Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದರ್ಶನ್ ಮದುವೆಗೂ 'ಚಾಲೆಂಜಿಂಗ್ ಸ್ಟಾರ್' ಬಿರುದಿಗೂ ಹತ್ತಿರದ ನಂಟು
2002ರಲ್ಲಿ ನಟ ದರ್ಶನ್ ಮೆಜೆಸ್ಟಿಕ್ ಚಿತ್ರದ ಮೂಲಕ ನಾಯಕನಟನಾಗಿ ಸ್ಯಾಂಡಲ್ವುಡ್ ಇಂಡಸ್ಟ್ರಿ ಪ್ರವೇಶಿಸಿದರು. ಚೊಚ್ಚಲ ಸಿನಿಮಾ ದೊಡ್ಡ ಯಶಸ್ಸು ಕಂಡಿತು. ಮೊದಲ ಸಿನಿಮಾದಲ್ಲಿ ದಾಸ ಎಂಬ ಪಾತ್ರ ಮಾಡಿದ್ದ ದರ್ಶನ್ಗೆ ಅಭಿಮಾನಿಗಳು ಪ್ರೀತಿಯಿಂದ ದಾಸ ಎಂದು ಕರೆಯಲು ಆರಂಭಿಸಿದರು. ದರ್ಶನ್ಗೆ ಈಗಲೂ ಈ ಹೆಸರು ಬಹಳ ಇಷ್ಟ.
ತಮ್ಮ ಹೆಸರು ಬಳಸುವ ಪ್ರತಿ ಸಂದರ್ಭದಲ್ಲಿ ನಿಮ್ಮ ಪ್ರೀತಿಯ 'ದಾಸ ದರ್ಶನ್' ಎಂದು ಬರೆಯುತ್ತಾರೆ. ಹಾಗಾದ್ರೆ, ದಾಸ ದರ್ಶನ್ಗೆ ಚಾಲೆಂಜಿಂಗ್ ಸ್ಟಾರ್ ಪಟ್ಟ ಸಿಕ್ಕಿದ್ದು ಹೇಗೆ? ಈ ಟೈಟಲ್ ಕೊಟ್ಟಿದ್ದು ಯಾರು? ಶೀರ್ಷಿಕೆ ಮತ್ತು ದರ್ಶನ್ ಅವರ ಮದುವೆಗೂ ಏನ್ ಸಂಬಂಧ ಎಂಬ ಆಸಕ್ತಿಕರ ವಿಷಯಗಳು ಇಲ್ಲಿದೆ. ಮುಂದೆ ಓದಿ...
'ಚಾಲೆಂಜಿಂಗ್ ಹೀರೋ' ಬಿರುದು
ದರ್ಶನ್ಗೆ ಚಾಲೆಂಜಿಂಗ್ ಸ್ಟಾರ್ ಬಿರುದು ಸಿಕ್ಕಿ ಇಂದಿಗೆ 18 ವರ್ಷ ಕಳೆದಿದೆ. ಹದಿನೆಂಟು ವರ್ಷದ ಹಿಂದೆ ಅಂದ್ರೆ 2003 ಮೇ 23 ರಂದು ಮೈಸೂರಿನ ಹುಣಸೂರಿನ ಬಳಿಯಿರುವ ಹುಟ್ಕಳ್ಳಿಯಲ್ಲಿ ನಡೆದ ಸಮಾರಂಭದಲ್ಲಿ ದರ್ಶನ್ಗೆ ಈ ಬಿರುದು ನೀಡಿ ಗೌರವಿಸಲಾಗಿತ್ತು.
ಡಿ ಬಾಸ್ ದರ್ಶನ್ 'ಚಾಲೆಂಜಿಂಗ್ ಸ್ಟಾರ್' ಆಗಿ 17 ವರ್ಷ
ಈ ಟೈಟಲ್ ಕೊಟ್ಟಿದ್ದು ಯಾರು?
ದರ್ಶನ್ ಆಪ್ತ, ಅಭಿಮಾನಿ ಹುಟ್ಕಳ್ಳಿಯ ದೇಶಿ ಗೌಡರು ದಾಸ ದರ್ಶನ್ಗೆ 'ಚಾಲೆಂಜಿಂಗ್ ಹೀರೋ' ಎಂಬ ಬಿರುದು ನೀಡಿದ್ದರು. ಅಂದು ನಡೆದ ಸಮಾರಂಭದಲ್ಲಿ ದರ್ಶನ್ ಸಹೋದರ ದಿನಕರ್ ತೂಗುದೀಪ, ತಾಯಿ ಮೀನಾ, ಪತ್ನಿ ವಿಜಯಲಕ್ಷ್ಮಿ ಸಹ ಭಾಗಿಯಾಗಿದ್ದರು. ಆರಂಭದಲ್ಲಿ ಈ ಬಿರುದು ಕೊಟ್ಟಾಗ 'ಚಾಲೆಂಜಿಂಗ್ ಹೀರೋ' ಅಂತಾನೆ ಇತ್ತು. ದಿನಕಳೆದಂತೆ 'ಚಾಲೆಂಜಿಂಗ್ ಸ್ಟಾರ್' ಆಗಿ ಬದಲಾಯಿತು.
ಆಗಷ್ಟೇ ಮದುವೆ ಆಗಿದ್ದ ದರ್ಶನ್
ಚಾಲೆಂಜಿಂಗ್ ಹೀರೋ ಬಿರುದು ಸಿಗುವುದಕ್ಕೂ ನಾಲ್ಕು ದಿನದ ಹಿಂದೆಯಷ್ಟೆ ದರ್ಶನ್ ವಿವಾಹ ಜರುಗಿತ್ತು. ದರ್ಶನ್ ಮತ್ತು ವಿಜಯಲಕ್ಷ್ಮಿ ವಿವಾಹ ಮೇ 19, 2003ರಲ್ಲಿ ನಡೆದಿತ್ತು. ಮದುವೆ ಆದ ಕೆಲವೇ ದಿನಗಳಲ್ಲಿ ದರ್ಶನ್ಗೆ ಚಾಲೆಂಜಿಂಗ್ ಪಟ್ಟಕ್ಕೇರಿದ್ದರು.
ದರ್ಶನ್ ದಂಪತಿಯ ವಿವಾಹ ವಾರ್ಷಿಕೋತ್ಸವ: ಹೇಗಿದೆ ನೋಡಿ ಡಿ ಬಾಸ್ ಮದುವೆ ಆಮಂತ್ರಣ ಪತ್ರಿಕೆ?
18ನೇ ವಿವಾಹ ವಾರ್ಷಿಕೋತ್ಸವ
ಚಾಲೆಂಜಿಂಗ್ ಸ್ಟಾರ್ ಬಿರುದಿನ ಜೊತೆಗೆ ನಟ ದರ್ಶನ್ ಮತ್ತು ವಿಜಯಲಕ್ಷ್ಮಿ ದಾಂಪತ್ಯಕ್ಕೆ 18ನೇ ವರ್ಷದ ಸಂಭ್ರಮ. ಧರ್ಮಸ್ಥಳದ ಶ್ರೀಮಂಜುನಾಥ ಸ್ವಾಮಿ ದೇವಸ್ಥಾನದಲ್ಲಿ ಇವರಿಬ್ಬರ ವಿವಾಹ ಜರುಗಿತ್ತು. ಹಾಗಾಗಿ, ಡಿ ಬಾಸ್ ದಂಪತಿಯ ಮದುವೆ ಹಾಗು ಚಾಲೆಂಜಿಂಗ್ ಸ್ಟಾರ್ ಬಿರುದಿಗೆ ಬಹಳ ಹತ್ತಿರದ ನಂಟಿದೆ.
Recommended Video
ಎಷ್ಟೇ ಬಿರುದು ಸಿಕ್ಕರೂ 'ಚಾಲೆಂಜಿಂಗ್ ಸ್ಟಾರ್' ಶಾಶ್ವತ
ದಾಸ ದರ್ಶನ್ ಚಿತ್ರರಂಗಕ್ಕೆ ಬಂದು ಎರಡು ದಶಕ ಆಗಿದೆ. ಈ ಸುದೀರ್ಘ ಪಯಣದಲ್ಲಿ ಅವರ ಅಭಿಮಾನಿಗಳು ಹಲವು ಬಿರುದುಗಳನ್ನು ನೀಡಿದ್ದಾರೆ. ಬಾಕ್ಸ್ ಆಫೀಸ್ ಸುಲ್ತಾನ್, ಡಿ ಬಾಸ್, ಶರವೀರ ಶತಸೋದರರಾಗ್ರಜ, Monarch of sandalwood, ಕರುನಾಡ ಒಡೆಯ, ಶತಕೋಟಿ ಸರದಾರ ಹೀಗೆ ಹಲವು ಬಿರುದು ಸಿಕ್ಕಿದೆ. ಆದರೆ, ಚಾಲೆಂಜಿಂಗ್ ಸ್ಟಾರ್ ಎನ್ನುವುದು ದರ್ಶನ್ ಪಾಲಿಗೆ ಶಾಶ್ವತ.