ಪೈಲ್ವಾನ್-ಕುರುಕ್ಷೇತ್ರ ಒಟ್ಟಿಗೆ ಬಂದ್ರೆ ಲಾಭಕ್ಕಿಂತ ನಷ್ಟನೇ ಜಾಸ್ತಿ.!

ಫ್ಯಾನ್ಸ್ ವಾರ್ ಹೆಚ್ಚಾಗುತ್ತೆ

ಪೈಲ್ವಾನ್ ಮತ್ತು ಕುರುಕ್ಷೇತ್ರ ಒಟ್ಟಿಗೆ ಬಂದ್ರೆ ಸುದೀಪ್ ಅಭಿಮಾನಿಗಳು ಮತ್ತು ದರ್ಶನ್ ಅಭಿಮಾನಿಗಳು ಪ್ರತಿಷ್ಠೆಯಾಗಿ ತೆಗೆದುಕೊಳ್ಳುತ್ತಾರೆ.

ಥಿಯೇಟರ್ ಸಮಸ್ಯೆ ಕಾಡಬಹುದು.!

ಸುಮಾರು ಏಂಟು ಭಾಷೆಯಲ್ಲಿ ಪೈಲ್ವಾನ್, ಐದು ಭಾಷೆಯಲ್ಲಿ ಕುರುಕ್ಷೇತ್ರ ಸಿನಿಮಾ ರಿಲೀಸ್ ಆಗಲು ತಯಾರಾಗುತ್ತಿದೆ. ಇಬ್ಬರಿಗೂ ಹೆಚ್ಚು ಫ್ಯಾನ್ಸ್ ಇದ್ದಾರೆ. ಹೀಗಾಗಿ, ಎರಡೂ ಚಿತ್ರಗಳಿಗೂ ನಿರೀಕ್ಷೆಯ ಚಿತ್ರಮಂದಿರ ಸಿಗಲ್ಲ. ಇರುವ ಥಿಯೇಟರ್ ಗಳಲ್ಲಿ ಇಬ್ಬರು ಹಂಚಿಕೊಳ್ಳಬೇಕಾಗುತ್ತೆ. ಆಗ ಥಿಯೇಟರ್ ಸಂಖ್ಯೆ ಕುಸಿದರೂ ಅಚ್ಚರಿ ಇಲ್ಲ.

ಕಲೆಕ್ಷನ್ ಮೇಲೆ ಪರಿಣಾಮ

ಎರಡು ಸಿನಿಮಾ ಒಂದೇ ದಿನ ಬರುವುದರಿಂದ ಮೊದಲ ದಿನದ ಗಳಿಕೆ ಮೇಲೆ ನೇರಾ ಪರಿಣಾಮ ಬೀರುತ್ತೆ. ಕೇವಲ ಒಂದು ದಿನ ಮಾತ್ರವಲ್ಲ, ಆರಂಭದ ಕೆಲವು ದಿನಗಳು ಈ ವ್ಯತ್ಯಾಸ ಕಾಣಬಹುದು. ಯಾಕಂದ್ರೆ, ಇಬ್ಬರು ಫ್ಯಾನ್ಸ್ ಪ್ರತ್ಯೇಕವಾಗಿ ಸಿನಿಮಾ ನೋಡುವುದರಿಂದ ಗಳಿಕೆ ಕೂಡ ಇಬ್ಬರಿಗೂ ಹಂಚಿಕೆಯಾಗುತ್ತೆ.

ಪ್ರೇಕ್ಷಕರ ವರ್ಗ ಇಬ್ಭಾಗ

ಎಲ್ಲದಕ್ಕಿಂತ ವಿಶೇಷವಾಗಿ ಪ್ರೇಕ್ಷಕರ ವರ್ಗ ಇಬ್ಭಾಗವಾಗಬಹುದು. ನಮ್ಮ ಬಾಸ್ ಸಿನಿಮಾ ಬರ್ತಿದೆ ನಾನು ಅದೇ ಚಿತ್ರ ನೋಡುತ್ತೇನೆ ಎಂದು ಒಬ್ಬರು ಅಂದ್ರೆ, ನಮ್ಮ ಬಾಸ್ ಚಿತ್ರವೂ ಬರ್ತಿದೆ ನಾನು ಆ ಚಿತ್ರ ನೋಡುತ್ತೇನೆ ಎಂದು ಇನ್ನೊಬ್ಬರು ನಿರ್ಧರಿಸಬಹುದು. ಅಲ್ಲಿಗೆ ಸುದೀಪ್ ಫ್ಯಾನ್ಸ್ ಪೈಲ್ವಾನ್ ಚಿತ್ರವನ್ನ ದರ್ಶನ್ ಫ್ಯಾನ್ಸ್ ಕುರುಕ್ಷೇತ್ರವನ್ನ ಮಾತ್ರ ನೋಡುತ್ತಾರೆ. ಬೇರೆ ಬೇರೆ ಸಮಯದಲ್ಲಿ ಬಂದ್ರೆ ಇಬ್ಬರು ನಟರ ಅಭಿಮಾನಿಗಳು ಎರಡೂ ಚಿತ್ರವನ್ನ ನೋಡುವ ಸಾಧ್ಯತೆ ಇರುತ್ತೆ.

ಒಟ್ಟಿಗೆ ಬಂದ್ರೆ ಹಬ್ಬ ಜೋರು

ಇದೆನ್ನೆಲ್ಲಾ ಸೈಡಿಗೆ ಇಟ್ಟು ಒಂದೇ ದಿನ ಎರಡೂ ಚಿತ್ರಗಳು ಬಂದ್ರೆ, ಗಾಂಧಿನಗರದಲ್ಲಿ ವರಮಹಾಲಕ್ಷ್ಮಿ ಹಬ್ಬ ಸಖತ್ ಜೋರಾಗಲಿದೆ. ಯಾವ ಚಿತ್ರಮಂದಿರದ ಬಳಿ ಹೋದರೂ ಪೈಲ್ವಾನ್-ಕುರುಕ್ಷೇತ್ರದ ಪೋಸ್ಟರ್, ಕಟೌಟ್ ರಾರಾಜಿಸುತ್ತಿರುತ್ತೆ. ಇದನ್ನ ನೋಡೋದೆ ಒಂದು ಹಬ್ಬವಾಗುತ್ತೆ. ಒಂದೇ ದಿನ ಎರಡು ಸಿನಿಮಾ ನೋಡಿ ಮಜಾ ಮಾಡಬಹುದು.