ಕಪಿಲ್ ಶರ್ಮ ಶೋನಲ್ಲಿ ಮಸ್ತ್ ಮಜಾ ಮಾಡಿದ ಕಿಚ್ಚ ಸುದೀಪ್.!

'ಕಪಿಲ್ ಶರ್ಮ ಶೋ'ನಲ್ಲಿ ಕಿಚ್ಚ ಸುದೀಪ್

ಕಾಮಿಡಿ ಕಿಂಗ್ ಕಪಿಲ್ ಶರ್ಮ ಶೋನಲ್ಲಿ ಕಿಚ್ಚ ಸುದೀಪ್ ಮಿಂಚಿದ್ದಾರೆ. ಬಾಲಿವುಡ್ ನಟ ಸುನೀಲ್ ಶೆಟ್ಟಿ ಜೊತೆ ಕಾರ್ಯಕ್ರಮದಲ್ಲಿ ಸುದೀಪ್ ಹೊಟ್ಟೆ ಹುಣ್ಣಾಗುವಂತೆ ನಕ್ಕಿದ್ದಾರೆ.

ಕಿಚ್ಚ ಸುದೀಪ್ ಟ್ವೀಟ್

ಕಪಿಲ್ ಶರ್ಮ ಶೋ ನಲ್ಲಿ ಭಾಗವಹಿಸಿ ಸಂತಸಗೊಂಡ ಕಿಚ್ಚ ಸುದೀಪ್ ತಮ್ಮ ಹರ್ಷವನ್ನು ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದಾರೆ. "ಕಾರ್ಯಕ್ರಮದಲ್ಲಿ ಸಖತ್ ಎಂಜಾಯ್ ಮಾಡಿದೆ. ನಕ್ಕು ನಕ್ಕು ಸಾಕಾಯ್ತು. ಈ ರೀತಿ ನಗುವ ಅವಕಾಶ ನನಗೆ ಸಿಕ್ಕಿದ್ದೇ ಅಪರೂಪ. ಇಂಥ ಅವಕಾಶ ಕಲ್ಪಿಸಿಕೊಟ್ಟವರಿಗೆ ಧನ್ಯವಾದಗಳು. ಥ್ಯಾಂಕ್ಯೂ ಕಪಿಲ್ ಶರ್ಮ" ಎಂದು ಸುದೀಪ್ ಟ್ವೀಟ್ ಮಾಡಿದ್ದಾರೆ.

ಮೊದಲ ಸ್ಯಾಂಡಲ್ ವುಡ್ ನಟ

ಇಂಟ್ರೆಸ್ಟಿಂಗ್ ಏನಪ್ಪ ಅಂದ್ರೆ ಕಪಿಲ್ ಶರ್ಮ ಶೋನಲ್ಲಿ ಭಾಗವಹಿಸಿರುವ ಮೊಟ್ಟಮೊದಲ ಸ್ಯಾಂಡಲ್ ವುಡ್ ನಟ ಕಿಚ್ಚ ಸುದೀಪ್. ಕಪಿಲ್ ಶರ್ಮ ಶೋ ಮೂಲಕ ಹಿಂದಿ ಕಿರುತೆರೆಯ ವೀಕ್ಷಕರಿಗೂ ಸುದೀಪ್ ಆಪ್ತವಾಗಲಿದ್ದಾರೆ.

ಪೈಲ್ವಾನ್ ಪ್ರಮೋಷನ್.?

ಅಂದ್ಹಾಗೆ, ಕಪಿಲ್ ಶರ್ಮ ಶೋ ನಲ್ಲಿ ಕಿಚ್ಚ ಸುದೀಪ್ ಭಾಗವಹಿಸಿರುವುದು 'ಪೈಲ್ವಾನ್' ಚಿತ್ರದ ಪ್ರಮೋಶನ್ ಗೋ ಅಥವಾ ಸಿಸಿಎಲ್ ಗೋ ಎಂಬ ಕ್ಲಾರಿಟಿ ಸಿಕ್ಕಿಲ್ಲ. ಸಂಚಿಕೆ ಪ್ರಸಾರ ಆಗುವವರೆಗೂ ಕಾಯಬೇಕು.

ಪ್ರಸಾರ ಯಾವಾಗ.?

ಹಿಂದಿಯ ಸೋನಿ ವಾಹಿನಿಯಲ್ಲಿ ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 9.30ಕ್ಕೆ ಕಪಿಲ್ ಶರ್ಮ ಶೋ ಪ್ರಸಾರವಾಗಲಿದೆ. ನಿನ್ನೆಯಷ್ಟೇ ಸುದೀಪ್ ಭಾಗವಹಿಸಿರುವ ಸಂಚಿಕೆಯ ಚಿತ್ರೀಕರಣಗೊಂಡಿರುವುದರಿಂದ, ಆ ಸಂಚಿಕೆ ಯಾವಾಗ ಪ್ರಸಾರ ಆಗುತ್ತೆ ಅನ್ನೋದನ್ನು ಕನ್ಫರ್ಮ್ ಆಗಿಲ್ಲ.