'ಮುಂಗಾರು ಮಳೆ', 'ಮೊಗ್ಗಿನ ಮನಸ್ಸು' ಮತ್ತು ಹೆಣ್ಣು ಮಕ್ಕಳು

ಶಶಾಂಕ್ ಹಂಚಿಕೊಂಡ ಸಂಗತಿ

ನಿರ್ದೇಶಕ ಶಶಾಂಕ್ ತಮ್ಮ ಟ್ವಿಟ್ಟರ್ ಖಾತೆಯ ಮೂಲಕ ಒಂದು ವಿಶೇಷ ಸಂಗತಿ ಹಂಚಿಕೊಂಡಿದ್ದಾರೆ. ಯಶ್ ಹಾಗೂ ರಾಧಿಕಾ ದಂಪತಿಗೆ ಶುಭಕೋರಿರುವ ಅವರು ''ಮುಂಗಾರು ಮಳೆ-ಮೊಗ್ಗಿನ ಮನಸ್ಸು ಚಿತ್ರಗಳನ್ನು ನಿರ್ಮಿಸಿದ್ದು ಒಂದೇ ಸಂಸ್ಥೆ. ಈ ಚಿತ್ರಗಳಿಗೆ ದುಡಿದ ಕಲಾವಿದರು, ತಂತ್ರಜ್ಞರು ಯಶಸ್ಸಿನ ಶಿಖರವನ್ನೇರಿದರು ಮತ್ತು ತದನಂತರ ಅವರೆಲ್ಲರಿಗೂ ಹುಟ್ಟಿದ ಮಗು ಹೆಣ್ಣು!'' ಎಂದು ಟ್ವೀಟ್ ಮಾಡಿದ್ದಾರೆ.

ಯಶ್ - ರಾಧಿಕಾಗೆ ಹೆಣ್ಣು ಮಗು

ನಟಿ ರಾಧಿಕ ಪಂಡಿತ್ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಯಶ್ ಮನೆಗೆ ಮಹಾಲಕ್ಷ್ಮಿಯ ಆಗಮನವಾಗಿದೆ. ಡಿಸೆಂಬರ್ 2 ರಂದು ಬೆಳಗ್ಗೆ 6.20ರ ಸುಮಾರಿಗೆ ಬೆಂಗಳೂರಿನ ಪೋರ್ಟಿಸ್ ಆಸ್ಪತ್ರೆಯಲ್ಲಿ ಮಗುವಿನ ಜನನವಾಗಿದೆ. ಜೂನಿಯರ್ ರಾಧಿಕಾ ಪಂಡಿತ್ ಗೆ ಸ್ಯಾಂಡಲ್ ವುಡ್ ನ ಅನೇಕರು ವಿಶ್ ಮಾಡಿದ್ದಾರೆ.

ಗಣೇಶ್- ಶಿಲ್ಪಾ ಗೆ ಹೆಣ್ಣು ಮಗು

'ಮುಂಗಾರು ಮಳೆ' ಸಿನಿಮಾದ ನಾಯಕ ಗಣೇಶ್ ಅವರಿಗೆ ಸಹ ಇರುವುದು ಹೆಣ್ಣು ಮಗು. 'ಮುಂಗಾರು ಮಳೆ' ಸಿನಿಮಾ 2006 ರಲ್ಲಿ ಬಿಡುಗಡೆಯಾಗಿದ್ದು, 2008 ಗಣೇಶ್ ಶಿಲ್ಪಾ ರನ್ನ ವಿವಾಹವಾದರು. ಗಣೇಶ್ ಹಾಗೂ ಶಿಲ್ಪಾ ದಂಪತಿಗೆ 2009ರಲ್ಲಿ ಮಗಳು ಜನಿಸಿದಳು. ಗಣೇಶ್ ಪುತ್ರಿ ಚಾರಿತ್ಯಗೆ ಸದ್ಯ 9 ವರ್ಷ ತುಂಬಿದೆ.

ನಿರ್ದೇಶಕರಿಗೂ ಅಷ್ಟೇ

'ಮುಂಗಾರು ಮಳೆ' ಸಿನಿಮಾದ ಸೂತ್ರಧಾರ ಯೋಗರಾಜ್ ಭಟ್ ಅವರಿಗೆ ಇಬ್ಬರು ಮಕ್ಕಳಿದ್ದು, ಇಬ್ಬರು ಹೆಣ್ಣು ಮಗಳೇ. ಅದೇ ಕಾರಣಕ್ಕೆ ಭಟ್ಟರು ಹೆಣ್ಣು ಮಕ್ಕಳೇ ಸ್ಟ್ರಾಂಗು ಗುರು ಎಂದು ಹೇಳಿರಬಹುದು. ಹಾಗೇಯೇ 'ಮೊಗ್ಗಿನ ಮನಸ್ಸು' ನಿರ್ದೇಶಕ ಶಶಾಂಕ್ ಅವರಿಗೂ ಹೆಣ್ಣು ಮಗು ಇದೆ. ಇಬ್ಬರು ನಿರ್ದೇಶಕರು ಹೆಣ್ಣು ಮಕ್ಕಳಿಗೆ ತಂದೆಯಾಗಿದ್ದಾರೆ.

ನಿರ್ಮಾಪಕರು, ತಂತ್ರಜ್ಞರು

'ಹೆಬ್ಬುಲಿ' ನಿರ್ದೇಶಕ ಕೃಷ್ಣ ಈ ಹಿಂದೆ 'ಮುಂಗಾರು ಮಳೆ' ಸಿನಿಮಾಗೆ ಕ್ಯಾಮರಾ ಮ್ಯಾನ್ ಆಗಿದ್ದರು. ಕೃಷ್ಣ ಹಾಗೂ ಸ್ವಪ್ನ ದಂಪತಿಗೆ ಸಹ ಹೆಣ್ಣು ಮಗು ಆಗಿತ್ತು. 'ಮುಂಗಾರು ಮಳೆ' ಹಾಗೂ 'ಮೊಗ್ಗಿನ ಮನಸ್ಸು' ಎರಡು ಸಿನಿಮಾಗಳನ್ನು ನಿರ್ಮಾಣ ಮಾಡಿದ್ದು ಇ ಕೆ ಎಂಟರ್ ಪ್ರೈಸಸ್. ಈ ಚಿತ್ರದ ನಿರ್ಮಾಪಕ ಗಂಗಾಧರ್ ಅವರಿಗೂ ಹೆಣ್ಣು ಮಗು ಇದೆ.