ್ಮ ಸಮಾಜ ಇವತ್ತು ಹೇಗಾಗಿದೆ ಅಂದ್ರೆ, ಹೆಣ್ಣಿಗೆ ಯಾವುದಾದರೂ ತಪ್ಪಾದರೆ, ಅವಳೇ ತಪ್ಪಾಗುತ್ತಾಳೆ. ಅಷ್ಟು ಕೆಳಗೆ ಬಂದಿದೆ ನಮ್ಮ ಸಮಾಜ. ಎರಡು ದಿನ ಮುಂಚೆ ಕವಿತಾ ಲಂಕೇಶ್ ಹಾಗೂ ಮುನಿರತ್ನ ಫೋನ್ ಮಾಡಿ ಫಿಲ್ಮ್ ಚೇಂಬರ್ ನಲ್ಲಿ ಮೀಟೀಂಗ್ ಅರೇಂಜ್ ಮಾಡುತ್ತಿದ್ದೇವೆ ಅಂತ ಹೇಳಿದರು. ಅದಕ್ಕೆ ಇವತ್ತು ಬಂದೆ'' - ಶ್ರುತಿ ಹರಿಹರನ್, ನಟಿ

ಅಂಬರೀಶ್ ನಿರ್ಧಾರಕ್ಕೆ ಕಾಯುವೆ

''ಅರ್ಜುನ್ ಸರ್ಜಾ ಲೀಗಲ್ ಆಗಿ ಹೋಗುವವರೆಗೂ ನಾನು ಹೋಗಲ್ಲ ಅಂತ ಹೇಳಿದ್ದೆ. ಹೀಗಾಗಿ ನಾನು ದೂರು ಕೊಡಲಿಲ್ಲ. ಯಾಕಂದ್ರೆ, ನಾನು ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಗೆ ಗೌರವ ಕೊಡುವೆ. ನಾಳೆ ಬೆಳಗ್ಗೆ ಹೊತ್ತಿಗೆ ಅಂಬರೀಶ್ ಹೇಳ್ತಾರೆ ನಿರ್ಧಾರ ಏನು ಅಂತ... ಅದಕ್ಕಾಗಿ ನಾನು ಕಾಯುವೆ'' - ಶ್ರುತಿ ಹರಿಹರನ್, ನಟಿ

ಆಶ್ಚರ್ಯ ಆಗಿದೆ

''ಅರ್ಜುನ್ ಸರ್ಜಾ ಅವರು ನನ್ನ ವಿರುದ್ಧ ಎರಡು ಕೇಸ್ ಹಾಕಿದ್ದಾರೆ ಎಂಬ ಸುದ್ದಿ ಬಂತು. ನನಗೆ ಆಶ್ಚರ್ಯ ಆಗಿದೆ. I'm glad that he wants to fight it in court. ಆದರೂ, ಫಿಲ್ಮ್ ಚೇಂಬರ್ ಗೆ ಗೌರವ ಕೊಟ್ಟು ನಾಳೆ ಬೆಳಗ್ಗೆವರೆಗೂ ಕಾಯುವೆ'' - ಶ್ರುತಿ ಹರಿಹರನ್, ನಟಿ

ಕ್ಷಮೆ ಕೇಳಲ್ಲ

''ಖಂಡಿತ ನಾನು ತಪ್ಪು ಮಾಡಿಲ್ಲ. ಕ್ಷಮೆ ಕೇಳಲ್ಲ. ಯಾಕೆ ಒಂದು ಹೆಣ್ಣನ್ನ ನಾವು ಈ ರೀತಿ ಟ್ರೀಟ್ ಮಾಡ್ತೀವಿ.? ನನಗೆ ಪ್ರಾಬ್ಲಂ ಆಗಿದೆ. ನಾನು ಯಾಕೆ ಕ್ಷಮೆ ಕೇಳಬೇಕು.?'' - ಶ್ರುತಿ ಹರಿಹರನ್, ನಟಿ