ದರ್ಶನ್ 'ಕೈಕಡಗ' ಬಗ್ಗೆ ಇದ್ದ ಊಹಾಪೋಹಗಳು ಸುಳ್ಳು.!

36 ವರ್ಷದಿಂದ ಕಡಗ ಹಾಕುವ ಅಭ್ಯಾಸವಿದೆ

ದರ್ಶನ್ ಅವರಿಗೆ ಕಡಗ ಹಾಕುವುದು ನಿನ್ನೆ ಅಥವಾ ಮೊನ್ನೆಯಿಂದಲ್ಲ. ಸುಮಾರು 36 ವರ್ಷಗಳಿಂದ ಕೈಯಲ್ಲಿ ಕಡಗ ಹಾಕುತ್ತಿದ್ದಾರಂತೆ. ತಾವು ಮೈಸೂರಿನಲ್ಲಿ ನೆಲೆಸಿದ್ದಾಗ, ಶಾಲೆಗೆ ಹೋಗುವ ಸಂದರ್ಭದಿಂದಲೇ ಕೈಗೆ ಕಡಗ ಹಾಕ್ತಾರಂತೆ ದಾಸ.

ಪಂಜಾಬಿ ಕುಟುಂಬ ಕೊಟ್ಟಿದ್ದು

ಮೈಸೂರಿನಲ್ಲಿ ದರ್ಶನ್ ಫ್ಯಾಮಿಲಿ ನೆಲೆಸಿದ್ದ ಮನೆಯ ಮಹಡಿಯಲ್ಲಿ ಪಂಜಾಬಿ ಕುಟುಂಬವೊಂದು ವಾಸವಾಗಿತ್ತು. ಅವರಿಗೆ ಗಂಡು ಮಕ್ಕಳಿರಲಿಲ್ಲ. ಒಂದು ಸಲ ಅವರು ಗೋಲ್ಡನ್ ಟೆಂಪಲ್ ಗೆ ಹೋಗಿದ್ದ ವೇಳೆ ಸಣ್ಣದೊಂದು ತಂದು ನನಗೆ ಕೊಟ್ಟಿದ್ದರು. ಅಲ್ಲಿಂದ ನಾನು ಹಾಕ್ತಿದ್ದೀನಿ'' ಎಂದು ಇಂಟರೆಸ್ಟಿಂಗ್ ಕಥೆ ಹೇಳಿದರು.

'ಕಡಗ' ಅಂದ್ರೆ ದರ್ಶನ್ ಗೆ ಒಂಥರಾ ಪ್ರೀತಿ

ವಿಷ್ಣುವರ್ಧನ್ ಅವರಿಗೆ ಕಡಗ ಅಂದ್ರೆ ಅಭಿಮಾನ, ಪ್ರೀತಿ, ಅದೊಂದು ನಂಬಿಕೆ. ಅದೇ ರೀತಿ ದರ್ಶನ್ ಅವರಿಗೂ ಕಡಗ ಅಂದ್ರೆ ಪ್ರೀತಿ, ನಂಬಿಕೆ. ಕಾರಿನ ಅಪಘಾತವಾಗಿದ್ದ ವೇಳೆ ತಮ್ಮ ಕೈಗೆ ಬಲವಾದ ಗಾಯವಾಗಿತ್ತು. ಅಂತಹ ಸಮಯದಲ್ಲೂ ಕೈಯಲ್ಲಿದ್ದ ಕಡಗವನ್ನ ದರ್ಶನ್ ತೆಗೆಯಲಿಲ್ಲ.

ವಿಷ್ಣು ಅವರದ್ದಲ್ಲ, ಅಂಬಿಯದ್ದೂ ಅಲ್ಲ

ಇನ್ನು ದರ್ಶನ್ ಅವರ ಕೈಯಲ್ಲಿರುವ ಕಡಗದ ಬಗ್ಗೆ ಅನೇಕ ಊಹಾಪೊಹಗಳಿವೆ. ವಿಷ್ಣುವರ್ಧನ್ ಅವರ ಕಡಗ ದರ್ಶನ್ ಗೆ ಸಿಕ್ಕಿದೆ. ಅಂಬರೀಶ್ ಅವರ ಉಡುಗೊರೆಯಾಗಿ ನೀಡಿದ್ದಾರೆ ಎಂಬ ಮಾತುಗಳೆಲ್ಲವೂ ಸತ್ಯ ದೂರವಾಗಿದೆ ಎಂಬುದು ಈಗ ಬಹಿರಂಗವಾಗಿದೆ.