ನೀವಂದುಕೊಂಡಂಗಿಲ್ಲ ಸುದೀಪ್-ಶಿವಣ್ಣ! ಅಚ್ಚರಿ ನೋಡಿ

ಕಿಚ್ಚ ಸುದೀಪ್ ಮನೆಯಲ್ಲಿ ಶಿವರಾಜ್ ಕುಮಾರ್

ಅಂತೂ ಗಾಂಧಿನಗರದಲ್ಲಿ ಎಂಟನೇ ಅದ್ಭುತ ನಡೆದೇ ಹೋಗಿದೆ. ಮೊನ್ನೆಯಷ್ಟೆ ಕಿಚ್ಚ ಸುದೀಪ್ ಮನೆಗೆ ಭೇಟಿ ನೀಡುವ ಮೂಲಕ ''ಸುದೀಪ್ ಮತ್ತು ಶಿವಣ್ಣ ಒಂದಾಗೋಲ್ಲ'' ಅನ್ನುತ್ತಿದ್ದವರ ಬಾಯಿಗೆ ಬೀಗ ಹಾಕಿದ್ದಾರೆ ನಟ ಶಿವರಾಜ್ ಕುಮಾರ್.

ಮಗಳ ಮದುವೆಗೆ ಕರೆಯೋಲೆ

ಸುದೀಪ್ ಮನೆಗೆ ಭೇಟಿ ಕೊಟ್ಟ ಶಿವರಾಜ್ ಕುಮಾರ್ ಮತ್ತು ಪತ್ನಿ ಗೀತಾ ಶಿವರಾಜ್ ಕುಮಾರ್, ಸುದೀಪ್ ಮತ್ತು ಕುಟುಂಬವನ್ನ ತಮ್ಮ ಪುತ್ರಿಯ ವಿವಾಹ ಮಹೋತ್ಸವಕ್ಕೆ ಆತ್ಮೀಯ ಆಮಂತ್ರಣ ನೀಡಿದರು.

ಶಿವಣ್ಣನ ಮಗಳ ಮದುವೆಗೆ ಬರ್ತಾರೆ ಕಿಚ್ಚ.!

ಶಿವಣ್ಣ ದಂಪತಿಯ ಆಮಂತ್ರಣ ಸ್ವೀಕರಿಸಿದ ಸುದೀಪ್, ಮದುವೆಗೆ ಕುಟುಂಬ ಸಮೇತ ಹಾಜರಾಗುವುದಾಗಿ ತಿಳಿಸಿದ್ದಾರೆ.

ಶಿವಣ್ಣ ದಂಪತಿಗೆ ಸಿಹಿ ಊಟ

ಶಿವಣ್ಣ ದಂಪತಿ ತಮ್ಮ ಮನೆಗೆ ಬಂದಿದ್ದರಿಂದ ಅವರಿಗಾಗಿ ವಿಶೇಷ ಸಿಹಿ ಊಟ ಮಾಡಿಸಿದ್ದರು ಸುದೀಪ್. ಅಲ್ಲದೇ, ಎಲ್ಲರೂ ಒಟ್ಟಿಗೆ ಕೂತು ಊಟ ಮಾಡಿದರು.

ಇಬ್ಬರ ನಡುವೆ ವೈರತ್ವ ಇಲ್ಲ!

ಸುದೀಪ್ ಮತ್ತು ಶಿವಣ್ಣ ನಡುವೆ ಯಾವುದೇ ವೈರತ್ವ ಇಲ್ಲ ಅನ್ನೋದಕ್ಕೆ ಇದಕ್ಕಿಂತ ಮತ್ತೊಂದು ಉದಾಹರಣೆ ಬೇಕಾ? ಕಲಾವಿದರೆಲ್ಲರು ಒಗ್ಗಟ್ಟಾಗಿ ಇರುತ್ತಾರೆ. ಅಭಿಮಾನಿಗಳು ಕೂಡ ಹಾಗೇ ವರ್ತಿಸಿದರೆ, ಸ್ಯಾಂಡಲ್ ವುಡ್ ನಲ್ಲಿ ವಿವಾದಗಳ ಸಂಖ್ಯೆ ಕಡಿಮೆ ಆಗ್ಬಹುದು.