ಕನ್ನಡ ಕಿರುತೆರೆ ಕಾರ್ಯಕ್ರಮಕ್ಕೆ ಬರ್ತಾರೆ ಇಳಯರಾಜ

ಸಂಗೀತ ಲೋಕದ ಅಧಿಪತಿ ಇಳಯರಾಜ ಅವರು ಈಗ ಕನ್ನಡದ ಒಂದು ಕಾರ್ಯಕ್ರಮಕ್ಕೆ ಅತಿಥಿಯಾಗಿ ಬರುತ್ತಿದ್ದಾರೆ. ಹೌದು, ಈ ವಿಷಯವನ್ನು ಸಂಗೀತ ನಿರ್ದೇಶಕ ಹಂಸಲೇಖ ಅವರು ಹಂಚಿಕೊಂಡಿದ್ದಾರೆ.

ಜೀ ಕನ್ನಡ ವಾಹಿನಿಯ ಸರಿಗಪಮ ಕಾರ್ಯಕ್ರಮದ ಸೀಸನ್ 15 ಶುರುವಾಗಿ ಎರಡು ವಾರಗಳು ಕಳೆದಿದೆ. ಈ ಬಾರಿಯ ಕಾರ್ಯಕ್ರಮಕ್ಕೆ ಇಳಯರಾಜ ಅವರು ಆಗಮಿಸಲಿದ್ದಾರೆ. ಕಳೆದ ಸಂಚಿಕೆಯ ನಡುವೆ ಮಾತನಾಡಿದ ಹಂಸಲೇಖ ಈ ಸೀಸನ್ ನಲ್ಲಿ ಇಳಯರಾಜ ಅವರನ್ನು ಕರೆದುಕೊಂಡು ಬರುತ್ತೇನೆ ಎಂದು ಹೇಳಿದ್ದಾರೆ.

ಕಳೆದ ಬಾರಿ ಈ ಕಾರ್ಯಕ್ರಮಕ್ಕೆ ಎಸ್ ಪಿ ಬಾಲಸುಬ್ರಹ್ಮಣ್ಯಂ ಅವರು ಆಗಮಿಸಿದ್ದು, ಈ ಸಲ ಇಳಯರಾಜ ಕಾರ್ಯಕ್ರಮ ಆಕರ್ಷಣೆ ಆಗಲಿದ್ದಾರೆ.

1000ಕ್ಕೂ ಅಧಿಕ ಸಿನಿಮಾಗೆ ಸಂಗೀತ ನೀಡಿರುವ ಇಳಯರಾಜ ಅವರು ಇಂದಿಗೂ ಅದೇ ಫಾರ್ಮ್ ಉಳಿಸಿಕೊಂಡಿದ್ದಾರೆ.