ಹ್ಯಾಪಿ ಮ್ಯಾರೀಡ್ ಲೈಫ್ ಹಿತಾ ಚಂದ್ರಶೇಖರ್-ಕಿರಣ್ ಶ್ರೀನಿವಾಸ್

ಮಿಸ್ಟರ್ ಅಂಡ್ ಮಿಸಸ್ ಕಿರಣ್

ಇವತ್ತು ಬೆಳಗ್ಗೆ ಇದ್ದ ಶುಭ ಮುಹೂರ್ತದಲ್ಲಿ ವಧು ಹಿತಾ ಚಂದ್ರಶೇಖರ್ ಕೊರಳಿಗೆ ಕಿರಣ್ ಶ್ರೀನಿವಾಸ್ ಮಾಂಗಲ್ಯಧಾರಣೆ ಮಾಡಿದರು. ಮಗಳ ಮದುವೆಯನ್ನ ಸಿಹಿ ಕಹಿ ಚಂದ್ರು ಮತ್ತು ಸಿಹಿ ಕಹಿ ಗೀತಾ ದಂಪತಿ ಮುಂದೆ ನಿಂತು ನೆರವೇರಿಸಿದರು. ಹಿತಾ-ಕಿರಣ್ ಮದುವೆಗೆ ಕೃಷಿ ತಾಪಂಡ, ಅನುಪಮಾ ಗೌಡ ಸೇರಿದಂತೆ ಕಿರುತೆರೆ ಮತ್ತು ಬೆಳ್ಳಿತೆರೆ ಕಲಾವಿದರು ಸಾಕ್ಷಿ ಆದರು.

ಮದುವೆ ಸಂಭ್ರಮದಲ್ಲಿ ನಟಿ ಹಿತಾ ಮತ್ತು ನಟ ಕಿರಣ್ ಶ್ರೀನಿವಾಸ್

ಲವ್ ಕಮ್ ಅರೇಂಜ್ಡ್ ಮ್ಯಾರೇಜ್

ಹಿತಾ ಚಂದ್ರಶೇಖರ್ ಮತ್ತು ಕಿರಣ್ ಶ್ರೀನಿವಾಸ್ ರದ್ದು ಲವ್ ಕಮ್ ಅರೇಂಜ್ಡ್ ಮ್ಯಾರೇಜ್. ಇಬ್ಬರು ಪ್ರೀತಿ ಮಾಡುತ್ತಿದ್ದ ವಿಚಾರವನ್ನು ನಟಿ ಸೋನು ಗೌಡ ಸೋಷಿಯಲ್ ಮೀಡಿಯಾದಲ್ಲಿ ಬಹಿರಂಗ ಪಡಿಸಿದ್ದರು. ಬಳಿಕ ತಮ್ಮ ಪ್ರೀತಿಗೆ ಕುಟುಂಬದಿಂದ ಸಮ್ಮತಿ ಪಡೆದು ಇಂದು ಸಪ್ತಪದಿ ತುಳಿದಿದ್ದಾರೆ ಈ ಜೋಡಿ.

ಇಬ್ಬರ ಮಧ್ಯೆ ಪ್ರೀತಿ ಮೂಡಿದ್ದು ಹೇಗೆ.?

'1/4 ಕೆ.ಜಿ ಪ್ರೀತಿ', 'ದುನಿಯಾ-2', 'ಒಂಥರಾ ಬಣ್ಣಗಳು', 'ತುರ್ತು ನಿರ್ಗಮನ' ಸಿನಿಮಾಗಳಲ್ಲಿ ಹಿತಾ ಚಂದ್ರಶೇಖರ್ ಅಭಿನಯಿಸಿದ್ದಾರೆ. ಇನ್ನೂ 'ಹಾಗೇ ಸುಮ್ಮನೆ', 'ಪ್ರೀತಿಯಿಂದ ರಮೇಶ್', 'ನಿರುತ್ತರ' ಸಿನಿಮಾಗಳಲ್ಲಿ ಕಿರಣ್ ಶ್ರೀನಿವಾಸ್ ನಟಿಸಿದ್ದಾರೆ. 'ಒಂಥರಾ ಬಣ್ಣಗಳು' ಚಿತ್ರದ ಶೂಟಿಂಗ್ ಸಂದರ್ಭದಲ್ಲಿ ಹಿತಾ ಮತ್ತು ಕಿರಣ್ ನಡುವೆ ಪ್ರೀತಿ ಮೂಡಿದೆ.

ಗ್ರ್ಯಾಂಡ್ ಆಗಿ ನಡೆದ ಸಂಗೀತ ಕಾರ್ಯಕ್ರಮ

ಮದುವೆಗೂ ಮುನ್ನ ಹಿತಾ-ಕಿರಣ್ ರವರ ಸಂಗೀತ ಸಮಾರಂಭ ಕೂಡ ಗ್ರ್ಯಾಂಡ್ ಆಗಿ ನಡೆದಿತ್ತು. ಸಂಗೀತ ಸೆರೆಮನಿಯಲ್ಲಿ ರೋಮ್ಯಾಂಟಿಕ್ ಹಾಡುಗಳಿಗೆ ನವ ಜೋಡಿ ಹೆಜ್ಜೆ ಹಾಕಿದರು.

ಹಿತಾ ಕೈಯಲ್ಲಿ ಮದರಂಗಿ

ವಿವಾಹ ಮಹೋತ್ಸವಕ್ಕೂ ಮುನ್ನ ಹಿತಾ ಮನೆಯಲ್ಲಿ ಗೌರಿ ಪೂಜೆ ಮತ್ತು ಮೆಹಂದಿ ಶಾಸ್ತ್ರ ನಡೆಯಿತು. ವಧು ಹಿತಾ ಜೊತೆಯಲ್ಲಿ ಕುಟುಂಬಸ್ಥರು ಮತ್ತು ಸ್ನೇಹಿತರು ಕೈಗೆ ಮೆಹಂದಿ ಹಾಕಿಕೊಂಡು ಸಂಭ್ರಮ ಪಟ್ಟರು. ಮೆಹಂದಿ ಶಾಸ್ತ್ರಕ್ಕೆ ಪಿಂಕ್ ಬಣ್ಣದ ಡ್ರೆಸ್ ಧರಿಸಿದ್ದರು ಹಿತಾ ಚಂದ್ರಶೇಖರ್.